ہند آریائی زبانیں

ویدک منزل کی زبان ویدوں میں ملتی ہے۔ یہ عام لوگوں کی بولی نہیں تھی بلکہ ایک خاص جماعت (پُروہت) کی بولی تھی۔ ویدوں میں ایسے بہت کم الفاظ ملتے ہیں جن سے عام لوگوں کی صوتی خصوصیتوں کا اندازہ لگایا جا سکتا ہے۔

اس منزل میں سنسکرت زبان ہندوستان کے عالموں کی مشترکہ زبان بن گئی۔

اس منزل میں خاص کر مہابھارت تصنف ہوئی۔ عام لوگوں کی زبان سے بھی پراکرت کے الفاط کثیر تعداد میں سنسکرت میں شامل کیے گئے۔

اس منزل میں سنسکرت زبان ہندوستان کی سرکاری زبان بن گئی اور اس کا پروہت جماعت سے مخصوص تعلق ٹوٹ گیا۔ سنسکرت کی صرف و نحو سادہ ہو گئی اور کا خزانہ الفاظ عام لوگوں کی بولیوں کی ممونیت کی وجہ سے بہت بڑھ گیا۔

اس منزل میں سنسکرت کا عام لوگوں سے پھر ٹوٹ گیا اور سنسکرت ایک بناوتی زبان بن گئی۔

اس دور کی سب سے اہم بولی مگدھی کہلاتی تھی، جس میں سنسکرت کی ’ر‘ کی جگہ ’ل‘ اور سنسکرت کے فاعلی لاحقے ’اح‘ کی جگہ ’اے‘ بولا جاتا تھا۔

تفصیلی مضمون کے لیے پالی ملاحظہ کریں۔

پالی زبان میں بدھوں کی مقدس کتابیں قلمبند کی گئیں۔ پالی کی معنی کتاب کی اصلی عبارت کے ہیں اور مابعد یہ لفظ کتاب کی اصل زبان کے لیے مستعمل ہونے لگا۔ یہ زبان براست ٹکسٹالی سنسکرت مشتق نہیں ہے۔ کیوں کہ اس میں متعدد ایسی تشکیلیں بھی ملتی ہیں جو کے ویدک ہند آریائی میں بھی پائی جاتی ہیں۔ مثلاً حالت کا لاحقہ ’ہ‘ ویدک میں ’بھس‘ لیکن ٹکسالی سنسکرت میں ’ائی س‘ ہے۔

جین مت کے مقدس کتابوں کی زبان تھی۔ اس میں سنسرت کی ’ر‘ کی جگہ ’ل‘ اور سنسکرت کے فاعلی لاحقہ ’اح‘ کی ’اے‘ ہو گئی تھی۔ ہاں مگدھی پراکرت کی طرح ’س‘ کی ’ش‘ نہیں ہوئی تھی۔ لہذا اسے نصف مگدھی کہتے ہیں، کیوں کہ مگدھی میں یہ تینوں تبدیلیاں ہو گئی تھیں۔

تفصیلی مضمون کے لیے پراکرت ملاحظہ کریں۔

یہ عام لوگوں کی زبانیں تھیں۔ (1) شورشینی (2) مگدھی (3) مہاراشٹری

یہ دوآبہ گنگ و جمن و پنجاب کے علاقوں میں بولی جاتی تھی۔ اس میں سنسکرت کی ’ش‘ کی ’س ہو گئی تھی۔ مثلاً سنسکرت میں ’دیش‘ (ملک) شورسینی میں ’دیس‘۔ لیکن مگدھی میں الٹی ’س‘ کی ش ہو گئی تھی۔ مثلاً سنسکرت ’سُندرَ‘ مگدھی میں ’شُندرَ‘ (خوبصورت)

مہاراشٹری میں لفظوں کے اندرونی حروف صیح تقریباً سب مفقود ہو گئے تھے۔ مثلاً صرف ایک مہاراشٹری لفظ ’ام‘ سنسکرت کے ’مت‘ (سوچاہوا) ’ند‘ (بھرا ہوا) ’برت‘ (مردہ) ’مرگ‘ (ہرن) کی جگہ مستعل ہوتا ہے۔

اپ بھرنش جس کے معنی دور افتادہ کے ہیں، یہ پراکرت کا مابعد ارتقا ہیں۔ ان بولیوں کا آغاز چھٹی صدی عیسویں سے ہوا تھا اور یہی زبانیں عہد حاضر کی زبانوں کا پیش خیمہ ہیں۔ ان بولیوں میں دیسی بولیوں کے بے شمار الفاظ شامل ہو گئے اور صرف و نحو سادہ ہو گئی۔ ان کی عام خصوصیات یہ تھی کہ ان میں سنسکرت واحد فاعلی و مفعولی حالت کے لاحقہ ’ح اور اَ‘ ہو گئی تھی۔ مثلاً

