அக்டோபர் 29
அக்டோபர் 29 (October 29) கிரிகோரியன் ஆண்டின் 302 ஆம் நாளாகும். நெட்டாண்டுகளில் 303 ஆம் நாள். ஆண்டு முடிவிற்கு மேலும் 63 நாட்கள் உள்ளன.
| << | அக்டோபர் 2019 | >> | ||||
| ஞா | தி | செ | பு | வி | வெ | ச |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
| MMXIX | ||||||
நிகழ்வுகள்
- கிமு 539 – பாரசீகப் பேரரசை நிறுவிய சைரசு பாபிலோனின் தலைநகரை அடைந்து, யூதர்கள் அனைவரையும் அவர்களது நாட்டுக்குத் திரும்ப அனுமதித்தார்.
- 312 – முதலாம் கான்ஸ்டன்டைன் மில்வியன் சமரில் பெரும் வெற்றி பெற்று உரோம் திரும்பினான். அங்கு அவனுக்குப் பெரும் வரவேற்பளிக்கப்பட்டது.
- 969 – பைசாந்தியப் படையினர் சிரியாவின் அந்தியோக்கியா நகரைக் கைப்பற்றினர்.
- 1390 – மந்திரவாதிகளுக்கு எதிரான முதலாவது வழக்கு பாரிசில் இடம்பெற்றது. வழக்கின் இறுதியில் மூவருக்கு மரண தண்டனை நிறைவேற்றப்பட்டது.
- 1591 – ஒன்பதாம் இனொசெண்ட் திருத்தந்தையாகத் தேர்ந்தெடுக்கப்பட்டார்.
- 1618 – ஆங்கிலேயக் கவிஞரும் நாடுகாண் பயணியுமான சேர் வால்ட்டர் ரேலி இங்கிலாந்தின் முதலாம் ஜேம்சு மன்னருக்கு எதிராக சூழ்ச்சி செய்ததாகக் குற்றம் சாட்டப்பட்டு தலை துண்டிக்கப்பட்டு மரணதண்டனக்குள்ளாக்கப்பட்டார்.
- 1665 – போர்த்துக்கீசப் படையினர் கொங்கோ பேரரசைத் தோற்கடித்து அதன் மன்னன் முதலாம் அந்தோனியோவைக் கொன்றனர்.
- 1675 – லைப்னித்சு முதற்தடவையாக ∫ என்ற குறியீட்டை நுண்கணிதத்தில் தொகையீட்டைக் குறிக்கப் பயன்படுத்தினார்.
- 1832 – இந்தியாவில் பங்களூரில் நிலை கொண்டிருந்த பிரித்தானியப் படையினருக்கு எதிராக நடத்தப்படவிருந்த சிப்பாய்களின் கிளர்ச்சி முறியடிக்கப்பட்டது.[1]
- 1863 – ஜெனீவாவில் கூடிய 18 நாடுகளின் பிரதிநிதிகள் சர்வதேச செஞ்சிலுவைச் சங்கம் அமைக்கத் தீர்மானித்தனர்.
- 1886 – அன்றைய பிரித்தானிய இந்திய அரசுக்கும், திருவாங்கூர் மன்னருக்கும் இடையே முல்லைப் பெரியாறு குத்தகை ஒப்பந்தம் கையெழுத்திடப்பட்டது.
- 1901 – அமெரிக்க அரசுத்தலைவர் வில்லியம் மெக்கின்லியைக் கொலை செய்த குற்றத்திற்காக லியோன் சொல்கோஸ் என்பவனுக்கு மரணதண்டனை நிறைவேற்றப்பட்டது.
- 1914 – உதுமானியப் பேரரசு முதலாம் உலகப் போரில் இறங்கியது.
- 1922 – பெனிட்டோ முசோலினி இத்தாலியின் பிரதமராக மூன்றாம் விக்டர் இம்மானுவேல் மன்னரால் நியமிக்கப்பட்டார்.
- 1923 – உதுமானியப் பேரரசு கலைந்ததைத் தொடர்ந்து துருக்கி குடியரசானது.
- 1929 – 1929 வால் வீதி வீழ்ச்சி: "கருப்பு செவ்வாய்" என அழைக்கப்பட்ட இந்நாளில் நியூ யோர்க் பங்குச் சந்தை வீழ்ச்சியடைந்தது. பெரும் பொருளியல் வீழ்ச்சி ஆரம்பமானது.
- 1941 – பெரும் இன அழிப்பு: லித்துவேனியாவில் செருமனியப் படையினரால் 10,000 வரையான யூதர்கள் படுகொலை செய்யப்பட்டனர்.
