பவசக்கரம்

பவசக்கரத்தை பொதுவாக மிகவும் உக்கிரமான உருவம் கொண்டவரின் கைகளிலோ அல்லது தாடைகளின் நடுவிலோ, கால்களிலோ காணப்படும். இந்த உருவமே சக்கரத்தை சுழற்றுவதாக நம்பப்படுகிறது. பொதுவாக, யமன் இவ்வாறு பயங்கரமாக பவசக்க்ரத்தை சுற்றுவதாக சித்தரிப்பதுண்டு.

பவசக்கரத்தின் மேல் இடது மூலையிலும் மற்றும் மேல் வலது மூலையிலும் ஒரு உருவம் எப்போதும் காணப்படும். இந்த உருவம் அல்லது சின்னம் ஒவ்வொரு சித்தரிப்புக்கும் வேறுபடாலம். பொதுவாக சந்திரன், புத்தர் அல்லது போதிசத்துவர் இவ்வாறாக சித்தரிக்கப்படுவர். சில பௌத்த சின்னங்களும்

பவசக்கரத்தின் வெளி விளிம்பு 12 பகுதிகளாக பிரிக்கப்பட்டுள்ளது. இந்த பன்னிரண்டு பகுதிகளுக்கு பன்னிரண்டு நிதானங்களின் பெயர்கள் இடப்படுகின்றன

இந்த சக்கரம் ஆறு பகுதிகளாக பிரிக்கப்பட்டுள்ளது. இந்த ஆறு பகுதிகளும் கீழ்க்கண்ட ஆறு லோகங்களை குறிக்கும்

1. தேவலோகம்
2. அசுரலோகம்
3. மனுஷ்யலோகம்
4. மிருகலோகம்
5. பிரேத லோகம்
6. நரகலோகம்

எப்போதுமே தேவர்களின் உலகம் சக்கரத்தின் உச்சியில் இருக்கும். அசுரர்களின் உலகமும், மானுட உலகமும் சக்கரத்தின் மேல் பாதியில் தேவலோகத்தினை ஒட்டி, எதிரெதிர் திசையில் இருக்கும். ஆனால் எது வலது புறம், மற்றும் எது இடது புறம் என்பது மாறுபடும். மிருகங்களின் உலகமும் பிரேதங்களின் உலகமும் சக்கரத்தின் கீழ் பாதியில், அசுரலோகத்தினை ஒட்டி காணப்படும். மிருகலோகம் மற்றும் பிரேத லோகத்தின் இடையில், சக்கரத்தின் அடிப்புறத்தின் நரகம் காணப்படும்

சில சமயம், தேவலோகமும், அசுரலோகமும் ஒன்றினைக்கப்பட்டு, சக்கரம் வெறும் ஐந்து பகுதிகளுடன் மட்டும் கூட காணப்படும்

இந்த ஆறு மண்டலங்களிலும் , ஒவ்வொரு மண்டலத்திலும் ஒரு புத்தர் அல்லது போதிசத்துவர் அம்மண்டலங்களில் உள்ள உயிர்கள் நிர்வாணம் அடைவதற்காக உபதேசித்துக்கொண்டிருப்பதாக சித்தரிக்கப்படும்

சக்கரத்தின் மையப்பகுதியின்(hub) வெளிப்பகுதி(rim) கறுப்பு மற்றும் வெள்ளை நிறமாக பிரிக்கப்பட்டுள்ளது. பொதுப்படையான(Exoteric) ஆய்வுரைகளில் வெள்ளை நிறம், போதியையும் ஆனந்தத்தையும் நோக்கிய பாதை என்றும், இருண்ட பகுதி உயிர்கள் நரகத்தை நோக்கி செல்வதை குறிப்பிடவன என சொல்லப்பட்டுள்ளது.

சக்கரத்தின் மையப்பகுதியில், பௌத்தத்தின் மூல கிளேஷம்(மூன்று விஷங்கள்) முறையே பன்றி, நாகம், சேவல் ஆகவோ அல்லது ஆனந்த சக்கரமாகவோ குறிப்பிடப்பட்டிருக்கும்.