பூபாளம்
பூபாளம் இராகம் கருநாடக இசையில் பயன்படும் இராகங்களில் ஒன்றாகும். இது 8வது மேளகர்த்தா இராகமாகும். நேத்ர என்றழைக்கப்படும் 2வது சக்கரத்தின் 2வது மேளமாகிய தோடியின் ஜன்னிய இராகம் ஆகும். விடியற்காலையில் பாடக் கூடிய இவ்விராகம் ஔடவ- ஔடவ இராகம் ஆகும். மிகப் பழமையான, மங்களகரமான இராகம்.
இலக்கணம்
பூபாளம் சுரங்கள் C யிலிருந்து தொடக்கம்
| ஆரோகணம்: | ஸ ரி1 க1 ப த1 ஸ் |
| அவரோகணம்: | ஸ் த1 ப க1 ரி1 ஸ |
- இந்த இராகத்தில் ஷட்ஜம், சுத்த ரிஷபம் (ரி1), சாதாரண காந்தாரம் (க2), பஞ்சமம், சுத்த தைவதம் (த1) ஆகிய சுரங்கள் வருகின்றன.
- ஆரோகண அவரோகணத்தில் ம , நி விலக்கு (வர்ஜம்). இது உபாங்க இராகம் ஆகும்.
இதர அம்சங்கள்
- பண்டைத்தமிழ் இசையில் இந்த இராகத்திற்கு புறநீர்மைப் பண் என்று பெயர்.
- ஜண்டை சுரக்கோர்வைகளும், தாட்டு சுரக்கோர்வைகளும் இவ்விராகத்திற்கு அழகைக் கொடுக்கின்றன.
- பேராசிரியர் சாம்பமூர்த்தி அவர்கள் இந்த இராகத்தில் அந்தர காந்தாரம் தான் சற்று அசைவுடன் பேசுகிறது, பூர்வக் கிரந்தங்களில் இது தோடி மேளத்தின் ஜன்யமாக கூறப்பட்டிருந்தாலும் உண்மையில் மாயாமாளவகௌளை மேளத்தின் பிறப்பாகக் (ஜன்யமாகக்) கொள்வதே சிறந்தது என்று கூறுகின்றார்.
- இந்துஸ்தானி இசையில் இந்த இராகத்திற்கு பூபாள தோடி என்று பெயர்.
உருப்படிகள்[1]
- தேவாரம் : "மங்கையற்கரசி" - ஆதி - திருஞானசம்பந்தர்.
- கிருதி : "அன்னை ஜானகி" - ஆதி - அருணாசலக் கவிராயர்.
- கிருதி : "தினமிதே நற்றினமே" - ஆதி - பாபநாசம் சிவன்.
- கிருதி : "சக்தி தனக்கே" - ஏகம் - சுப்பிரமணிய பாரதியார்.
- கிருதி : "திருப்பள்ளி எழுந்தருள்" - ஆதி - கவிகுஞ்சர பாரதியார்.
- கீர்த்தனை: "தீன ஜனவான" - ஆதி – தியாகராஜர்
- கிருதி: "சதாசலேச்வர" - திச்ர ஏகம் – முத்துசுவாமி தீட்சிதர்
- அஷ்டபதி: "மாமியஞ்சலி" - சாபு- ஜெயதேவர்
இவற்றையும் பார்க்கவும்
மேற்கோள்கள்
- டாக்டர். கே. ஏ. பக்கிரிசாமிபாரதி எழுதிய 'இந்திய இசைக்கருவூலம்' எனும் நூல் (மூன்றாம் பதிப்பு, செப்டம்பர் 2006); வெளியீடு: குசேலர் பதிப்பகம், சென்னை - 78.
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.