- 1944 – இரண்டாம் உலகப் போர்: சோவியத் செஞ்சேனை அங்கேரியை அடைந்தது.
- 1948 – கலிலேயாவில் சாஃப்சாஃப் என்ற கிராமமொன்றில் புகுந்த இசுரேலியர்கள் 70 பாலத்தீனர்களைச் சுட்டுக் கொன்றனர்.
- 1950 – அமரர் கல்கியின் பொன்னியின் செல்வன் தொடர் வரலாற்றுப் புதினம் முதற் தடவையாக கல்கி இதழில் வெளிவர ஆரம்பித்தது.
- 1955 – சோவியத் போர்க்கப்பல் நோவசிபீர்ஸ்க் செவஸ்தபோல் துறைமுகத்தில் இரண்டாம் உலகப் போர்க் கால கண்ணிவெடியில் சிக்கியது.
- 1956 – சூயெசு நெருக்கடி ஆரம்பம்: இசுரேலியப் படையினர் சினாய் தீபகற்பத்தைக் கைப்பற்றி எகிப்தியப் படைகளை சூயஸ் கால்வாய் நோக்கி விரட்டினர்.
- 1957 – இசுரேலிய நாடாளுமன்றம் மீது நடத்தப்பட்ட கிரனேடுத் தாக்குதலில் பிரதமர் டேவிட் பென்-குரியன் மற்றும் அவரது ஐந்து அமைச்சர்கள் காயமடைந்தனர்.
- 1960 – அமெரிக்காவில், ஒகையோ மாநிலத்தில் விமானம் ஒன்று வீழ்ந்ததில் 22 பேர் உயிரிழந்தனர்.
- 1961 – ஐக்கிய அரபுக் குடியரசில் இருந்து சிரியா வெளியேறியது.
- 1964 – தங்கனிக்கா மற்றும் சன்சிபார் இரண்டும் இணைந்து தன்சானியாக் குடியரசு ஆகியது.
- 1964 – 565 கரட் (113 கிராம்) "ஸ்டார் ஒஃப் இந்தியா" உட்படப் பல பெறுமதி மிக்க இரத்தினக்கற்கள் நியூயார்க் நகரில் உள்ள அமெரிக்க அருங்காட்சியகத்தில் இருந்து திருடப்பட்டன.
- 1967 – மொண்ட்ரியால் நகரில் 50 மில்லியன் மக்கள் கண்டு களித்த எக்ஸ்போ 67 உலகக் கண்காட்சி முடிவடைந்தது.
- 1969 – உலகின் முதலாவது ஒரு கணினியில் இருந்து வேறொரு கணினிக்கான தொடுப்பு ஆர்ப்பாநெட் மூலம் இணைக்கப்பட்டது.
- 1991 – நாசாவின் கலிலியோ விண்கலம் 951 காஸ்ப்ராவுக்குக் கிட்டவாகச் சென்று சிறுகோள் ஒன்றுக்குக் கிட்டவாக சென்ற முதலாவது விண்கலம் என்ற சாதனையை அடைந்தது.
- 1998 – தென்னாப்பிரிக்காவில் உண்மை மற்றும் நல்லிணக்க ஆணைக்குழு தனது இறுதி அறிக்கையை வெளியிட்டது. இவ்வறிக்கை இரு தரப்பு மீது குற்றம் சாட்டியது.
- 1998 – டிஸ்கவரி விண்ணோடம் 77-வயது ஜான் கிளென் என்பவருடன் விண்ணுக்கு ஏவப்பட்டது.
- 1998 – ஐக்கிய அமெரிக்காவில் உயர் வரையறு தொலைக்காட்சி ஆரம்பமானது.
- 1998 – 39 பேருடன் சென்ற துருக்கிய விமானம் ஒன்று குர்தியத் தீவிரவாதிகளால் கடத்தப்பட்டது.
- 1999 – ஒடிசாவில் இடம்பெற்ற பெரும் சூறாவளியினால் 10,000 பேர் வரை இறந்தனர். 2.5 மில்லியன் மக்கள் வீடுகளை இழந்தனர்.
- 2002 – வியட்நாமின் ஓ சி மின் நகரப் பல்பொருள் அங்காடி ஒன்றில் ஏற்பட்ட தீ விபத்தில் 60 பேருக்கு மேல் உயிரிழந்தனர்..
- 2004 – செப்டம்பர் 11, 2001 தாக்குதலுக்குத் தானே காரணம் எனக் கூறும் உசாமா பின் லாதினின் காணொளி வெளியானது.
