حکیم بن حزام

کعبہ میں حکیم بن حزام[2] کی پیدائش کے علاوہ کسی اور کی پیدائش نہ پہلے اور نہ بعد میں ہوئی۔

• حكيم بن حزام ولد في جوف الكعبۃ، ولا يعرف ذلك لغيره. وأما ما روي أن عليا ولد فيها فضعيف عند العلماء۔[3] حکیم بن حزام کعبے کے اندر پیدا ہوئے اور یہ بات کسی دوسرے کے متعلق سننے میں نہیں آئی اور اس قول کے متعلق کہ حضرت علی کی ولادت کعبہ میں ہوئی علما کے نزدیک یہ قول ضعیف ہے۔
• وذكر أبو الفرج بن الجوزي في كتابہ «مثير العزم الساكن إلى أشرف الأماكن»: وقول من قال: إن علي بن أبي طالب ولد في جوف الكعبۃليس بصحيح، لم يولد فيها غير حكيم۔[4] علامہ ابن جوزی نے اپنی کتاب مثیر العزم الساکن الی اشرف الاماکن میں اس قول کے بارے کہاکہ حضرت علی بن طالب کی ولادت کعبے میں ہوئی یہ صحیح نہیں حکیم بن حزام کے علاوہ کوئی کعبہ میں پیدا نہیں ہوا۔
• ولد حكيم فى جوف الكعبۃ، ولا يُعرف أحد ولد فيها غيره [5] حکیم بن حزام کعبے کے اندر پیدا ہوئے اور یہ بات کسی دوسرے کے متعلق سننے میں نہیں آئی۔
• أنہ ولد في جوف الكعبہ، قال العلماء : ولا يعرف أحد شاركہ في هذا [6] حکیم بن حزام کعبے کے اندر پیدا ہوئے اور یہ بات کسی دوسرے کے متعلق سننے میں نہیں آئی۔
• ولم يولد في جوف الكعبۃ سوى حكيم بن حزام [7] اور کوئی حکیم بن حزام کے علاوہ کعبے میں پیدا نہیں ہوا۔
• أنہ ولد في جوف الكعبۃ، ولا يُعرف هذا لغيره

وولد فِي جوف الكعبۃ، ولم يُسمع هَذَا لغيره[8] حکیم بن حزام کعبے کے اندر پیدا ہوئے اور یہ بات کسی دوسرے کے متعلق سننے میں نہیں آئی اور نہ کسی کی پہچان ہے۔[9][10][11][12][13][14][15] حكیم بْن حزام بْن خویلد بن أسد بن عبد العزى بن قصی، القرشی الأسدی پورا نسب ہے ان کی والدہ کا نام صفیہ تھا اور بعض جگہ فَاخِتَةُ بِنْتُ زُهَیْرِ بْنِ أَسَدِ بْنِ عَبْدِ الْعُزَّى ہے۔

یہ فتح مکہ کے موقع پر مسلمان ہوئے۔ زمانہ جاہلیت اور زمانہ اسلام میں معزز لوگوں میں شمار ہوتا تھا۔ مؤلفۃ القلوب میں سے تھے انہیں محمد صلی اللہ علیہ و آلہ وسلم نے 100 اونٹ غزوہ حنین میں عطا فرمائے ایک سو بیس برس زندہ رہے۔ 54 ہجری میں خلافت امیر معاویہ میں وفات ہوئی۔ غزوۂ بدر میں کفار کی طرف سے شامل ہوئے اور بھاگ کر بچ گئے قسم کھاتے تھے قسم ہے اس کی جس نے مجھے بدر کے دن بچایا۔ دارلندوہ انہی کے پاس تھا ۔[16]

فتح مکہ کے موقع پر اعلان کیا گیا

‘‘جو شخص ابو سفیان کے گھر میں داخل ہوگا اس کو امان ہے اور جو شخص حکیم بن حزام کے گھر میں داخل ہوگا اس کو امان ہے اور جو شخص مسجد میں داخل ہوگا اس کو امان ہے اور جس نے اپنے گھر کا دروازہ بند کر لیا اس کو امان ہے۔[17]

زید بن حارثہ کو سوق بنی عکاظ سے (جو مکہ معظمہ کے قریب ایک بازار لگتا تھا) اپنی پھوپھی حضرت خدیجہ (رض) کے لیے چار سو درہم میں خریدا، جب حضرت خدیجہ (رض) نے انہیں اپنا بیٹا بنا لیا تو انہیں زید بن محمد (صلی اللہ علیہ و آلہ وسلم) کے نام سے بلایا جانے لگا۔[18]

عروہ بن حکیم بن حزام بیان کرتے ہیں کہ میں نے نبی صلی اللہ علیہ و آلہ وسلم سے عرض کیا یا رسول اللہ صلی اللہ علیہ و آلہ وسلم ان چیزوں کے متعلق مجھے بھی بتلائیں جو میں جاہلیت کے زمانے میں کرتا تھا۔ مثلا صدقہ، غلام آزاد کرنا، صلہ رحمی تو کیا ان پر بھی اجر ملے گا تو اس پر نبی صلی اللہ علیہ و آلہ وسلم نے فرمایا کہ تو اپنی انہی پچھلی نیکیو ں کی وجہ سے ہی تو مسلمان ہوا ہے۔[19]

حکیم بن حزام نے بیان کیا کہ میں نے رسول اللہ صلی اللہ علیہ و آلہ وسلم سے کچھ مانگا۔ تو آپ نے دیا۔ میں نے پھر مانگا تو آپ نے دیا۔ پھر فرمایا کہ اے حکیم یہ مال سرسبز وشاداب اور میٹھا ہے، جو اس کو سخاوت نفس کے ساتھ لے۔ تو اس میں برکت دی جاتی ہے اور جو لالچ کے ساتھ اس کو لے تو اس میں برکت نہیں رہتی اور اس شخص کی طرح ہے جو کھاتا ہے لیکن آسودہ نہیں ہوتا۔ اوپر والا ہاتھ نیچے والے ہاتھ سے بہتر ہے۔ حکیم نے کہا میں نے عرض کیا یا رسول اللہ صلی اللہ علیہ و آلہ وسلم قسم اس ذات کی جس نے آپ کو سچائی کے ساتھ بھیجا۔ اب آپ کے بعد کسی سے کچھ قبول نہیں کروں گا، یہاں تک کہ میں دنیا سے چلا جاؤں۔ حضرت ابوبکر (رض) ان کو (وظیفہ) دینے کے لیے بلاتے، تو وہ قبول کرنے سے انکار کردیتے۔ پھر عمر (رض) نے ان کو (وظیفہ ) دینے کے لیے بلایا تو قبول کرنے سے انکار کر دیا۔ عمر (رض) نے فرمایا اے مسلمانوں کی جماعت میں تمہیں حکیم پر گواہ بناتا ہوں کہ میں اس مال میں سے حکیم کا حق اس کے سامنے پیش کرچکا ہوں، لیکن وہ لینے سے انکار کر رہے ہیں۔ چنانچہ حکیم نے رسول اللہ صلی اللہ علیہ و آلہ وسلم کے بعد کسی شخص سے کچھ بھی قبول نہ کیا یہاں تک کہ وفات پاگئے۔[20]