ഉദിനൂർ

ഉദിനൂർ എന്ന പേരു വന്നത് കോലത്തിരികളിൽ ഒരാളായ ഉദയനനിൽ നിന്നാണ്. അല്ലട സ്വരൂപത്തിന്റെ ഒരു ഭാഗമാണ് ഉദിനൂർ.

വളരെ പ്രസിദ്ധമായ ക്ഷേത്രപാലക ക്ഷേത്രം ഉദിനൂർ കൂലോം, ഉദിനൂരിന്റെ മധ്യ ഭാഗത്തായി സ്ഥിതി ചെയ്യുന്നു. ഭഗവാൻ ക്ഷേത്രപാലകനെ ആ ഗ്രാമത്തിലെ ജന്മിയായി കണക്കാക്കുന്നു. എല്ലാ വർഷവും ഈ ഗ്രാമത്തിൽ നടക്കുന്ന പ്രധാനമായ ആഘോഷങ്ങളാണ് പാട്ടുത്സവവും അരയാലിൻ കീഴിലെ ഒറ്റക്കോലവും.

പ്രധാനമായി രണ്ട് വിദ്യാഭ്യാസ സ്ഥാപനങ്ങൾ ആണിവിടെ ഉള്ളത്.

• ഉദിനൂർ സെൻട്രൽ എ യു പി എസ്
• ജി എച്ച് എച്ച് എസ്, ഉദിനൂർ

കിനാത്തിൽ അരയാലിൻ കീഴിൽ ഒറ്റക്കോലം ഏറ്റവും കൂടുതൽ ആളുകൾ പങ്കെടുക്കുന്ന ഒരു ആഘോഷമാണ്. വെടിക്കെട്ട് ഒഴിച്ചു കൂടാൻ പറ്റാത്ത ഒന്നാണിവിടെ. സാംസ്കാരിക സമിതി വായനശാലയുടേയും, ജ്വാല തീയേറ്ററിന്റേയും സാന്നിദ്ധ്യം കിനാത്തിലിനെ ഉദിനൂരിന്റെ സാംസ്കാരിക തലസ്ഥാനമായി മാറ്റി. [1]

2001 ലെ സെൻസസ് പ്രകാരം ഉദിനൂരിലെ മൊത്തം ജനസംഖ്യ 11258 ആണ്. അതിൽ 5623 പുരുഷന്മാരും 5935 സ്ത്രീകളുമാണ്. [1]

ഉദിനൂർ റോഡ് മംഗലാപുരത്തേക്കുള്ള നാഷ്ണൽ ഹൈവേ 66 മായി ബന്ധപ്പെട്ടു കിടക്കുന്നു. സമീപത്തുള്ള റയിൽവേ സ്റ്റേഷൻ മംഗലാപുരം - പാലക്കാട് ലൈനിൽ വരുന്ന ചെറുവത്തൂർആണ്. മംഗലാപുരവും കോഴിക്കോടും വിമാനത്താവള സൗകര്യവും ഉണ്ട്.