ஈச்ச மரம்

இம்மரங்கள் 4 முதல் 15 மீட்டர் உயரம் வரை வளரக்கூடியன. மரத்தின் விட்டம் 40 செ.மீ வரை இருக்கும். இதன் ஓலை மட்டை மூன்று மீட்டர் வரை நீளம் கொண்டு சற்றே வளைந்தவாறு இருக்கும். இதன் மட்டையிலும் இலைகளின் முனையிலும் முட்கள் கொண்டிருக்கும். இந்த மரங்களில் ஆண்மரங்கள் உண்டு ஆண்மரங்கள் மஞ்சள் கலந்த வெண்மையாக பூக்கள் பூக்கக்கூடியன. இதன் காய்கள் மஞ்சள் நிறத்துடன் இருக்கும் பழுக்க ஆரம்பித்த பிறகு சிவப்பு வண்ணமடைந்து இறுதியில் பழுப்பு நிறத்தை அடையும்.[3] இதன் பழங்கள் உண்ணத்தக்கது.

ஈச்சங் கூடை என்பது ஈச்சங் குச்சிகளைக் கொண்டு பின்னி உருவாக்கப்படும் கூடை ஆகும். ஈச்சங் குச்சிகளை ஒரே அளவில் வெட்டி எடுத்து சுத்தம் செய்து வட்ட வடிவில் பின்னினால் கூடை வடிவம் கிடைக்கும். நமக்கு தேவையான அளவில் பின்னிக்கொள்ளலாம். இக்கூடை பழங்கள் வைத்துக்கொள்ள பொிதும் பயன்படுகிறது. திருமண நிகழ்வுகளில் சோறு வடிப்பதற்கும் பயன்படுகிறது. கிராமப்புறங்களில் எல்லோருடைய வீடுகளிலும் பயன்படுத்தப்படும்.

• 
  மேற்குவங்க மாநிலம், கொல்கத்தாவில் ஒரு பெண் ஈச்சம்பூ.
• 
  மேற்குவங்க மாநிலம், கொல்கத்தாவில் ஒரு ஆண் ஈச்சம்பூ.
• 
  மெக்சிகோவில் ஈச்சங்குலை
• 
  மேற்கு வங்க மாநிலத்தில் அடி மரம்.
• 
  கொல்கத்தாவில் மரத்தில் காணப்படும் ஈச்சங் குலைகள்
• 
  கொல்கத்தாவில் பாரம்பரிய ஈச்ச வெல்லம்.
• 
  தமிழ்நாட்டின் ஒசூரில் விற்பனைக்கு உள்ள ஈச்ச துடப்பம்