قطبہ بن عامر

قطبہ بن عامرغزوہ بدر میں شریک انصار صحابی ہیں۔

نام ونسب

قطبہ نام، ابوزید کنیت،قبیلۂ خزرج سے ہیں، نسب نامہ یہ ہے ،قطبہ بن عامر بن حدیدہ بن عمرو بن سواد بن غنم بن کعب بن سلمہ

اسلام

عقبہ اولی میں مسلمان اور عقبہ ثانیہ میں شریک ہوئے۔

غزوات

غزوہ بدر،غزوہ احد اورتمام غزوات میں آنحضرتﷺ کے ہمرکاب تھے،غزوۂ بدر میں نہایت پامردی اورجانبازی سے لڑے،مسلمانوں اورکفار کی صفوں کے درمیان میں ایک پتھر پھینکا اورکہا کہ "جب تک یہ نہ بھاگے گا میں بھی نہ بھاگوں گا"! غزوہ احد میں9 زخم کھائے اور فتح مکہ میں بنو سلمہ کی علمبرداری کا فخر حاصل کیا۔

وفات

عثمان غنی کے عہد خلافت میں وفات پائی۔[1][2]

حوالہ جات

  1. اسد الغابہ جلد 3 صفحہ 827 حصہ ہفتم مؤلف: ابو الحسن عز الدين ابن الاثير ،ناشر: المیزان ناشران و تاجران کتب لاہور
  2. اصحاب بدر، صفحہ 186، قاضی محمد سلیمان منصور پوری، مکتبہ اسلامیہ اردو بازار لاہور
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.