பிள்ளையார்

இந்து சமயம் தொடர்பான கட்டுரை
இந்து சமயம்
இந்து வரலாறு
கிளைநெறிகள் சமகாலம் சிவநெறி விண்ணவ நெறி அன்னை நெறி சுமார்த்த நெறி புத்திந்து நெறி அருகியவை பிள்ளையார் நெறி முருக நெறி ஞாயிறு நெறி
மெய்யியல் ஆறு திருக்காட்சிகள் சாங்கியம் யோகம் நியாயம் விதப்பியம் மீமாஞ்சை வேதாந்தம் (அல்லிருமை) விண்ணவ மெய்யியல் இருமை விதப்பொருமை ஈரல்லிருமை தூவல்லிருமை சிவ மெய்யியல் சிவக்கொண்முடிபு சிவ விதப்பொருமை சத்தி விதப்பொருமை சிவ அல்லிருமை
தெய்வங்கள் மும்மூர்த்திகள் சிவன் திருமால் பிரம்மா முத்தேவியர் உமையவள் திருமகள் கலைமகள் ஏனைய தேவ / தேவியர் புராணம் விநாயகர் முருகன் இராமர் கண்ணன் ஐயப்பன் பராசக்தி கொற்றவை காளி 'வேதகாலம் உருத்திரன் இந்திரன் அக்கினி பிரஜாபதி
கொள்கைகள் முழுமுதல் ஓங்காரம் ஆதன் மாயை கன்மம் பிறவி ஐம்பருக்கள் முக்குணங்கள் பேரூழி
நூல்கள் வேதங்கள் இருக்கு யசூர் சாமம் அதர்வணம் பெருமுந்நூல் உபநிடதங்கள் பிரம்ம சூத்திரம் பகவத் கீதை ஆகமங்கள் சிவாகமங்கள் விண்ணவ தந்திரங்கள் சக்தி தந்திரங்கள் ஏனையவை உபவேதங்கள் ஆயுள்வேதம் வில்வேதம் இசைவேதம் சிற்பவேதம் வேதாங்கங்கள் சிட்சை சந்தசு வியாகரணம் நிருத்தம் கற்பம் சோதிடம் புராணங்கள் பிரம்ம புராணம் பிரம்மாண்ட புராணம் பிரம்ம வைவர்த்த புராணம் மார்க்கண்டேய புராணம் பவிசிய புராணம் விஷ்ணு புராணம் பாகவத புராணம் நாரத புராணம் கருட புராணம் பத்ம புராணம் சிவ புராணம் லிங்க புராணம் கந்த புராணம் ஆக்கினேய புராணம் வாயு புராணம் வாமன புராணம் மச்ச புராணம் கூர்ம புராணம் இதிகாசங்கள் இராமாயணம் மகாபாரதம் மற்றவை தர்மசாத்திரங்கள் மனுதரும சாத்திரம் அர்த்தசாஸ்திரம் சுருதி சுமிருதி
திருவிழாக்கள் நவராத்திரி நோன்பு தீபாவளி மகா சிவராத்திரி வண்ணமாடு விழா கும்பமேளா இரத யாத்திரை விஷூ தமிழ்ப் புத்தாண்டு விநாயக சதுர்த்தி ஓணம் இராம நவமி கிருஷ்ண ஜெயந்தி சோதரர் திருநாள்
தத்துவஞானிகள் பழங்காலம் ஆங்கீரசர் சனகாதி முனிவர் சைமினி கபிலர் பாணினி பதஞ்சலி வான்மீகி வியாசர் வைசம்பாயனர் யாக்ஞவல்கியர் இடைக்காலம் நாயன்மார் ஆழ்வார்கள் ஆதி சங்கரர் பசவர் சைதன்யர் மத்துவர் நிம்பார்க்கர் இராமானுசர் மெய்கண்ட தேவர் துளசிதாசர் வல்லபர் வித்யாரண்யர் சமகாலம் அரவிந்தர் குமாரசுவாமி தயானந்தர் காந்தியடிகள் நாராயணகுரு பிரபுபாதா ராமகிருஷ்ணர் இரமணர் விவேகானந்தர் சுவாமி தயானந்தர் சிவயோக சுவாமி
வேறு தலைப்புகள் உலக நாடுகளில் இந்து சமயம் இந்து தொன்மவியல் இந்து நாட்காட்டி இந்து சட்டங்கள் இந்து மத படிமவியல் இந்து தேசியம் இந்துத்துவம் இந்திய இந்துப் புனிதத் தலங்கள் கொடுமைகள் விமர்சனம் சொற்பதங்கள்
இந்து சமயம் portal சைவம் portal வைணவம் portal

இவர் கணங்களின் அதிபதி என்பதால் கணபதி என்றும்[4][5], யானையின் முகத்தினை கொண்டுள்ளதால் யானைமுகன் என்றும் அழைக்கப்பெறுகிறார்.

