மே 25
மே 25 (May 25) கிரிகோரியன் ஆண்டின் 145 ஆம் நாளாகும். நெட்டாண்டுகளில் 146 ஆம் நாள். ஆண்டு முடிவிற்கு மேலும் 220 நாட்கள் உள்ளன.
| << | மே 2019 | >> | ||||
| ஞா | தி | செ | பு | வி | வெ | ச |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
| MMXIX | ||||||
நிகழ்வுகள்
- கிமு 240 – ஏலியின் வால்வெள்ளி சூரியனுக்கு அருகாக சென்றமை முதல் தடவையாக அவதானிக்கப்பட்டது.[1]
- 1085 – காசுட்டில் மன்னர் ஆறாம் அல்போன்சோ டொலேடோவை முசுலிம்களிடம் இருந்து கைப்பற்றினார்.[2]
- 1521 – புனித உரோமைப் பேரரசர் ஐந்தாம் சார்லசு மார்ட்டின் லூதரை சமயத்தில் இருந்து ஒதுக்கி வைத்தார்.[3]
- 1644 – மிங் சீனத் தளபதி வூ சங்குய் மஞ்சு ஆக்கிரமிப்பாளர்களுடன் கூட்டணியை ஏற்படுத்தினார். மஞ்சுப் படைகள் தலைநகர் பெய்ஜிங்கை நோக்கிச் செல்லுவதற்காக சீனப் பெருஞ்சுவரின் சன்காய் பாதைகளைத் திறந்து விட்டார்.
- 1659 – ரிச்சார்ட் குரொம்வெல் இங்கிலாந்தின் "ஆட்சிக் காவலர் பெருமகன்" பதவியைத் துறந்தார். பொதுநலவாய இங்கிலாந்தின் இரண்டாவது குறுகிய கால அரசு ஆரம்பமானது.
- 1660 – இங்கிலாந்து நாடாளுமன்றத்தின் அழைப்பை ஏற்று இரண்டாம் சார்லசு டோவர் வந்து சேர்ந்தார். ஆலிவர் கிராம்வெல்-தலைமையிலான பொதுநலவாய இங்கிலாந்து முடிவுக்கு வந்து, மன்னராட்சி ஆரம்பமானது.
- 1810 – அர்ஜென்டீனாவில் இடம்பெற்ற புரட்சியின் போது ஆயுதம் தரித்த புவெனசு ஐரிசு மக்கள் எசுப்பானிய ஆளுநரை வெளியேற்றினார்கள்.
- 1812 – இங்கிலாந்தில் ஜரோ என்ற இடத்தில் இடம்பெற்ற சுரங்க வெடி விபத்தில் 96 பேர் உயிரிழந்தனர்.
- 1837 – கனடாவின் கியூபெக் மாநிலத்தில் பிரித்தானியாவின் ஆட்சிக்கெதிராக நாட்டுப்பற்றாளர்கள் கிளர்ச்சியில் ஈடுபட்டார்கள்.
- 1865 – அமெரிக்காவின் அலபாமாவில் "மொபைல்" என்ற இடத்தில் தொழிற்சாலையில் இடம்பெற்ற வெடிப்பில் 300 பேர் உயிரிழந்தனர்.
- 1895 – புதின ஆசிரியர் ஆஸ்கார் வைல்டு ஆண்களுடன் தொடர்பு வைத்திருந்தாகக் குற்றம் சாட்டப்பட்டு இரண்டு ஆண்டுகள் சிறைத்தண்டனை பெற்றார்.
- 1914 – அயர்லாந்துக்கு அதிக அதிகாரம் வழங்கும் சட்டமூலம் ஐக்கிய இராச்சியத்தின் மக்களவை ஏற்றுக் கொள்ளப்பட்டது.
- 1926 – பாரிசில் அமைந்திருந்த நாடுகடந்த உக்ரைனிய மக்கள் குடியரசின் தலைவர் சைமன் பெத்லியூரா என்பவர் சுட்டுக் கொல்லப்பட்டார்.
- 1938 – எசுப்பானிய உள்நாட்டுப் போர்: அலிசாண்டே நகரின் மீது நடத்தப்பட்ட குண்டுவீச்சுத் தாக்குதலில் 313 பேர் கொல்லப்பட்டனர்.
- 1940 – இரண்டாம் உலகப் போர்: செருமனி போலோன் துறைமுகத்தைக் கைப்பற்றியது.
- 1946 – முதலாம் அப்துல்லா ஜோர்தான் அமீராக அந்நாட்டு நாடாளுமன்றத்தினால் நியமிக்கப்பட்டார்.
- 1953 – அணுகுண்டு சோதனை: நெவாடாவில் ஐக்கிய அமெரிக்கா தனது முதலாவதும் கடைசியுமான அணு ஆற்றலினாலான பீரங்கியைச் சோதித்தது.
