سنان بن ابوسنان
سنان بن ابی سنانغزوہ بدر میں شریک صحابی تھے۔
نام ونسب
سنان نام سلسلہ نسب یہ ہے، سنان بن ابی سنان بن محصن بن حرثان بن قیس بن لبد بن غنم بن دودان بن اسد بن خزیمہ۔
اسلام وہجرت
زمانہ اسلام وہجرت متعین نہیں،غالباً اپنے والد ابو سنان کے ساتھ اسلام لائے ہوں گے اوران ہی کے ساتھ ہجرت کی ہوگی۔
غزوات
غزوہ بدر،غزوہ احد وغزوہ خندق وغیرہ تمام لڑائیوں میں آنحضرتﷺ کے ہمرکاب رہے،[1] پھر 6ھ میں غزوۂ تبوک میں شریک ہوئے اوربیعت رضوان میں جب آنحضرتﷺ نے موت کی بیعت لینی شروع کی تو سنانؓ نے بھی ہاتھ بڑھایا، آنحضرتﷺ نے پوچھا کس چیز پر بیعت کرتے ہو، عرض کیا کہ جو آپ کے دل میں ہے۔ ،[2]ابن عبد البر نے یہ واقعہ ابو سنان کی طرف منسوب کیا ہے،جو صحیح نہیں ہے،کیوں کہ ابی سنان بیعت رضوان کے قبل بنو قریظہ میں وفات پاچکے تھے)
حوالہ جات
- ابن سعد،جلد3،ق1:66
- استیعاب:2/707
- اسد الغابہ جلد1 صفحہ 986حصہ ہشتم مؤلف: ابو الحسن عز الدين ابن الاثير ،ناشر: المیزان ناشران و تاجران کتب لاہور
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.