விநாயகரின் வேறு பெயர்கள்

வித்தியாசமான விநாயகர் சிலை

• பிள்ளையார்
• கணபதி - கணங்களிற்கு அதிபதி. பூதகணங்களிற்கெல்லாம் அதிபதியாதலினால் கணபதி என்றழைக்கப்படுகின்றார்.
• ஆனைமுகன் – ஆனை அதாவது யானை முகத்தை உடையவராதலால் ஆனைமுகன் என்றழைக்கப்படுகின்றார்.
• கஜமுகன் - கஜம் என்றாலும் யானையைக் குறிக்கும். யானைமுகத்தை உடையவராதலினால் கஜமுகன் என்றழைக்கப்படுகின்றார்.
• விக்னேஸ்வரன் - விக்கினங்களைத் தீர்க்கும் ஈஸ்வரன் அதாவது பிரச்சினைகளைத் தீர்க்கும் கடவுள்

பிள்ளையாரை வணங்கி செயலைத் தொடங்கினால் தன்னம்பிக்கையுடன் வெற்றிகரமாக எதிர்பார்த்த பலனுடன் செவ்வனே செய்து முடிக்கலாம் என்பது நம்பிக்கை.

இந்து மதத்தினுள் உள்வாங்கப்பட்ட சமயமான காணாபத்தியம் எனும் பிரிவு விநாயகரை மையப்படுத்திய சமயம்.

இந்துக்களின் புராணங்களில் விநாயகர் மற்றைய இந்துக்கடவுள்களான சிவன், பார்வதி ஆகியோரின் பிள்ளையாகவும் முருகன் எனும் கடவுளின் அண்ணனாகவும் கூறப்படுகிறார். இக்கடவுளின் வாகனம் மூஞ்சூறு .

’கணேச புராணம்’, கிருத, திரேதா, துவாபர, கலி ஆகிய நான்கு யுகங்களிலும் நான்கு அவதாரங்களாக அவதரிப்பதாகக் கூறுகின்றது.

விநாயகர் பிறப்பு பற்றி பல்வேறு கதைகள் இருந்தாலும் சிவமகா புராணத்தில் உள்ள கதை பரவலாக அறியப்படுகிறது. அதன்படி முற்காலத்தில் யானை முகம் கொண்ட கஜாசுரன் என்ற அசுரன், சிவபெருமானை நோக்கி பல வருடங்களாக கடுந்தவம் புரிந்தான். அவரது தவத்தைக் கண்டு மகிழ்ந்த சிவபெருமான் அவனுக்கு காட்சியளித்து வேண்டிய வரம் கேட்குமாறு கூறுகிறார். அதற்கு கஜாசுரன், தன் வயிற்றில் சிவபெருமான் லிங்க வடிவில் தங்கியிருக்க வேண்டும் என்று வரம் கேட்டுப் பெற்றார். இதை அறிந்து கலக்கமடைந்த பார்வதி தேவி, தன் அண்ணன் விஷ்ணுவிடம் உதவி கோரினார்.

பிறகு விஷ்ணு மற்றும் நந்தி ஆகிய இருவரும் தெருக்கூத்து நடத்துபவர்கள் போன்ற உருவம் கொண்டு கஜாசுரனின் அரண்மனைக்கு வந்தனர். நந்தியின் நடனத்தைக் கண்டு மகிழ்ந்த கஜாசுரன், அவர் வேண்டுவதை அளிப்பதாக வாக்களிக்கிறான். அதற்கு நந்தி அவனிடம் சிவபெருமானை விடுவிக்குமாறு கேட்கிறார். கஜாசுரனும் தான் கொடுத்த வாக்கின்படி சிவபெருமானை விடுவித்தான். அவன் சிவபெருமானை நோக்கி பிரபஞ்சத்தில் தன் நினைவு என்றும் அழியாமல் நிலைக்க வேண்டும் என்று வேண்டுகிறான். அதை ஏற்றுக்கொண்ட சிவபெருமான், கஜாசுரனின் யானைத் தலையைக் கொய்து அவரைப் பிறப்பு மற்றும் இறப்பு சுழற்சியில் இருந்து விடுவிக்கிறார். மேலும் அவனது யானைத் தோலை உடுத்திக் கொண்டு கஜசம்ஹார மூர்த்தியாக காட்சியளித்தார். பிறகு சிவபெருமான் தன் வாகனமான நந்தியில் அமர்ந்து கொண்டு கயிலாயம் வருகிறார.