عہد حاضر کی ہندآریائی کی نمایاں خصوصیت اس کا تسلسل ہے۔ ہنگری اور رومانی زبانوں کی طرح ہند آریائی میں کبھی عدم تسلسل نہیں ہوا۔ عموماً حروف علت اور وہی حروف صیح جو قدیم زمانے میں بولے جاتے تھے اب بھی بولے جاتے ہیں۔ اسی تسلسل کی وجہ سے عہد حاضر کی ہندی زبانوں کی حد بندی نہایت مشکل ہو گئی ہے۔ مثلاً یہ پتہ لگانا مشکل ہے کہ پنجابی کہاں ختم ہوتی ہے اور لہندی کہاں شروع ہوتی ہے۔ یہ گروہ بندی آگے واضح ہوگی۔

ان میں ہندوی (اردو اور ہندی)، راجستھانی، گجراتی اور مراٹھی شامل ہیں۔ ان زبانوں کی عام خصوصیت یہ ہے کہ ان میں قدیم ہند آریائی کے حروف صیح مفرد ہو گئے ہیں اور ان حروف صیح سے پہلے جو حروف علت تھے وہ لمبے ہو گئے ہیں۔ مثلاً سنسکرت میں ’دنت‘ ہندوی ’دانت‘ گجرتی اور مراٹھی میں ’وانت‘

ہندوی کی دو بڑی شاخیں ہیں۔ ایک مشرقی اور دوسری مغربی۔ ان کی بڑی خصوصیت یہ ہے کہ اس میں فاعلی حروف جار ’نے‘ لاحقہ کے بعد لگادیا جاتا ہے مشرقی ہندوی میں اس کی عدم موجودگی ہے۔

راجستھانی زبان گجراتی سے ملتی جلتی ہے۔ اس کی خصوصیت یہ ہے کہ اس کی غیر فاعلی جمع کا لاحقہ ’آں‘ ہے لیکن گجراتی میں ’آ‘ ہے اور راجستھانی میں حالت ایجنٹ (عامل) کے معنی میں حروف جار ’نے‘ کی بجائے خاص لاحقہ ’ائی‘ لگایا جاتا ہے۔

گجراتی زبان کی نمایاں خصوصیت یہ ہے کہ اس میں قدیم ہند آریائی ’و‘ اب تک برقرار رہے۔ دیگر کثیر التعداد ہند آریائی زبانوں میں اس کی ’ب‘ ہو گئی ہے مثلاً ہندوی ’بنیا‘ لیکن گجراتی ’وان یو‘ (دکان دار)۔ لہذا گجراتی زبان کا مطالعہ قدیم ہند آریائی ’و‘ کی تحقیقات کے لیے لازمی ہے کہ اس زبان کے ذریعہ پتہ لگ سکتا ہے کہ سنسکرت کے کن الفاظ کن الفاظ میں ’و‘ اور کن الفاظ میں ’ب‘ بولی جاتی ہے۔

مراٹھی کی نمایاں قابل ذکر خصوصیت یہ ہے کہ اس میں لفظ کا ماقبل آخر کا رکن لمبا ہو تو چھوٹا ہو جاتا ہے۔ مثلاً ’کُم رو‘ (لڑکا)، پرفیسر ٹرنر کی رائے میں یہ قدیم ہند یورپی لہجہ کا اثر ہے جو لفظ کے پہلے رکن پر پڑتا ہے۔

ان میں بہاری، بنگالی، آسامی اور اڑیا زبانیں شامل ہیں۔ ان زبانوں میں قدیم ہند آریائی حروف علت ’ا‘ کی جگہ ’او‘ ہوتا ہے اور مستبل کا لاحقہ ’ب‘ سے بنتا ہے جو سنسکرت کے احتمال مجہورجزو فعل سے بنا ہے۔

بہاری زبان کی خاص نوعیت یہ ہے کہ لفظ سے ماقبل آخر رکن سے بہشتر کوئی رکن لمبا ہو تو چھوٹا ہوجاتا ہے۔ مثلاً ’نَ اُ آ‘ (ھجام)، یہاں ’نااُ آ‘ کا ’نِ اُ آ‘ ہو گیا ہے،

بنگالی کی خصوصیات یہ ہے کہ اس میں مگدھی پراکرات کی طرح سنسکرت کی ’س‘ کی ’ش‘ ہو گئی ہے۔ مثلاً سنسکرت کے ’سُندَرَ‘ کی بجائے ’شندر‘ بولا جاتا ہے۔

اڑیا زبان کی خاص نوعیت یہ ہے اس میں ہند آریائی کی ابتدائی ’س‘ کی ’خ‘ ہو گئی ہے۔ مثلاً ’خات‘ (سات) سنسکرت ’سپَتَ‘۔ اس کی دوسری خصوصیت اس میں ہند آیائی کا ’اَ‘ اب تک برقرار ہے۔ مثلاً ’گھرَ‘، بنگالی ’گھور‘ ہندوی ’گھر۔

