ابن سینا

صفر 370ھ بمطابق 980ء کو فارس کے ایک چھوٹے سے گاؤں "افنشہ" میں پیدا ہوئے، ان کی والدہ اسی گاؤں سے تعلق رکھتی تھیں، جبکہ ان کے والد بلخ (موجودہ افغانستان) سے آئے تھے۔ بچپن میں ہی ان کے والدین بخارا (موجودہ ازبکستان) منتقل ہو گئے تھے، جہاں ان کے والد کو سلطان نوح بن منصور السامانی کے کچھ مالیاتی امور کی ادارت سونپی گئی تھی۔ بخارا میں دس سال کی عمر میں قرآن مکمل کیا اور فقہ، ادب، فلسفہ اور طبی علوم کے حصول میں سرگرداں ہو گئے اور ان میں کمال حاصل کیا۔

سلطان بخارا نوح بن منصور بیمار ہو گئے۔ کسی حکیم کی دوائی کارگر ثابت نہ ہو رہی تھی۔ اٹھارہ سال کی عمر میں انہوں نے سلطان نوح بن منصور کے ایک ایسے مرض کا علاج کیا تھا، جس سے تمام تر اطباء عاجز آچکے تھے۔ ابن سینا جیسے کم عمر اور غیر معروف طبیب کی دوائی سے سلطان صحت یاب ہو گئے۔ چنانچہ سلطان نے خوش ہوکر انعام کے طور پر انہیں ایک لائبریری کھول کر دی تھی۔ بیس سال کی عمر تک وہ بخارا میں رہے اور پھر خوارزم چلے گئے، جہاں وہ کوئی دس سال تک رہے (392ھ-402ھ) خوارزم سے جرجان پھر ری اور پھر ہمدان منتقل ہو گئے، جہاں نو سال رہنے کے بعد اصفہان میں علاء الدولہ کے دربار سے منسلک ہو گئے، اس طرح گویا انہوں نے اپنی ساری زندگی سفر کرتے گزاری۔

ان کا انتقال ہمدان میں شعبان 427ھ بمطابق 1037ء کو ہوا۔ کہا جاتا ہے کہ اپنی زندگی کے آخری ایام میں وہ قولنج کے مرض میں مبتلا ہو گئے تھے اور جب انہیں اپنی اجل قریب نظر آنے لگی تو انہوں نے غسل کرکے توبہ کی، اپنا مال صدقہ کر دیا اور غلاموں کو آزاد کر دیا۔

حکیم بو علی سینا

ابن سینا نے علم ومعرفت کے بہت سارے زمروں میں بہت ساری تصانیف چھوڑیں ہیں جن میں اہم یہ ہیں :

اس میں منطق، لغت اور شعری تصانیف شامل ہیں۔

اس میں طبیعیات، ریاضی، علومِ الہی وکلی شامل ہیں۔

اس میں کتبِ اخلاق، گھر کی تدبیر، شہر کی تدبیر اور تشریع کی تصانیف شامل ہیں۔

ان اصل علوم کے ذیلی علوم پر بھی ان کی تصانیف ہیں

ابن سینا کی کچھ ریاضیاتی کتابیں یہ ہیں :

• رسالہ الزاویہ
• مختصر اقلیدس
• مختصر الارتماطیقی
• مختصر علم الہیئہ
• مختصر المجسطی
• ’رسالہ فی بیان علۃ قیام الارض فی وسط السماء‘ (مقالہ بعنوان زمین کی آسمان کے بیچ قیام کی علت کا بیان) یہ مقالہ قاہرہ میں 1917ء میں شائع ہوچکا ہے۔

• رسالہ فی ابطال احکام النجوم (ستاروں کے احکام کی نفی پر مقالہ)
• رسالہ فی الاجرام العلویہ (اوپری اجرام پر مقالہ)
• اسباب البرق والرعد (برق ورعد کے اسباب)
• رسالہ فی الفضاء (خلا پر مقالہ)
• رسالہ فی النبات والحیوان (پودوں اور جانوروں پر مقالہ)

ہزار سالہ تقاریب برائے بو علی سینا پر GDR جوبلی یادگار ٹکٹ پر بو علی سینا کی تصویر

ابن سینا کی سب سے مشہور طبی تصنیف کتاب القانون ہے، جو نہ صرف کئی زبانوں میں ترجمہ ہوکر شائع ہوچکی ہے بلکہ انیسویں صدی عیسوی کے آخر تک یورپ کی یونیورسٹیوں میں پڑھائی جاتی رہی۔ ان کی دیگر طبی تصانیف یہ ہیں :

• کتاب الادویہ القلبیہ
• کتاب دفع المضار الکلیہ عن الابدان الانسانیہ
• کتاب القولنج
• رسالہ فی سیاسہ البدن وفضائل الشراب
• رسالہ فی تشریح الاعضاء
• رسالہ فی الفصد
• رسالہ فی الاغذیہ والادویہ
• ارجوزہ فی التشریح
• ارجوزہ المجربات فی الطب

اور کئی زبانوں میں ترجم ہوکر شائع ہونے والی

• الالفیہ الطبیہ

ابن سینا نے موسیقی پر بھی لکھا، ان کی موسیقی پر تصانیف یہ ہیں :

• مقالہ جوامع علم الموسیقی
• مقالہ الموسیقی
• مقالہ فی الموسیقی

• کتاب الشفاء
• القانون فی الطب
• اشارات