சிவபெருமான் கயிலாயம் வந்து கொண்டிருப்பதை அறிந்து மகிழ்ந்த பார்வதி, அவரை வரவேற்கும் முன்பு தயாராக நினைத்தார். ஆனால் அப்போது நந்தி இல்லாததால் அங்கு வாயிற்காவலர் யாரும் இருக்கவில்லை. எனவே பார்வதி தாம் குளிக்கும் முன்பு மஞ்சள் விழுதால் ஒரு சிறுவனைச் செய்து அதற்கு உயிர் கொடுத்தார். அவனுக்கு விக்னங்களைத் தீர்ப்பவன் என்ற பொருளில் விநாயகர் என்ற பெயர் சூட்டினார். மேலும் தான் தயாராகி வரும் வரை ஒருவரையும் உள்ளே அனுமதிக்க வேண்டாம் என்று விநாயகரிடம் அறிவுறுத்துகிறார். விநாயகரும் அவ்வாறே செய்வதாக வாக்களிக்கிறான். பிறகு கயிலாயம் வந்தடைந்த சிவபெருமானை விநாயகர் உள்ளே செல்ல அனுமதிக்கவில்லை. இதனால் கோபமடைந்த சிவபெருமான் தன் திரிசூலத்தால் விநாயகரின் தலையைக் கொய்தார். பிறகு நடந்நதை அறிந்து கோபம் கொண்ட பார்வதி, பிரபஞ்சத்தையே அழிக்க முடிவெடுத்தார். அவ்வாறு செய்ய வேண்டாம் என்று பிரம்மதேவர் வேண்டிக் கொண்டார். அதற்கு பார்வதி, விநாயகரை உயிர்த்தெழச் செய்ய வேண்டும் மற்றும் விநாயகரையே அனைவரும் முழுமுதற் கடவுளாக வணங்க வேண்டும் என்று இரு நிபந்தனைகள் விதித்தார். அதை ஏற்றுக்கொண்ட சிவபெருமான், வடக்கில் தலை வைத்து இறந்த நிலையில் படுத்திருக்குமாறு முதலில் தென்படும் உயிரினத்தின் தலையைக் கொய்து எடுத்து வருமாறு சிவகணங்களை அனுப்பினார். அதன்படி சிவகணங்கள் கஜாசுரனின் தலையுடன் திரும்பி வந்தனர். அதை விநாயகரின் உடலோடு பொருத்தினார் பிரம்மதேவர். பிறகு விநாயகருக்கு உயிரளித்த சிவபெருமான், அவனுக்கு முழுமுதற் கடவுள் என்ற பட்டமும் கணங்களுக்கு அதிபதி என்பதால் கணபதி என்றும் பெயரையும் வழங்கினார்.

சிறுத்தொண்டர் என்னும் பரஞ்சோதியார் நரசிம்மவர்மப் பல்லவனின் படைத்தலைவராகப் படையுடன் சென்று சாளுக்கிய மன்னனின் வாதாபி என்னும் தொன்னகரைத் துகளாக்கி, அங்கிருந்த கணபதியைக் கொண்டு வந்து தாம் வழிபட்ட திருச்செங்காட்டங்குடியில் நிறுவினார். இவருக்கு வாதாபி கணபதி என்று பெயர்.[6] கி.மு. மூன்றாம் நூற்றாண்டிலிருந்து, கி.பி.இரண்டாம் நூற்றாண்டு வரை வந்த சங்ககால தமிழ் இலக்கியம் , அகழ்வாராய்ச்சி ,கல்வெட்டு இவைகள் எவற்றிலும் இந்த கணபதி தமிழகத்தில் வழிபாட்டில் இருந்ததாக குறிப்பிடப்படவில்லை. கி.பி. ஐந்தாம் நூற்றாண்டைச் சேர்ந்த தமிழ் வட்டெழுத்துப் பொறிப்புகளுடன் விநாயகர் சிலை திண்டிவனத்தருகே ஆலகிராமத்தில் கண்டெடுக்கப்பட்டுள்ளது.[7]

பொதுவாக யானைமுகமும், மனித உடலுமாக காட்சியளிக்கும் விநாயகர், பல்வேறு வடிவங்களிலும் கோவில்களில் காட்சியளிக்கிறார்.