- 1955 – ஐக்கிய அமெரிக்காவில் கேன்சஸ் மாநிலத்தில் "உடால்" என்ற சிறு நகரை இரவு நேர சுழல் காற்று தாக்கியதில் 80 பேர் உயிரிழந்தனர்.
- 1961 – அப்பல்லோ திட்டம்: பத்தாண்டுகளின் இறுதிக்குள் சந்திரனுக்கு மனிதனை அனுப்பும் ஐக்கிய அமெரிக்காவின் திட்டத்தை அரசுத்தலைவர் ஜான் எஃப். கென்னடி அமெரிக்கக் காங்கிரசில் அறிவித்தார்.
- 1963 – அடிஸ் அபாபாவில் ஆபிரிக்க ஒன்றியம் உருவானது.
- 1977 – ஸ்டார் வோர்ஸ் திரைப்படம் வெளிவந்தது.
- 1977 – வில்லியம் சேக்சுபியரின் இலக்கியங்கள் மீதான தடையை சீனா நீக்கியது. 1966 இல் ஆரம்பமான சீனப் பண்பாட்டுப் புரட்சி முடிவுக்கு வந்தது.
- 1979 – ஐக்கிய அமெரிக்காவின் டிசி-10 விமானம் ஒன்று ஓகேர் பன்னாட்டு வானூர்தி நிலையத்துக்கு அருகில் விபத்துக்குள்ளாகியதில் அதில் பயணித்த அனைத்து 271 பேரும் தரையில் இருவரும் உயிரிழந்தனர்.
- 1981 – ரியாத் நகரில் பகுரைன், குவைத், ஓமான், கத்தார், சவூதி அரேபியா, ஐக்கிய அரபு அமீரகம் ஆகிய நாடுகளுக்கிடையேயான வளைகுடா கூட்டுறவுப் பேரவை உருவானது.
- 1982 – போக்லாந்து போரில் கவெண்ட்ரி என்ற ஆங்கிலேயக் கப்பல் மூழ்கியது.
- 1985 – வங்காள தேசத்தில் இடம்பெற்ற சூறாவளியில் 10,000 பேர் வரையில் உயிரிழந்தனர்.
- 1997 – சியேரா லியோனியில் இடம்பெற்ற இராணுவப் புரட்சியில் அதிபர் அகமது கப்பா பதவியில் இருந்து ஆகற்றப்பட்டார்.
- 2000 – லெபனானில் 22 ஆண்டுகளாக நிலை கொண்டிருந்த இசுரேல் இராணுவத்தினர் அங்கிருந்து வெளியேறினர்.
- 2002 – சீன விமானம் ஒன்று தாய்வானில் நடுவானில் வெடித்துச் சிதறியதில் 225 பேர் உயிரிழந்தனர்.
- 2002 – மொசாம்பிக்கில் தொடருந்து ஒன்று விபத்துக்குள்ளாகியதில் 197 பேர் உயிரிழந்தனர்.
- 2008 – நாசாவின் பீனிக்சு விண்ணூர்தி செவ்வாயில் தரையிறங்கியது.
- 2009 – வட கொரியா தனது இரண்டாவது அணுகுண்டு சோதனையை நிகழ்த்தியது.
- 2012 – டிராகன் விண்கலம் அனைத்துலக விண்வெளி நிலையத்துடன் இணைந்தது.
- 2013 – இந்தியாவில் சத்தீசுகர் மாநிலத்தில் இந்திய தேசிய காங்கிரசு அரசியல்வாதிகள் மீது மாவோயிசப் போராளிகள் நடத்திய தாக்குதலில் குறைந்தது 28 பேர் கொல்லப்பட்டனர், 32 பேர் காயமடைந்தனர்.
- 2013 – பாக்கித்தான், குச்ராத் நகரில் பாடசாலைப் பேருந்து ஒன்றில் குண்டு வெடித்ததில் 18 பேர் உயிரிழந்தனர்.
