جاحظ

جاحظ160ھ بمطابق 775ء بصرہ میں پیدا ہوا۔

ان کا خاندان بےحد غریب تھا اور ان کے دادا ساربان تھے۔جاحظ خود بچپن میں بصرہ کی نہروں کے کنارے مچھلیاں بیچا کرتے تھے۔ ان کے بارے میں کہا جاتا ہے کہ وہ بدہیت تھے جس کی وجہ سے لوگ ان کا مذاق اڑایا کرتے تھے۔عربی لفظ جاحظ کا مطلب ایسا شخص ہے جس کے دیدے باہر کو نکلے ہوئے ہوں لیکن جاحظ نے ان رکاوٹوں کو آڑے نہیں آنے دیا اور تہیہ کر لیا کہ اپنے مخالفوں کو علم کی روشنی سے شکست دیں گ[4]ے۔

اسے اصمعی اور ابو عبیدہ جیسے نعت و روایت کے بلند پایہ علما اور نقادوں کی سرپرست حاصل رہی۔ ابو اسحق نظام معتزلی سے علم کلام میں سند حاصل کی اور انہی کا ہم خیال ہو گیا۔ اپنی تحریروں میں بھی معتزلہ کی حمایت کرتا۔ اس نے عرب انشاء پردازوں سے بھی استفادہ کیا۔

اپنی عمر کا بیشتر حصہ بے فکری اور آسودگی کے ساتھ اپنے وطن میں رہ کر تصنیف و تالیف میں گزارا۔ اس نے انشاء پردازوں کو پرانی طرز سے نکالنے میں اہم کردار ادا کیا۔ اس کے کلام میں اشارہ کا بُعد، عبارت کا قُرب اور استعارہ کی قلت ہے۔ وہ اپنے خطوط و رسائل، مضامین و تصانیف کی وجہ سے گورنروں میں مقبول اور شہر کے باعزت لوگوں میں شمار ہوتا تھا۔

وہ طنز و مزاح کا خوگر اور مروجہ رسومات و آداب کی ہنسی اڑانے کا عادی تھا۔

مامون الرشید، معتصم باللہ، واثق باللہ، متوکل علی اللہ کے زمانہ میں تلاش معاش کے چکر میں رہا۔ اس کے بعد محمد بن عبدالملک کی تینوں وزارتوں میں رہا۔

جاحظ کی وفات 255ھ بمطابق 868ء میں ہوئی۔

جاحظ کی تصانیف کی تعداد دو سو سے زائد ہے۔