சென்னை மாவட்டம்

சென்னை மாவட்டம் இந்திய மாநிலமான தமிழ்நாட்டின் 37 மாவட்டங்களில் ஒன்றாகும். இம்மாவட்டத்தின் நிர்வாகத் தலைமையிடம் சென்னை ஆகும். பெருநகர சென்னை மாநகராட்சி மற்றும் சென்னை புறநகர் பகுதிகள் இம்மாவட்டத்தில் தான் உள்ளன. தமிழ்நாடு மாநிலத்தில் உள்ள அனைத்து மாவட்டங்களிலும் சிறிய மாவட்டம் என்றாலும், மக்கள்தொகை மிக்க மாவட்டம் ஆகும்.

இந்தக் கட்டுரை the district பற்றியது. its eponymous headquarters and the city, சென்னை என்பதைப் பாருங்கள்.
சென்னை மாவட்டம்
மாவட்டம்

தமிழ்நாட்டின் சென்னை மாவட்டத்தின் அமைவிடம்
ஆள்கூறுகள்:
நாடு இந்தியா
மாநிலம்தமிழ்நாடு
மாவட்டம்சென்னை மாவட்டம்
நிர்வாகத் தலைமையிடம்சென்னை
வருவாய் வட்டங்கள்16
அரசு
 • மாவட்ட ஆட்சித் தலைவர்சீத்தாலெட்சுமி இ ஆ ப
பரப்பளவு[1]
 • மொத்தம்178
மக்கள்தொகை (2011)
 • மொத்தம்46,46,732
 • அடர்த்தி26
மொழிகள்
 • அலுவல் மொழிதமிழ், ஆங்கிலம்
நேர வலயம்இந்திய சீர் நேரம் (ஒசநே+5:30)
தொலைபேசி குறியிடு எண்044
பாலின விகிதம்929 பெண்கள் / 1000 ஆண்கள்
எழுத்தறிவு90.18%
இணையதளம்https://chennai.nic.in/ta/

178 சகிமீ பரப்பளவு கொண்டிருந்தது சென்னை மாவட்டம். 2018ல் சென்னை மாவட்டத்தினை ஒட்டியிருந்த காஞ்சிபுரம் மாவட்டம் மற்றும் திருவள்ளூர் மாவட்டங்களின் ஆலந்தூர் வட்டம், சோழிங்கநல்லூர் வட்டம், மதுரவாயல் வட்டம், மாதவரம் வட்டம், அம்பத்தூர் வட்டம் மற்றும் திருவொற்றியூர் வட்டங்கள் சென்னை மாவட்டத்துடன் இணைக்கப்பட்டுள்ளதால், தற்போது சென்னை மாவட்டத்தின் மொத்த பரப்பளவு 426 சகிமீ ஆக கூடியுள்ளது.[2][3]

புவியியல்

சென்னை மாவட்டம் இந்தியாவின் தெற்கில், வங்காள விரிகுடா கடற்கரையோர சமவெளியில், 178 சகிமீ பரப்பளவில் அமைந்துள்ளது. கடல் மட்டத்திலிருந்து சராசரியாக 6 மீட்டர் உயரத்திலும், கிழக்கு தீர்க்கரேகை 12°59' மற்றும் 13°9' வடக்கு அட்சரேகை 80 ° 12 'மற்றும் 80 ° 19' இடையேயும் அமைந்துள்ளது. இதன் பொருளாதார முக்கியத்துவம் மற்றும் அமைவிடத்தின் காரணமாக இது "தென்னிந்தியாவின் நுழைவாயில்" என்றழைக்கப்படுகிறது. இந்த மாவட்டத்தின் நிலநடுக்கம் குறித்த அபாய குறிப்பு மிதமான அபாயத்தை குறிக்கும் நிலஅதிர்வு மண்டலம் III கீழ் வருகிறது. தமிழ்நாட்டின் மொத்த கடலோரப்பகுதியில் 2.5% சதவீதம் சென்னை மாவட்டம் (25.60 கிமீ) கொண்டுள்ளது. சென்னை மாவட்டத்தில் உள்ள சென்னை நகரத்தினை இரண்டு நீரோடைகள் குறுக்கே பிரிக்கின்றன அவை கூவம் மற்றும் அடையார் ஆகும்.

மாவட்டத்தின் புள்ளியியல் விவரங்கள்

தமிழக மாவட்டங்களிலேயே மிகவும் வளர்ச்சியடைந்த மாவட்டம் இதுவே ஆகும்.

பொருளாதார வளர்ச்சி

தமிழ்நாட்டின் மாவட்டங்களில், கோவை மாவட்டத்திற்கு அடுத்தப்படியாக சென்னை மாவட்டம் மொத்த உள்நாட்டு உற்பத்தியில் 8.69% பெற்றுள்ளது. இதில் முறையே விவசாயம் 0.74% தொழில்துறை 5.65% மற்றவை 12.04ஆ% பங்குகொள்கின்றன. 2006-2007 ஆண்டு கணக்கெடுப்பின்படி சென்னை மாவட்டத்தின் தனி நபர் வருமானத்தை பொறுத்தவரையில் 37941 (ரூபாயில்) பெற்று 7ஆம் இடத்தில் உள்ளது. மேலும் மனித அபிவிருத்தி சுட்டெண் கணிப்பின் படி சென்னை 0.842 பெற்று முதல் இடத்தில் உள்ளது.[4].

