എൻമകജെ

ബി. ദേവപ്പ ആൾവ, കാർയാഡു കൃഷ്ണഭട്ട്, ദെയ്യംതോടി ബീരുശെട്ടി, സർപമലെ ഗോപാലകൃഷ്ണഭട്ട, സർപംഗള രാമഭട്ട, ബി. സുബ്രായപൈ, പഡെഗ്രാമ പട്ടേൽ ആനംഭരായ തുടങ്ങിയവർ സ്വാതന്ത്രസമരത്തിൽ പങ്കെടുത്ത പ്രധാന വ്യക്തികളാണ്. ബി ദേവപ്പ ആൾവ എന്ന വ്യക്തി കുമ്പളെ ഗാന്ധി എന്ന് അറിയപ്പെടുകയും ചെയ്തിരുന്നു. വർത്തജെ വെങ്കരമണഭട്ട് നല്ലൊരു സാമൂഹ്യ പ്രവർത്തകനായിരുന്നു. അദ്ദേഹം വിദ്യാഭ്യാസ രംഗം, ഹരിജനോദ്ധാരണം, മദ്യ നിരോധനം, നുൽ നുൽപ്പ്, നെയ്ത്ത് തുടങ്ങിയ ക്രിയാത്മക പ്രവർത്തനങ്ങൾ പെർലത്ത് പ്രചരിപ്പിച്ചിരുന്നു. യക്ഷഗാന കലയിൽ പ്രശസ്തരായ ബലിപ നാരായണ ഭാഗവതർ ശേണി ഗോപാലകൃഷ്ണ ഭട്ട് മുതലായവരും ഇതേ സ്തലത്തുള്ളവർ തന്നെ. [2]

2001 ലെ ഇന്ത്യൻ സെൻസസ് പ്രകാരം എൻമകജെയിലെ ആകെ ജനസംഖ്യ 11,773 ആണ്. അതിൽ 5,932 പേർ പുരുഷന്മാരും 5,841 പേർ സ്ത്രീകളും ആണ്.[1]

കൂടുതൽ കുന്ന് പ്രദേശമായത് കൊണ്ട് റോഡ് ഗതാഗതം വളരെ പ്രയാസമാണ്. എൻമകജെ റോഡ് മംഗലാപുരത്തേക്കുള്ള നാഷ്ണൽ ഹൈവേയുമായി ബന്ധപ്പെട്ടു കിടക്കുന്നു. സമീപത്തുള്ള റയിൽവേ സ്റ്റേഷൻ മംഗലാപുരം - പാലക്കാട് ലൈനിൽ വരുന്ന മഞ്ചേശ്വരമാണ്. വിമാനത്താവള സൗകര്യം മംഗലാപുരത്തുണ്ട്. മിക്ക ഇടങ്ങളിലും കാൽനട റോഡ്കളാണ് ഉള്ളത്. ആദ്യ കാലങ്ങളിൽ കാളവണ്ടികളിലായിരുന്നു യാത്ര. ബ്രട്ടീഷുകാരുടെ ഭരണകാലത്താണ് മിക്കവാറും റോഡുകൾ നിർമ്മിക്കപ്പെട്ടത്.

• എസ് എൻ എച്ച് എസ് പെർള
• എസ് എസ് എച്ച് എസ് എസ് കാട്ടുകുക്കെ

വിവിധ ഭാഷകൾ ഉപയോഗിക്കുന്നുണ്ട് ഈ പ്രദേശത്ത്. മലയാളം, കന്നട, തുളു, കൊങ്കണി എന്നിവ അതിൽ പ്രധാനപ്പെട്ടവയാണ്. കുടിയേറി വന്ന തൊഴിലാളികൾ ഹിന്ദിയും തമിഴും സംസാരിക്കുന്നു. കാസർഗോഡിന്റെ ഭാഗമായ മഞ്ചേശ്വരം നിയോജകമണ്ഡലത്തിലാണ് ഈ ഗ്രാമം ഉൾപ്പെടുന്നത്.

1975 മുതൽ എൻമകജെയിൽ നിയന്ത്രണാതീതമായി എന്റോസൾഫാൻ എന്ന കീടനാശിനി തോട്ടങ്ങളിൽ പ്രയോഗിച്ചിരുന്നു. ഇത് വളരെയധികം ജനങ്ങളുടെ മരണത്തിന് കാരണമാകുകയും ഒട്ടേറെപേരുടെ ആരോഗ്യത്തെ ഹാനികരമായി ബാധിക്കുകയും ചെയ്തു. 4000 ത്തോളം മരണം കാസർഗോഡ് ജില്ലയിലെ എൻമകജെയിൽ മാത്രം റിപ്പോർട്ട് ചെയ്തിരുന്നു.[3][4] എൻമകജെയിലെ പാട്രെ ഗ്രാമത്തിലാണ് ഏറ്റവും കൂടുതൽ എന്റോസൾഫാൻ ബാധിച്ചത്. ഈ ഗ്രാമം കശുമാവിൻ തോട്ടങ്ങളാൽ ചുറ്റപ്പെട്ട് നിൽക്കുന്നതാണ് അതിന്റെ പ്രധാന കാരണം. [5]

1. "Census of India: Villages with population 5000 & above". Registrar General & Census Commissioner, India. ശേഖരിച്ചത്: 2008-12-10.
2. "കേരളസർക്കാർ തദ്ദേശ സ്വയംഭരണ വകുപ്പ്".
3. http://endosulfanvictims.com/no-end-to-endosulfan-tragedy-in-karala-kasaragod-281.html
4. http://www.nalanda.nitc.ac.in/environmental_study/Effect_of_endosulfan.pdf
5. :Heal Toxics: