قازقستان

قازقستان (Қазақстан) وسطی ایشیا کا ایک ملک ہے۔ ملک کا سرکاری نام جمہوریہ قازقستان ہے اور یہ بلحاظ رقبہ دنیا کا نواں سب سے بڑا ملک ہے۔ اس کا رقبہ 2,727,300 مربع کلومیٹر ہے جو مغربی یورپ کے کل رقبے سے بھی زیادہ ہے یہ دنیا کا سب سے بڑا خشکی میں محصور ملک بھی ہے۔[11][12] اس کے شمال میں روس، مشرق میں چین، جنوب مشرق میں کرغیزستان، جنوب میں ازبکستان اور ترکمانستان اور جنوب مغرب میں بحیرہ قزوین واقع ہیں۔ 1997ء تک دار الحکومت الماتے تھا جسے بعد میں استانہ منتقل کر دیا گیا۔ الماتے ملک کا سب سے بڑا شہر ہے۔

قازقستان
قازقستان قازقستان کا پرچم	قازقستان نشان
،
ترانہ:مہنیک قازقستانیم
زمین و آبادی
متناسقات	48°N 68°E / 48; 68   [1]
بلند مقام	خان تنگری
رقبہ	2724900.0 مربع کلومیٹر
دارالحکومت	نورسلطان
سرکاری زبان	قازق زبان [2][3]، روسی [4]
آبادی	18037646 (2017)[5]
حکمران
طرز حکمرانی	صدارتی نظام [6][7]
اعلی ترین منصب	قاسم جومارت توکائیف (2019–)
قیام اور اقتدار
	تاریخ
یوم تاسیس	1991
عمر کی حدبندیاں
شادی کی کم از کم عمر	18 سال ، 17 سال
شرح بے روزگاری	4 فیصد (2014)[8]
دیگر اعداد و شمار
منطقۂ وقت	متناسق عالمی وقت+05:00 متناسق عالمی وقت+06:00
ٹریفک سمت	دائیں [9]
ڈومین نیم	kz.
سرکاری ویب سائٹ	{{#اگرخطا:باضابطہ ویب سائٹ  |}}
آیزو 3166-1 الفا-2	KZ
بین الاقوامی فون کوڈ	+7[10]

قازقستان کی وسیع و عریض سرزمین بڑی متنوع ہے، اس میں گھاس کے میدان، قطبی جنگلات، برف پوش پہاڑ، دریائی میدان اور صحرا سب کچھ شامل ہیں۔ 1,64,00,000 آبادی کے ساتھ قازقستان بلحاظ آبادی دنیا میں 62 ویں نمبر پر آتا ہے اور اس کی کثافتِ آبادی صرف 6 افراد فی مربع کلومیٹر ہے۔

تاریخی طور پر یہ خانہ بدوشوں کا ملک رہا ہے۔ سولہویں صدی تک یہاں کے لوگ تین واضح قبیلوں کی صورت میں منظم ہو چکے تھے۔ ان قبیلوں کو مقامی زبان میں "جُز" کہتے ہیں۔ اٹھارویں صدی میں روسیوں نے قازقستان پر حملوں کا سلسلہ شروع کیا جس کے نتیجے میں انیسویں صدی کے وسط تک پورا قازقستان سلطنت روس کا حصہ بن چکا تھا۔

قازقستان نے 16 دسمبر 1991ء کو سوویت اتحاد سے اپنی آزادی کا اعلان کیا۔ یہ سوویت اتحاد سے الگ ہونے والی اس کی آخری ریاست تھی۔ سوویت دور کے رہنما نورسلطان نذربایف ملک کے نئے صدر بنے۔ آزادی کے بعد سے قازقستان ایک متوازن خارجہ پالیسی پر گامزن ہے اور اپنی معیشت، خصوصاً معدنی تیل اور اس سے متعلقہ صنعتوں، کی ترقی پر توجہ دے رہا ہے۔

قازقستان میں 131 نسل کے لوگ رہتے ہیں جن میں کل آبادی کا 63% قازق، روسی لوگ، ازبیک لوگ، یوکرینی، جرمن لوگ، تاتاری اور اویغور[13] شامل ہیں۔ قازقستان میں اسلام کے ماننے والے زیادہ ہیں۔ کل 70% مسلمان اور 26% مسیحی ہیں۔[14] قازق زبان وہاں کی دفتری زبان ہے اور روسی زبان کو برابر کا سرکاری درجہ حاصل ہے۔ دونوں زبانیں انتظامی اور دفتری سطح پر استعمال کی جاتی ہے۔[15][16] قازقستان اقوام متحدہ، عالمی تجارتی ادارہ، آزاد ریاستوں کی دولت مشترکہ، شنگھائی تعاون تنظیم، یورپی معاشی اتحاد، تنظیم تعاون اسلامی کا رکن ہے۔