மக்கள்தொகை பரம்பல்

தமிழக மாவட்டங்களிலேயே பரப்பளவில் சிறியதும், மக்கள்தொகை மிக்க மாவட்டம் இதுவே ஆகும். 178 சதுர கிலோ மீட்டர் பரப்பளவு கொண்ட சென்னை மாவட்டத்தின் 2011ம் ஆண்டின் மக்கள்தொகை கணக்கெடுப்பின் படி மொத்த மக்கள்தொகை 46,46,732 ஆகும். அதில் ஆண்கள் 2,335,844 ஆகவும்; பெண்கள் 2,310,888 ஆகவும் உள்ளனர். கடந்த பத்தாண்டுகளில் மக்கள்தொகை வளர்ச்சி 6.98% ஆக உயர்ந்துள்ளது. பாலின விகிதம் 1000 ஆண்களுக்கு, 989 பெண்கள் வீதம் உள்ளனர். மக்கள்தொகை அடர்த்தி ஒரு சதுர கிலோ மீட்டரில் 26,553 நபர்கள் வீதம் உள்ளனர். மாவட்ட சராசரி எழுத்தறிவு 90.18% ஆகவுள்ளது. ஆறு வயதிற்குட்பட்ட குழந்தைகள் 4,59,324 ஆகவுள்ளனர். நகர்புறங்களில் 100% மக்கள் வாழ்கின்றனர்.[5]

இம்மாவட்ட மக்கள்தொகையில் இந்துக்கள் 37,51,322 (80.73%) ஆகவும், இசுலாமியர்கள் 4,39,270 (9.45%) ஆகவும், கிறித்தவர்கள் 3,58,66 (7.72%) ஆகவும், சமணர்கள் 51,708 (1.11%) ஆகவும், மற்றவர்கள் 0.99% ஆகவும் உள்ளனர். இம்மாவட்டத்தில் தமிழ், தெலுங்கு, மலையாளம், ஆங்கிலம் மற்றும் கன்னட மொழிகள் பேசப்படுகிறது.

ஆட்சியர் அலுவலகம்

வரலாறு
முதன்மைக் கட்டுரை: சென்னையின் வரலாறு

சென்னை நகரமானது 1659 இல் உருவாக்கப்பட்டது. பிராசிஸ்டே என்ற ஆங்கிலேயர் 1640 இல் புனித ஜார்ஜ் கோட்டையைக் கட்டனார். 1688 இல் சென்னை மாநகராட்சி உருவாக்கப்பட்டது. 1746, 1758, 1772 இல் சென்னையானது பிரஞ்சுக்காரர்களால் கைப்பற்றப்பட்டது. அதன்பிறகு ஆங்கிலேயரின் கட்டுப்பாட்டில் மீண்டும் வந்தது. சென்னை-1ல் ராஜாஜி சாலையில் உள்ள பழைய ஆட்சியர் அலுவலக கட்டிடம், 1793ஆம் ஆண்டு கட்டப்பட்டது. அந்த கட்டிடம் அப்போதைய மதராஸ் ஆளுநர் லார்டு பென்டிங் பெயரால் அழைக்கப்பெற்றது. 19ஆம் நூற்றாண்டின் இறுதி வரை இந்த கட்டிடம் பயன்பாட்டில் இருந்து வந்தது. பின்னர் புதிதாக ஆட்சியர் அலுவலகம் கட்டப்பட்டு, மீனவர் சமூகத்திலிருந்து முதன் முதலாக வழக்குரைஞராக இருந்து பல சேவைகள் செய்த சிங்காரவேலர் பெயரிடப்பட்டது. இன்று வரை மாவட்ட ஆட்சியர் அலுவலகம் "சிங்காரவேலர் மாளிகை" என்றழைக்கப்படுகிறது.

சென்னை மாவட்ட ஆட்சியர் அலுவலக முகவரி

மாவட்ட ஆட்சியர் அலுவலகம்
சிங்காரவேலர் மாளிகை,
62, ராஜாஜி சாலை,
சென்னை - 600 001.

