ثمامہ بن عدی

ثمامہ نام باپ کا نام عدی تھا، نسبی تعلق قریش سے تھا؛لیکن اس کی تصریح نہیں ملتی کہ اس کی کس شاخ سے تعلق تھا۔[1]

زمانۂ اسلام کی تعیین بھی نہیں کی جاسکتی،مگر اتنا معلوم ہے کہ یہ شرف ابتدائی ایام میں حاصل ہوا،چنانچہ ارباب سیر نے آپ کو مہاجرین اولین کے زمرہ میں شامل کیا۔ == [2] غزوات == ہجرت کے بعد بدرعظمیٰ میں شریک ہوکر امتیاز خاص حاصل کیا۔عثمان غنی کے زمانہ میں صنعاء کی مسند حکومت پر سرفراز ہوئے ،آپ کی شہادت کے وقت یہیں تھے، یہ المناک خبر سن کر آنکھوں سے آنسو جاری ہو گئے،اسی حالت میں خطبہ دیا،ضبط گریہ گلوگیر تھا، بمشکل چند جملے کہہ سکے کہ امت محمدیہﷺ میں آج خلافت سلطنت سے بدل گئی، اب جو شخص جس چیز پر قابض ہوگا اس کو کھائے گا۔[3]