بحیرہ عرب

بحیرہ عرب میں دو اہم شاخیں ہیں ایک جنوب مغرب میں خلیج عدن جہاں باب المندب کے ذریعے بحیرہ احمر بحیرہ عرب سے ملتا ہے اور دوسرا شمال مغرب میں خلیج عمان جو خلیج فارس کو اس سے ملاتی ہے۔ ان کے علاوہ بھارتی ساحلوں پر کھمبے اور کچھ کی خلیج بھی واقع ہے۔ بحیرہ عرب میں جزائر کی کمی ہے جن میں سب سے بڑا جزیرہ افریقہ اور عرب کے ساحلوں کے ساتھ سقوطرہ کا جزیرہ اور بھارتی ساحلوں کے ساتھ جزائر لکادیپ شامل ہیں۔

کیرالہ، جنوبی بھارت سے بحیرہ عرب کا ایک منظر

زمانہ قدیم میں ہی بحیرہ عرب سمندری تجارتی راستے کی حیثیت رکھتا تھا، جس سے ‎ ‎مشرقی افریقہ، ‎بھارت‎، جنوب مغربی ایشیا اور چین کے درمیان سمندری تجارت ہوا کرتی تھی۔ بحیرہ عرب یورپ اور بھارت کے درمیان اہم ترین سمندری راستہ ہے، جو بحیرہ احمر اور بحیرہ روم کو ملانے والی نہر سوئز سے گزرتا ہے۔

بحیرہ عرب کی زیادہ سے زیادہ چوڑائی دو ہزار 400 کلومیٹر ہے اور زیادہ سے زیادہ گہرائی 4ہزار 652 میٹر ہے۔ دریائے سندھ بحیرہ عرب میں گرنے والا سب سے بڑا دریا ہے اس کے علاوہ نرمدہ، تپتی، ماہی اور بھارت کی ریاست کیرالہ کے مختلف دریا بھی اسی سمندر میں گرتے ہیں۔ بحیرہ عرب سے منسلک وسطی بھارت کا ساحل کونکن جبکہ جنوبی بھارت کا ساحل مالابار کہلاتا ہے۔

بحیرہ عرب میں ساحلی علاقے کے حامل ممالک میں بھارت، ایران، اومان، پاکستان، سری لنکا، یمن، صومالیہ اور مالدیپ شامل ہیں۔

بحیرہ عرب کے کنارے واقع بڑے شہروں میں ممبئی، سورٹھ، منگلور اور کوچی (بھارت)، کراچی اور گوادر (پاکستان) اور عدن (یمن) شامل ہیں۔

Persian sea

• کراچی ساحل (پاکستان)
• ساحل گوا (بھارت)
• جوہو بیچ ممبئی (بھارت)
• کوالم بیچ کیرالہ (بھارت)
• گوادر پورٹ (پاکستان)

• دریائے سندھ
• خلیج فارس

• بحیرہ عرب (ورلڈ وائلڈ لائف فنڈ)

ویکی کومنز پر بحیرہ عرب سے متعلق سمعی و بصری مواد ملاحظہ کریں۔