மாவட்ட வருவாய் நிர்வாகம்
சென்னை மாவட்டத்தின் 3 வருவாய் கோட்டங்களும், 16 வருவாய் வட்டங்களும்

விரிவாக்கம் செய்யப்பட்ட சென்னை மாவட்டம் வட சென்னை, மத்திய சென்னை மற்றும் தென் சென்னை என 3 வருவாய் கோட்டங்களும், 16 வருவாய் வட்டங்களும், 49 குறுவட்டங்களும், 125 வருவாய் கிராமங்களும் கொண்டது.[6][7] மேலும் இம்மாவட்டம் பெருநகர சென்னை மாநகராட்சியும் கொண்டது.[8]

சென்னை மாவட்ட வருவாய் வட்டங்கள்
  1. தண்டையார்பேட்டை வட்டம்
  2. அமைந்தக்கரை வட்டம்
  3. அயனாவரம் வட்டம்
  4. எழும்பூர் வட்டம்
  5. கிண்டி வட்டம்
  6. மாம்பலம் வட்டம்
  7. மயிலாப்பூர் வட்டம்
  8. பெரம்பூர் வட்டம்
  9. புரசைவாக்கம் வட்டம்
  10. வேளச்சேரி வட்டம்
  11. மதுரவாயல் வட்டம்
  12. திருவொற்றியூர் வட்டம்
  13. சோழிங்கநல்லூர் வட்டம்
  14. ஆலந்தூர் வட்டம்
  15. மாதவரம் வட்டம்
  16. அம்பத்தூர் வட்டம்

உள்ளாட்சி அமைப்பு

சென்னை மாவட்டத்தில் பெருநகர சென்னை மாநகராட்சி 25 மண்டலங்களும், 200 வார்டுகளும் கொண்டுள்ளது.[9]

கல்வி நிலையங்கள்
முதன்மைக் கட்டுரை: சென்னையில் கல்வி

தமிழகத்தின் தலைநகரம் சென்னை, 170 சதுர கி.மீ. பரப்புள்ள பெருநகர சென்னை மாநகராட்சிப் பகுதி, தமிழகத்தின் அரசியல் தலைநகராக மட்டுமல்லாது, தென்னிந்தியாவின் கல்வித் தலைநகரமாகவும் விளங்கிவருகின்றது. சென்னையில் பல புகழ்பெற்ற பல்கலைக் கழகங்கள், கல்லூரிகள், பள்ளிகள், தொழிற்கல்வி நிறுவங்கள் போன்றவை உள்ளன.

வழிபாட்டுத் தலங்கள்

மருத்துவமனை மற்றும் கல்லூரி
பெயர்முகவரி
சென்னை அரசுப் பொது மருத்துவமனைசென்னை-600003
ஸ்டான்லி மருத்துவமனைபழைய சிறைச்சாலை சாலை, சென்னை-600001
ராயப்பேட்டை மருத்துவமனை1, மேற்கு காட் சாலை, சென்னை-600014
கீழ்ப்பாக்கம் மருத்துவமனை மற்றும் கல்லூரிசென்னை-600010
சித்தா மருத்துவ கல்லூரிஅண்ணாநகர், சென்னை-600106

அரசியல்

சென்னை மாவட்டம் வடசென்னை, தென் சென்னை மற்றும் மத்திய சென்னை என மூன்று மக்களவைத் தொகுதிகளும், 16 சட்டமன்றத் தொகுதிகளும் கொண்டது.[10]

சட்டமன்றத் தொகுதிகள்
  1. ராதாகிருஷ்ணன் நகர்
  2. பெரம்பூர்
  3. கொளத்தூர்
  4. வில்லிவாக்கம்
  5. திருவிக நகர்
  6. எழும்பூர்
  7. ராயபுரம்
  8. துறைமுகம்
  9. சேப்பாக்கம்-திருவல்லிக்கேணி
  10. ஆயிரம் விளக்கு
  11. அண்ணா நகர்
  12. விருகம்பாக்கம்
  13. சைதாப்பேட்டை
  14. தியாகராய நகர்
  15. மயிலாப்பூர்
  16. வேளச்சேரி

நாடாளுமன்றத் தொகுதிகள்
  1. வட சென்னை
  2. தென் சென்னை
  3. மத்திய சென்னை

சுற்றுலாத் தலங்கள்
  1. மாமல்லபுரம் கடற்கரைக் கோயில்
  2. வள்ளுவர் கோட்டம்
  3. விவேகானந்தர் இல்லம்
  4. அரசு அருங்காட்சியகம்
  5. கிண்டி தேசியப் பூங்கா
  6. அறிஞர் அண்ணா விலங்கியல் பூங்கா
  7. சென்னை முதலைக் காப்பகம் அறக்கட்டளை
  8. தட்சிண சித்ரா

இதனையும் காண்க

ஆதாரங்கள்
  2. Chennai district likely to expand to 426sqkm mid-July 2018
  3. Chennai district doubles in size
  4. http://www.mse.ac.in/pub/Monograph%20-%2017.pdf
  5. Chennai District : Census 2011 data
  6. சென்னை மாவட்ட வருவாய் நிர்வாகம்
  7. விரிவாக்கம் செய்யப்படவுள்ள சென்னை மாவட்டப் பகுதிகள்
  8. சென்னை மாநகராட்சி
  9. சென்னை மாநகராட்சியின் மண்டலங்களும், வார்டுகளும்
  10. சட்டசபை உறுப்பினர்கள்

வெளி இணைப்புகள்





This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.