فخر الدین رازی
محدث، فقیہ، فلسفی۔ پورا نام علامہ فخر الدین ابو عبد اللہ محمد بن عمر بن الحسینی تھا۔ رے ایران میں پیدا ہوئے۔ جہاں آپ کے والد ضیاء الدین عمر خطیب تھے۔ اس لیے آپ ابن الخطیب بھی کہلاتے ہیں۔ شافعی اور اشعری عقیدہ رکھتے تھے۔ خوارزم میں معتزلہ عقائد کے خلاف تبلیغ کے لیے گئے لیکن وہاں سے بخارا اور سمرقند جانے پر مجبور ہوئے۔ 1190ء میں غزنی اور پنجاب کا دورہ کیا۔ پھر ہرات میں مستقل سکونت اختیار کی اور ایک مدرسے میں شیخ الاسلام کی حیثیت سے تدریس میں مصروف ہو گئے۔ سلطان علاء الدین محمد خوارزم شاہ آپ کا سرپرست تھا۔ حاسدوں نے آپ کو زہر دے دیا جس سے جانبر نہ ہو سکے۔ آپ نے علوم دین فلسفیانہ پیرائے میں پیش کیے۔ ابن سینا اور فارابی کے معترف اور امام غزالی کے خلاف تھے۔ علم الکلام میں مشہور تصنیف اساس التقدیس ہے۔ دوسری متداول تصنیف کا نام مفاتیح الغیب ہے جو تفسیر کبیر کے نام سے مشہور ہے۔ مفتی محمد خان قادری نے فضلِ قدیر کے عنوان سے اس تفسیر کا مکمل اردو ترجمہ کر دیا ہے۔[6]
فخر الدین رازی | |
---|---|
(عربی میں: فخرالدین الرازی) | |
معلومات شخصیت | |
پیدائش | سنہ 1149 [1][2][3][4] رے |
وفات | سنہ 1209 (59–60 سال)[2][3][4] ہرات |
شہریت | ![]() سلطنت غوریہ |
مذہب | اسلام |
فرقہ | اہل سنت |
فقہی مسلک | شافعی |
عملی زندگی | |
پیشہ | فلسفی ، ریاضی دان |
پیشہ ورانہ زبان | فارسی ، عربی [5] |
شعبۂ عمل | علم کلام ، تفسیر قرآن ، اسلامی فلسفہ |
کارہائے نمایاں | تفسیر کبیر |
![]() | |
اہم ایرانی فلاسفہ |
|
باب فلسفہ |
حوالہ جات
- جی این ڈی- آئی ڈی: https://d-nb.info/gnd/118749390 — اخذ شدہ بتاریخ: 16 اکتوبر 2015 — اجازت نامہ: CC0
- دائرۃ المعارف یونیورسل آن لائن آئی ڈی: https://www.universalis.fr/encyclopedie/fakhr-al-din-al-razi/ — بنام: RĀZĪ FAKHR AL-DĪN AL- — اخذ شدہ بتاریخ: 9 اکتوبر 2017 — ناشر: Encyclopædia Britannica Inc.
- دائرۃ المعارف بریطانیکا آن لائن آئی ڈی: https://www.britannica.com/biography/Fakhr-ad-Din-ar-Razi — بنام: Fakhr ad-Din ar-Razi — اخذ شدہ بتاریخ: 9 اکتوبر 2017 — عنوان : Encyclopædia Britannica
- InPhO ID: https://www.inphoproject.org/3784 — بنام: Fakhr Al-Din Al-Razi — اخذ شدہ بتاریخ: 9 اکتوبر 2017
- http://data.bnf.fr/ark:/12148/cb12086410z — اخذ شدہ بتاریخ: 10 اکتوبر 2015 — اجازت نامہ: آزاد اجازت نامہ
- Marfat Library