மாரரஞ்சனி

மாரரஞ்சனி கருநாடக இசையின் மேளகர்த்தா இராகங்களில் 25வது இராகம் ஆகும். அசம்பூர்ண பத்ததியில் 25வது இராகத்திற்கு ஷராவதி என்ற பெயர் கொடுக்கப்பட்டுள்ளது.

இலக்கணம்

மாரரஞ்சனி சுரங்கள் C யிலிருந்து தொடக்கம்

ஆரோகணம்:	ஸ ரி₂ க₃ ம₁ ப த₁ நி₁ ஸ்
அவரோகணம்:	ஸ் நி₁ த₁ ப ம₁ க₃ ரி₂ ஸ

இது பாண என்றழைக்கப்படும் 5வது வட்டத்தில் (சக்கரத்தில்) முதல் மேளம்.
இந்த இராகத்தில் ஷட்ஜம், சதுசுருதி ரிஷபம் (ரி₂), அந்தர காந்தாரம்(க₃), சுத்த மத்திமம்(ம₁), பஞ்சமம், சுத்த தைவதம்(த₁), சுத்த நிஷாதம் (நி₁) ஆகிய சுரங்கள் வருகின்றன.

இது ஒரு விவாதி மேளம்.
நீண்ட ஆலாபனைக்கு இடம் கொடாத ராகம்.
இதன் மத்திமத்தை பிரதி மத்திமமாக மாற்றினால் இராகம் காந்தாமணி (61) ஆகும்.
கிரக பேதத்தின் வழியாக இந்த மேளத்தின் பஞ்சம சுரம் முறையே வனஸ்பதி (04) மேளம் தோற்றுவிக்கிறது (மூர்ச்சனாகாரக மேளம்).

வகை	உருப்படி	இயற்றியவர்	தாளம்
கிருதி	மனஸா ஸ்ரீராமுநி	தியாகராஜர்	ஆதி
கிருதி	ஷராவதி	முத்துசாமி தீட்சிதர்	திஸ்ர ஏகம்

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.