பிறப்புகள்
- 1320 – உகான்டு கான், மங்கோலியப் பேரரசர் (இ. 1370)
- 1803 – ரால்ப் வால்டோ எமேர்சன், அமெரிக்கக் கவிஞர், மெய்யியலாளர் (இ. 1882)
- 1855 – வி. கனகசபைப் பிள்ளை, ஈழத்துத் தமிழறிஞர் (இ. 1906)
- 1865 – பீட்டர் சீமன், நோபல் பரிசு பெற்ற டச்சு இயற்பியலாளர் (இ. 1943)
- 1866 – மு. சி. பூரணலிங்கம் பிள்ளை, தமிழகத் தமிழறிஞர் (இ. 1947)
- 1877 – சா. தர்மராசு சற்குணர், தமிழகத் தமிழறிஞர் (இ. 1952)
- 1878 – சோமசுந்தரப் புலவர், ஈழத்துப் புலவர் (இ. 1953)
- 1886 – ராஷ் பிஹாரி போஸ், இந்தியப் போர்வீரர், செயற்பாட்டாளர் (இ. 1945)
- 1887 – பியட்ரல்சினாவின் பியோ, இத்தாலியப் புனிதர் (இ. 1968)
- 1899 – காஜி நஸ்ருல் இஸ்லாம், பங்காளக் கவிஞர், எழுத்தாளர், புல்லாங்குழல் கலைஞர் (இ. 1976)
- 1907 – யு நூ, பர்மாவின் 1-வது பிரதமர் (இ. 1995)
- 1927 – பால் ஆலிவர், பிரித்தானியக் கட்டிடக்கலை வரலாற்றாளர்
- 1935 – ஆர். சிவலிங்கம், ஈழத்து எழுத்தாளர்
- 1936 – இரா. பாலகிருஷ்ணன், மலேசியத் தமிழ் வானொலி ஒலிபரப்பாளர், ஊடகவியலாளர்
- 1939 – கவுண்டமணி, தமிழ்த் திரைப்பட நகைச்சுவை நடிகர்
- 1939 – இயன் மெக்கெல்லன், ஆங்கிலேய நடிகர்
- 1953 – ஈவ் என்சுலர், அமெரிக்க தயாரிப்பாளர்
- 1954 – முரளி, இந்திய நடிகர், அரசியல்வாதி (இ. 2009)
- 1958 – டோரதி ஸ்டிரெய்ட், அமெரிக்க எழுத்தாளர்
- 1972 – கரண் ஜோஹர், இந்திய நடிகர், இயக்குநர்
- 1933 – அநு. வை. நாகராஜன், ஈழத்து எழுத்தாளர்
- 1977 – கார்த்தி, தமிழகத் திரைப்பட நடிகர்
இறப்புகள்
- 986 – அல் சுஃபி, பாரசீக வானியலாளர் (பி. 903)
- 1085 – ஏழாம் கிரகோரி (திருத்தந்தை) (பி. 1020)
- 1595 – பிலிப்பு நேரி, இத்தாலிய மதகுரு, புனிதர் (பி. 1515)
- 1607 – மக்தலேனா தே பாசி, இத்தாலிய கத்தோலிக்கப் புனிதர், கார்மேல் சபைத் துறவி (பி. 1566)
- 2012 – திலீப், தென்னிந்தியத் திரைப்பட நடிகர்
- 1919 – மேடம் சி. ஜே. வாக்கர், அமெரிக்கத் தொழிலதிபர் (பி. 1867)
- 1939 – பிராங்க் வாட்சன் டைசன், ஆங்கிலேய வானியலாளர் (பி. 1868)
- 1981 – உரூபி பேய்னி சுக்காட், ஆத்திரேலிய இயற்பியலாளர், வானியலாளர் (பி. 1912)
- 1983 – லிபியாவின் இத்ரிசு (பி. 1889)
- 1988 – ஏர்ணஸ்ட் ருஸ்கா, செருமானிய இயற்பியலாளர் (பி. 1906)
- 2005 – சுனில் தத், இந்திய நடிகர், இயக்குநர், அரசியல்வாதி (பி. 1929)
- 2013 – டி. எம். சௌந்தரராஜன் தமிழ்த் திரைப்படப் பாடகர், (பி. 1923)
- 2018 – செ. குரு, தமிழக அரசியல்வாதி (பி. 1961)
சிறப்பு நாள்
- ஆப்பிரிக்க நாள் (ஆப்பிரிக்க ஒன்றியம்)
- ஆப்பிரிக்க விடுதலை நாள் (ஆப்பிரிக்க ஒன்றியம், ராஸ்தஃபாரை)
- விடுதலை நாள் (ஜோர்தான், ஐக்கிய இராச்சியத்திடம் இருந்து 1946)
- விடுதலை நாள் (லெபனான்)
- சர்வதேச காணாமல் போன குழந்தைகள் தினம்
மேற்கோள்கள்
- Jonathan Powell (17 April 2017). Cosmic Debris: What It Is and What We Can Do About It. Springer. பக். 51. பன்னாட்டுத் தரப்புத்தக எண்:978-3-319-51016-3. https://books.google.com/books?id=0ISuDgAAQBAJ&pg=PA51.
- Jim Bradbury (2 August 2004). The Routledge Companion to Medieval Warfare. Routledge. பக். 225. பன்னாட்டுத் தரப்புத்தக எண்:978-1-134-59847-2. https://books.google.com/books?id=3FRsBgAAQBAJ&pg=PA225.
- Joseph A. Burgess; Jeffrey Gros (1989). Building Unity: Ecumenical Dialogues with Roman Catholic Participation in the United States. Paulist Press. பக். 229. பன்னாட்டுத் தரப்புத்தக எண்:978-0-8091-3040-5. https://books.google.com/books?id=ICCi66SNBUoC&pg=PA229.
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.