سائب بن خلاد
سائب بن خلاد ان کے نام اور غزوہ بدر کی شرکت میں اختلاف ہے بعض خلاد بن سائب لکھتے ہیں۔
نام و نسب
سائب نام، ابو سہلہ کنیت ،قبیلۂ خزرج سے ہیں، سلسلۂ نسب یہ ہے،سائب بن خلاد بن سوید بن ثعلبہ بن عمرو بن حارثہ بن امرء القیس بن مالک اغر بن ثعلبہ بن کعب بن خزرج بن حارث بن خزرج اکبر۔[1] ماں کا نام لیلیٰ بنت عبادہ تھا اور قبیلہ ساعدہ سے تھیں۔
غزوات
ابو عبید کے خیال میں بدر میں شریک تھے، لیکن ابو نعیم کو انکار ہے۔ امیر معاویہ کے زمانۂ خلافت میں یمن کے حاکم تھے۔
وفات
71ھ میں وفات پائی۔
اولاد
خلاد نام ایک لڑکا یادگار چھوڑا۔
فضل وکمال
ان کی سند سے 5 حدیثیں مروی ہیں بعض صحاح میں بھی ہیں، راویوں میں خلاد، صالح بن خیوان، عطاء بن یسار، محمد بن کعب قرظی، عبد الرحمان بن ابی صعصعہ عبد الملک ،ابن ابی بکر بن عبد الرحمان وغیرہ ہیں۔[2]
حوالہ جات
- الاصابہ فی تمييز الصحابہ 2/ 10،مؤلف: ا بن حجر العسقلانی ،ناشر دار الكتب العلميہ بيروت
- تہذيب الكمال فی اسماء الرجال ،مؤلف،ابو الحجاج، جمال الدين المزی،ناشر: مؤسسۃ الرسالۃ بيروت
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.