- 2005 – தில்லியில் இடம்பெற்ற குண்டுவெடிப்பில் அறுபதிற்கும் அதிகமானோர் கொல்லப்படனர்.
- 2012 – அமெரிக்காவின் கிழக்குக் கரையை சாண்டி சூறாவளி தாக்கியதில் 200 இற்கும் அதிகமானோர் உயிரிழந்தனர்.
- 2015 – 35 ஆண்டுகளாக நடைமுறையில் இருந்த ஒரு குழந்தைக் கொள்கையை சீனா கைவிடுவதாக அறிவித்தது.
பிறப்புகள்
- 1270 – நாம்தேவ், மகாராட்டிரத் துறவி (இ. 1350)
- 1808 – காத்தரினா சுகார்பெல்லினி, இத்தாலிய வானியலாளர் (இ. 1873)
- 1897 – ஜோசப் கோயபெல்ஸ், செருமனியின் அரசுத்தலைவர் (இ. 1945)
- 1909 – மு. அருணாசலம், தமிழகத் தமிழறிஞர், நூலாசிரியர் (இ. 1992)
- 1921 – பாலகுமாரன் மகாதேவா, இலங்கைக் கல்வியாளர் (இ. 2013)
- 1923 – காரல் ஜெராசி, ஆத்திரிய-அமெரிக்க வேதியியலாளர் (இ. 2015)
- 1931 – வாலி, திரைப்படப் பாடலாசிரியர், கவிஞர் (இ. 2013)
- 1938 – எலன் ஜான்சன் சர்லீஃப், லைபீரியாவின் 24வது அரசுத்தலைவர், அமைதிக்கான நோபல் பரிசு பெற்றவர்
- 1950 – அப்துல்லா குல், துருக்கியின் 11வது அரசுத்தலைவர்
- 1974 – செல்வராசா கஜேந்திரன், இலங்கை அரசியல்வாதி
- 1976 – ராகவா லாரன்ஸ், தென்னிந்தியத் திரைப்பட நடிகர், இயக்குநர்
- 1980 – பென் போஸ்டர், அமெரிக்க நடிகர்
- 1981 – ரீமா சென், இந்திய நடிகை
- 1985 – விஜேந்தர் குமார், இந்தியக் குத்துச்சண்டை வீரர்
- 1986 – ஸ்ரீதேவி விஜயகுமார், தென்னிந்தியத் திரைப்பட நடிகை
இறப்புகள்
- 1618 – வால்ட்டர் ரேலி, ஆங்கிலேய இராணுவ அதிகாரி, நாடுகாண் பயணி, அரசியல்வாதி (பி. 1554)
- 1783 – ழான் லி ராண்ட் டெ'ஆலம்பர்ட், பிரான்சியக் கணிதவியலாலர், இயற்பியலாளர் (பி. 1717)
- 1897 – ஹென்றி ஜார்ஜ், அமெரிக்க ஊடகவியலாளர், மெய்யியலாளர், பொருளியலாளர் (பி. 1839)
- 1911 – ஜோசேப் புலிட்சர், அங்கேரிய-அமெரிக்கப் பதிப்பாளர், அரசியல்வாதி (பி. 1847)
- 1949 – ஜார்ஜ் குர்ச்சீயெவ், ஆர்மேனிய-பிரெஞ்சு மதகுரு, மெய்யியலாளர் (பி. 1872)
- 1951 – இராபர்ட் கிராண்ட் ஐத்கென், அமெரிக்க வானியலாளர் (பி. 1864)
- 1959 – அலெக்சாந்தர் துபியாகோ, சோவியத் வானியலாளர் (பி. 1903)
- 1976 – தெ. து. ஜயரத்தினம், யாழ்ப்பாணத்துக் கல்வியாளர் (பி. 1913)
- 1988 – கமலாதேவி சட்டோபாத்யாய், இந்திய எழுத்தாளர், செயற்பாட்டாளர் (பி. 1903)
- 1990 – கே. வீரமணி, தமிழகப் பக்தியிசைப் பாடகர் (பி. 1936)
- 2001 – சுந்தா சுந்தரலிங்கம், இலங்கை வானொலி, பிபிசி தமிழோசை அறிவிப்பாளர்
- 2006 – முகம்மது மசிடோ, நைஜீரிய அரசியல்வாதி (பி. 1928)
- 2007 – லா. சா. ராமாமிர்தம், தமிழக எழுத்தாளர் (பி. 1916)
சிறப்பு நாள்
- உலக பக்கவாத நாள்
- குடியரசு நாள் (துருக்கி, 1923)
மேற்கோள்கள்
- "Remarkable enents". Ferguson's Ceylon Directory, Colombo. 1871.
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.