அம்பை - 1 (நெல்)
அம்பை - 1 (ASD 1) பிரபலமாக சிவப்பு கார் சம்பா (Kar samba (Red) எனப்படும் இந்த நெல் வகை, நல் விதைத் தேர்வு (Pureline) முறையில் உருவாக்கப்பட்ட தமிழ்நாட்டின் நெல் வகையாகும்.[1]
| அம்பை - 1 ASD 1 |
|---|
| வேளாண் பெயர் |
| சிவப்பு கார் சம்பா |
| பேரினம் |
| ஒரய்சா |
| இனம் |
| ஒரய்சா சாட்டிவா |
| கலப்பினம் |
| நல் விதைத் தேர்வு முறை |
| வகை |
| புதிய நெல் வகை |
| காலம் |
| 110 - 115 நாட்கள் |
| மகசூல் |
| 4500 கிலோ எக்டேர் |
| வெளியீடு |
| 1944 |
| வெளியீட்டு நிறுவனம் |
| TNAU, அம்பாசமுத்திரம் |
| மாநிலம் |
| தமிழ் நாடு |
| நாடு |
 |
வெளியீடு
தமிழக நெல்லை மாவட்டத்தின், அம்பையில் அமைந்துள்ள தமிழ்நாடு நெல் ஆராய்ச்சி நிறுவனம் (Rice Research Station, Ambasamudram),[2] 1944 ஆம் ஆண்டு, இவ்வகை நெல்லை வெளியிடப்பட்டதாக அறியப்படுகிறது.[1]
காலம்
குறுகியகால நெற்பயிர்களில் ஒன்றான இது, 115 நாட்களில் அறுவடைக்கு வரக்கூடியதாக கருதப்படுகிறது.[1] இதுபோன்ற குறுங்கால நெற்பயிர்கள், நவரை, சொர்ணவாரி, கார், குறுவை, மற்றும் பின்தாளடி போன்ற பட்டங்கள் (பருவங்கள்) ஏற்றதாக கூறப்படுகிறது.[3]
சாகுபடி
நீர்ப்பாசன வசதியுள்ள, தமிழகத்தின் அனைத்து மாவட்டங்களிலும், சாகுபடி செய்ய உகந்தப் பகுதியாக கூறப்படும் அம்பை - 1 நெல் வகை, புதுச்சேரி ஒன்றியப் பகுதியிலும் சாகுபடி செய்ய பரிந்துரைக்கப்படுகிறது.[2]
சிறப்புப் பண்புகள்
- இந்த நெல் இரகம், ஒரு ஏக்கருக்கு 4500 கிலோவரை (4.5 t/ha) மகசூல் தரக்கூடியது.
- இந்நேல்லின் அரிசி, சிகப்பு நிறத்தில் குட்டையான தடித்த வடிவில் உள்ளது.
- இந்த வகை நெற்பயிர் திருநெல்வேலி மாவட்டத்திற்கு மட்டும் கார் பருவத்திற்கு மிகவும் ஏற்றதாக கருதப்படுகிறது.[1][2]
இவற்றையும் காண்க
சான்றுகள்
- "Centre for Plant Breeding and Genetics (CPBG)". tnau.ac.in (ஆங்கிலம்) (© CPBG, TNAU and maintained by Dr. N.Manivannan 2017). பார்த்த நாள் 2017-08-05.
- "Rice Knowledge Management Portal ASD 1". www.rkmp.co.in (ஆங்கிலம்) (© 2011). பார்த்த நாள் 2017-08-07.
- "Paddy Varieties of Tamil Nadu". www.agritech.tnau.ac.in (ஆங்கிலம்) (© TNAU 2017). பார்த்த நாள் 2017-08-07.