ان میں پنجابی، سندھی اور لہندی شامل ہیں اور ان کی خصوصیت یہ ہے ان زبانوں میں پرارات کے حروف صیح برقرار ہیں۔ مثلاً پراکرت ’ستَ‘، پنجابی، لہندی اور سندھی میں ’ست‘ (سات)

پنجابی کی خاص نوعیت یہ ہے کہ اس میں اب تک ہندآریائی مرکب حروف صیح کا ’ر‘ اب تک برقرار ہے۔ مثلاً پنجابی ’ترے‘ سنسکرت ’تریخ‘ (تین)۔

تفصیلی مضمون کے لیے سندھی زبان ملاحظہ کریں۔

سندھی کی خصوصیت یہ ہے کہ اس میں ایک قسم کے ڈبے ہوئے حروف صیح ہیں، جن کے تلفظ میں فم حلق کی بالکل بندش ہوجاتی ہے اور پھر یک دم اس کے کھل جانے ایک کھوکھلی سے آواز نکلتی ہے، جیسے ایک سخت کاک کو کھو کو بوتل سے کھولنے سے آواز نکلتی ہے۔ مثلاً سندھی ’ڈیرا‘ سنسکرت ’دیپکَ ح‘ (چراغ)۔ اس سندھی لفظ میں ’د‘ دباہوا حروف صیح ہے۔

لہندی کی خصوصیت اس کا لہجہ ہے جو مرکب الفاظ کے دوسرے حصے یا آخری رکن پر بڑتا ہے۔ لہذا یہ حروف لہجے ہو جاتے ہیں اور دوہرے سنائی دیتے ہیں۔ مثلاً ’غلام نبی اور رادحاکشن‘ ان الفاظ میں ’ب اور ش‘ پر دباؤ پڑتا ہے۔

درد گروہ میں، کشمیری اور شنا، شامل ہیں۔ صوتیات کے نکتہ نظر سے یہ زبانیں ابھی پراکرت کی منزل میں ہی ہیں۔ ان میں دوہرے حروف صیح اور اندرونی ’ی‘ ابھی تک برقرار ہیں۔ کشمیری زبان کی خصوصیت اس کا پیچیدہ اور نظام حروف علت ہے۔ اس میں ایسے باریک حروف علت موجود ہیں جن کے وجود کو صرف بولنے ولاہی محسوس کر سکتا ہے اور سنے والے کو سنائی نہیں دیتا ہیں۔ اگر سنائی دیتے ہیں تو سخت کوشش اور توجہ کے بعد۔ اس کے علاوہ یہ صورتی شکلیں ایسی پرسرار ہیں کہ ان کو صوتی علامات میں قلمبند کرنا اور ان کی حقیقت کو سمجھنا ایک ماہر صوتیات کے لیے بھی نہایت مشکل ہے۔ مثلاً ’أاِسِ اس‘ (ہم تھے)۔ اس میں تین حروف علت ہیں اور تینوں کو علامات میں ظاہر کرنا نہایت ہی مشکل ہے۔ مثلاً ’س‘ میں ایسا باریک زیر بولا جاتا ہے جس کو عام طور پر بولنے والا ہی محسوس کر سکتا ہے۔

یہ چترال کے گرد نواح میں بولی جاتی ہیں۔ ان میں کھوار کلاشاوغیرہ کی بولیاں شامل ہیں، ان کی خصوصیت یہ ہے کہ ان میں آریائی ’ز‘ جو قدیم ہند آریائی میں ’ج‘ ہو گئی تھی اب تک برقرار ہے۔ مثلاً کتی میں ’زوست‘(دوست)، اوستا میں ’زوش‘، سنسکرت میں ’جوش ٹر‘ خوش کرنے والا۔

کھوار کا خزانہ الفاظ دیگر کافری زبانوں سے مختلف ہے۔ مثلاً

کلاشا میں تذکیر و تاثنیت زیادہ تر مفقود ہوچکی ہے۔ ہاں بے جان قسم کی موجود ہے۔

برصغیر کے باہر کی ہند آریائی زبانوں میں سنگھلی اور جپسی شامل ہیں۔

یہ جزیرہ لنکا میں بولی جاتی ہے، اس کی خصوصیت ہے کے ان میں دم کشیدہ حروف صیح اور حنکی حروف صیح بالکل مفقود ہوچکے ہیں۔

جیپسی ہند آریائی زبانوں کا نہایت ہی حیرت انگیز اور بے نطیر مثال ہے۔ جپسی چودویں صدی ہجری میں یورپ کے مختلف ملکوں جاپہنچے تھے۔ یہ لوگ خانہ بدوش ہیں اور جو چوری اور پیشن گوئی وغیرہ سے گزارہ کرتے رہے