کیرلا

کیرلا کے مشرق میں ریاستِ تمل ناڈو، شمالی مشرق میں ریاستِ کرناٹک اور مغرب میں بحیرہ عرب ہیں۔ کیرلا متنوع خِطّوں سے مالامال ہے۔ سیاحی جرید ہ نیشنل جیوگریفک ٹراول میگزین کے مطابق دنیا میں سیاحت کے لائق 50 مقامات کی فہرست میں کیرلا کا نام بھی ہے۔[4] کیرلا کا کل رقبہ 38,863 مربع کلومیٹر ہے۔ یہ بھارت کے کل رقبے کا %1.8 ہے۔

سن 1950ء میں کیرلا بہت پسماندہ تھا۔ لیکن پچھلے پچاس سالوں میں یہاں انقلابانہ تبدیلیاں رونما ہوئی ہیں۔ اس کی اہم وجہ تعلیم اور جدیدیت کے اثرات ہیں۔ خواندگی اور صحت وغیرہ میں جو کچھ کامیابیاں حاصل کیں ہیں وہ سب ترقی یافتہ ممالک سے شانہ بشانہ رہی ہیں۔ کیرلا کی سماجی ترقی کو کیرلا نمونہ کے نام پر غیر ممالک کے سماجی اور سیاسی ماہرین نے موضوعِ بحث بنایا ہے۔[5]

چیرامن مسجد

کیرلا کے گاؤں کوڈنگلور میں واقع چیرامن مسجد، بھارت کی پہلی مسجد اور دنیا کی دوسری مسجد جہاں پر جمعہ کی نماز باجماعت پڑھی گئی۔

عالمی تاریخوں میں ناریل کے درختوں سے بھرا صاف اور شفاف آب و ہوا والا ایک دیس کا تذکرہ ملتا ہے وہ کیرالا ہے۔ ماہرِ تاریخِ کیرالا سید محمد لکھتے ہیں کہ کیرالا بہت قدیم نام ہے۔ اس لفظ کا منبع قدیم تمل زبان ہے اور سنسکرت اور پالی میں یہ لفظ 'چیرن' تھا وہی کیرالا ہو گیا۔ بعض لوگ اس بات کے بھی قائل ہیں کہ اس کو کیرالا اس وجہ سے کہا جاتا ہے کہ یہ چیرمال کی سلطنت تھی۔[6] اور ایک گروہ اس بات کے بھی قائل ہے کہ یہاں کی خوبصورت آب و ہوا اور دولت کی ریل پیل دیکھ کر اہلِ عرب نے اس کو خیر اللہ نام دیا، پھر تبدیل ہوکر کیرالا ہو گیا ۔[7]

انیسویں صدی عیسوی کے صوبۂ مدراس کا نقشہ جس میں موجودہ کیرلا کے علاقے ٹراونکور، کوچی اور ملابار دکھائے گئے ہیں

سرزمینِ کیرالا سیاحوں اور زائروں کے لیے قابلِ کشش رہی ہے۔ ماضی میں یہاں چھوت چھات کی جڑیں بہت مضبوط تھیں۔ کیرالا کے لوگ اونچے طبقے اور نیچے طبقے پر بٹے ہوئے تھے۔ لیکن بعد میں 20 ویں صدی کے اوائل میں نشاتِ ثانیہ کے رہنماؤں نے اس طبقہ پرستی سے کیرالا کو نجات دلائی۔

تفصیلی مضمون کے لیے کیرلا کے اضلاع ملاحظہ کریں۔

کیرلا کی کثافتِ آبادی بلحاظِ اضلاع

کیرلا کے 14 اضلاع ہیں۔

1. ترواننتپورم
2. کولم
3. پَتّانم تِٹّا
4. آلاپوژا
5. کوٹائم
6. ایڈوکی
7. ایرناکولم
8. تریشور
9. پالاکاڈ
10. ملاپورم
11. کوژیکوڈ
12. وایاناڈ
13. کنور
14. کاسرگوڈ

کیرلا کا جغرافیہ

کیرلا چونکہ خط استوا سے بہت قریب ہے اس لیے یہاں گرمسیری موسم کا امکان ہونا تھا۔ لیکن بحیرہ عرب اور مغربی گھاٹ کی قربت کی وجہ سے یہاں متوسط سرد و گرم موسم ہوتا ہے۔

کیرلا کی زبانیں (2001ء میں)[11]

  ملیالم (96.74%)

  تمل (1.87%)

  دیگر (1.39%)

کیرلا میں عام رابطہ کی زبان ملیالم ہے۔ یہ ایک دراوڑی زبان ہے۔ ملیالم اور انگریزی سرکاری زبانیں ہیں، لیکن ملیالم کو زیادہ ترجیح دی جاتی ہے۔ ان کے علاوہ دوسری زبانیں بولنے والے بھی ہیں۔ ان میں تمل اور اردو اہم ہیں۔ کیرلا کے شمالی ضلع کاسرگوڈ میں ملیالم کے ساتھ ساتھ تلو، کونکنی اور کنڑ بولنے والے بھی موجود ہیں۔

کیرلا میں 44 ندیاں ہیں۔ ان میں 41 ندیاں مشرق سے نکل مغرب کی طرف بہتی ہیں۔ اور 3 ندیاں مشرق کی طرف بہہ کر دریائے کاویری میں جا ملتی ہیں۔ ان کے علاوہ 15 کلومیٹر سے کم لمبی ندیاں بھی بہت ہیں۔ کیرلا کا سب سے بڑا دریا پیریار ہے۔ پرانے زمانے میں کیرلا میں آمد و رفت دریا پر منحصر تھی۔ یہاں آبپاشی اور ماہی گیری کے علاوہ بجلی بھی دریاؤں پر انحصار کرتی ہے۔

مونار، کیرلا کا ایک پہاڑی مستقر

آج کل کیرلا بھارت کا اہم سیاحتی مرکز بن گیا ہے۔ سال 2006ء میں 85 لاکھ سیاح کیرلا میں آئے۔ پچھلے سال کے مقابلے میں %24 کا اضافہ ہوا ہے۔[15] یہاں کے پہاڑی مقامات، سواحل اور جنگلات سیاحوں کے لیے پسندیدہ اور دلچسپ بن گئے۔

پہاڑی مستقرات

• دیوی کولم
• پونموڈی
• مونار
• نیلیامپتی
• نئیار
• ویتل پہاڑ
• ویاناڈ
• واگمن

ورکلا ساحل

• کیرلا کی سرکاری زبان ملیالم ہے
• کیرلا کا امیری نشان ستون شیر اشوک کے دونوں طرف کھڑے ہاتھی
• ریاستی درخت ناریل
• ریاستی پرندہ پپیہا
• ریاستی پھول املتاس
• ریاستی جانور ہاتھی
• ریاستی پھل کٹہل
• ریاستی شربت ناریل پانی
• ریاستی مچھلی کاشمیرا

• تصاویر widths=
• 
  کیرلا کا ریاستی پھول املتاس
• 
  کیرالا کا ریاستی درخت ناریل
• 
  کیرلا کا ریاستی جانور ہاتھی
• 
  کیرلا کا ریاستی پرندہ پپیہا
• 
  کیرلا کی ریاستی مچھلی کاشمیرا
• 
  کیرلا کا ریاستی شربت ناریل پانی
• 
  کیرلا کا ریاستی پھل کٹہل

• 
  ولم کلی(کشتی بازی)
• 
  تیروواتیرا کلی
• 
  اوپانا مسلمانوں کا ایک فن

• / سرکاری پورٹل کیرلا حکومت
• ٹورزم محکمہ، کیرلا حکومت