சிரியா

சிரியா அல்லது சிரிய அரபுக் குடியரசு மத்தியக்கிழக்கில் அமைந்துள்ள ஒரு நாடாகும். இது மேற்கில் லெபனானையும்,தென்மேற்கில் இசுரேலையும், யோர்தானையும், கிழக்கில் ஈராக்கையும், வடக்கே துருக்கியையும் எல்லையாகக் கொண்டுள்ளது. நவீன சிரியா 1936 இல் பிரான்சிடமிருந்து மக்கள் ஆணை மூலம் விடுதலைப் பெற்றது. ஆனாலும், அதன் இருப்பை கி.மு நான்காம் நூற்றாண்டுக்கு முன்பு வரை காணலாம். இதன் தலைநகர் தமஸ்கஸ் உலகின் பழைய நகரங்களில் ஒன்றாகும்.

சிரிய அரபுக் குடியரசு الجمهورية العربية السورية அல்-ஜும்ஹுரியா அல்-ஆரபியா அஸ்-சுரியா
கொடி சின்னம்
குறிக்கோள்: கிடையாது
நாட்டுப்பண்: ஹோமாத் அட்-டியார் "நாட்டின் காவலர்கள்"
Location of சிரியாவின்
தலைநகரம் மற்றும் பெரிய நகரம்		தமஸ்கஸ் 33°30′N 36°18′E
ஆட்சி மொழி(கள்)		அரபு
அரசாங்கம்		அதிபர் முறை குடியரசு
•	அதிபர்	பசார் அல்-அசாத்
•	பிரதமர்	முகம்மது நஜி அல்-ஒடாரி
விடுதலை பிராண்சிடமிருந்து
•	அறிவிப்பு (1)	செப்டம்பர் 19361
•	அறிவிப்பு (2)	ஜனவரி 1 1944
•	அங்கீகாரம்	ஏப்ரல் 17 1946
பரப்பு
•	மொத்தம்	1,85,180 கிமீ2 (88வது) 71,479 சதுர மைல்
•	நீர் (%)	0.06
மக்கள் தொகை
•	யூலை 2005 கணக்கெடுப்பு	19,043,000 (55வது)
மொ.உ.உ (கொஆச)		2005 கணக்கெடுப்பு
•	மொத்தம்	$71.74 பில்லியன் (65வது)
•	தலைவிகிதம்	$5,348 (101வது)
மமேசு (2003)		0.721 உயர் · 106வது
நாணயம்		சிறிய பவுண் (SYP)
நேர வலயம்		கி.ஐ.நே. (ஒ.அ.நே+2)
•	கோடை (ப.சே)	கி,ஐ.கோ.நே. (ஒ.அ.நே+3)
அழைப்புக்குறி		963
இணையக் குறி		.sy
1சிரிய-பிராஸ் விடுதலை ஒப்பந்தம் பிரான்சால் அங்கீகரிக்கப்படவில்லை

சிரியாவின் மக்கள் தொகையில் பெரும்பான்மையினர் அரபு மொழி பேசும் சுன்னி முஸ்லிம்களாவர், மேலும் 16% ஏனைய முஸ்லிம் குழுக்களையும், 10% கிறிஸ்தவர்களையும் கொண்டுள்ளது. 1963 இலிருந்து பாசாட் கட்சி நாட்டை ஆண்டு வருகின்றது. 1970 முதல் நாட்டின் தலைவர் அசாத் குடும்பத்தைச் சேர்ந்தவராகக் காணப்படுகிறார்.

வரலாற்றில் சிரியா இன்றைய லெபனான், இசுரேல்,பாலஸ்தீனம் போன்றவற்றையும் யோர்தானின் பகுதிகளையும் சிரியாவின் வடகிழக்கு மாநிலமான அல்-ஜசீரா பகுதியை நவீன சிரியாவின் ஏனையப் பகுதிகளையும் கொண்டதாகக் கருதப்பட்டது. இதன்படி பாரிய சிரியா எனவும் இது அழைக்கப்பட்டது. 1967 இல் இசுரேலுடன் ஏற்பட்ட போரின் பின்னர் இசுரேல் சர்ச்சைக்குரிய கோகான் மேடுகளை கைப்பற்றி தன் வசமாக்கி கொண்டதன் பின்னர் துருக்கியுடன் அடேய் மாநிலம் தொடர்பான சர்ச்சை இப்போது முக்கியத்துவம் குன்றியுள்ளது.

சிரியா ஐ.நா சபை மற்றும் அணிசேரா நாடுகள் அமைப்பிலும் அங்கத்துவம் வகிக்கின்றது. தற்போதைய சிரியாவின் அரபுலீக் அமைப்பின் அங்கத்துவம் மற்றும் இசுலாமிய கூட்டுறவு அமையத்தின் அங்கத்துவம் என்பன தற்காலிகமாகத் தடை செய்யப்பட்டுள்ளது. 2011இல் சிரியாவின் அசாத் மற்றும் அவரது பாத் அரசுக்கு எதிரான போராட்டங்கள், அரபு வசந்தத்தின் ஓர் அங்கமாக தலைதுாக்கியது. இது சிரிய உள்நாட்டு யுத்தத்துக்கு வழிகோலியது.உலகில் அமைதியற்ற நாடுகளில் ஒன்றாகச் சிரியா மாறிவருகின்றது.