سبرہ بن معبد

سبرہ نام ،ابو ربیع یا ابو ثربہ کنیت،نسب نامہ یہ ہے سبرہ بن معبد بن عوسجہ بن حرملہ ابن عوسجہ جہنی

زمانہ اسلام کا تعیین نہیں بعض روایتوں سے معلوم ہوتا ہے کہ 5ھ میں مشرف باسلام ہوچکے تھے؛چنانچہ غزوۂ خندق میں شریک تھے فتح مکہ میں بھی ہمرکاب تھے؛چنانچہ بیان کرتے ہیں کہ فتحِ مکہ کے سال جب ہم مکہ میں داخل ہوئے تو رسول اللہ ﷺ نے متعہ کی اجازت دیدی، لیکن پھر مکہ سے نکلنے کے بعد اس کی ممانعت فرمادی [1]حجۃ الوداع میں ساتھ تھے۔

ان کا مکان مدینہ میں جہینہ کے محلہ میں تھا، آخر عمر میں ذی المروہ میں منتقل ہو گئے تھے اوریہیں امیر معاویہ کے عہدِ خلافت میں وفات پائی وفات کے بعد ایک لڑکا ربیع یادگار چھوڑا۔[2] [3]