நரமுக விநாயகர் - மனித முகத்துடன் காட்சியப்பவர். சிதலப்பதி முத்தீசுவரர் கோயிலில் உள்ள விநாயகர் தும்பிக்கையின்றி மனித உருவில் உள்ளார்[10]

நடன கணபதி, நர்ததன கணபதி - நடனமாடும் விநாயகர். சித்தி, புத்தி கணபதி - மனைவிகளான சித்தி மற்றும் புத்தி ஆகியோருடன் காட்சியளிப்பவர்.

வருடந்தோறும் ஆவணி மாதம் வளர்பிறைச்சதுர்த்தி திதி அன்று கொண்டாடப்படும் விநாயக சதுர்த்தி, இக்கடவுளுக்கான விழாக்களுள் முக்கியமானதாகும்.

துர்வா கணபதி விரதம் துர்வா யுக்மம் எனும் சொல்லானது அருகம்புல்லைக் குறிப்பதாகும். விநாயகருக்கு விரதம் இருந்து அருகம்புல்லால் அர்ச்சனை செய்வதும், மாலையிடுவதும் இந்நாளில் செய்யப்படுகிறது.[11]

ஔவையார் விநாயகர் மேல் பாடிய அகவல் ’சீதக்களப செந்தாமரை.." எனத்துவங்கும் விநாயகர் அகவல்.விநாயகர் அகவலைத் தினமும் பாராயணம் செய்துவருவோரைத் தீவினை நெருங்காது, நல்லதே நடக்கும் என்பது தொன்நம்பிக்கை

கணேச பஞ்சரத்னம் ஆதிசங்கரர் இயற்றிய, விநாயகப்பெருமானை வழிபடும் சுலோகம்.

தமிழ் நாட்டின் சிறப்பு எங்கு பார்த்தாலும் பிள்ளையார் கோவில்கள் இருப்பதேயாகும். கோயில் என்று பெயர் வைத்து கூரையும் விமானமும் போட்டுக் கட்டிடம் எழுப்ப வேண்டும் என்பது கூட இல்லாமல் அரசமரத்தடி, குளக்கரை முச்சந்தி நாற்சந்தி தெருமுனை என வானம் பார்க்க அமர்ந்திருக்கும் ஒரே சுவாமி பிள்ளையார்தான்.

இந்தோனேசியா நாட்டின் ருபியா நோட்டில் விநாயகப் பெருமானின் திருவுருவம் உள்ளது.[12]

• 
  ஆந்திராவின் மகாகணபதி
• 
  சோழநாட்டின் பிள்ளையார்
• 
  டெல்லி தேசிய அருங்காட்சியகத்தில் உள்ள விநாயகர்
• 
  மைசூரிலுள்ள 13 ஆம் நூற்றாண்டின் விநாயகர் சிற்பம்
• 
  நான்கு கரங்களும் தும்பிக்கையும் கொண்ட விநாயகர்
• 
  நர்த்தன கணபதி
• 
  18 ஆம் நூற்றாண்டின் நேபாள ஹேரம்ப கணபதி
• 
  அலகாபாத் அருங்காட்சியகத்தில் உள்ள பெற்றோரால் சீராட்டப்படும் கணபதி
• 
  17ஆம் நூற்றாண்டின் ராஜஸ்தான ஓவியத்தில் மகாபாரதம் எழுதும் விநாயகர்
• 
  தஞ்சாவூர் ஓவியத்தில் விநாயகர்
• 
  ஜாவா இந்தோனேசியாவின் 9ஆம் நூற்றாண்டு விநாயகர்
• 
  திபெத்தின் நடனமாடும் கணபதி

• ஓம்
• பிள்ளையார் சுழி
• கோவை புலியகுளம் விநாயகர் கோவில்
• திருச்சி உச்சிப்பிள்ளையார் கோயில்
• உப்பூர் வெயிலுகந்த விநாயகர் ஆலயம்

• பாலும்,தெளி தேனும்