عبدالرحمن الصوفی

عبد الرحمٰن الصوفی (ولادت: جمعہ 16 محرم الحرام 291ھ/ 9 دسمبر 903ء — وفات: منگل 12 محرم الحرام 376ھ/ 25 مئی 986ء) ایک مشہور مسلمان فلکیات دان تھا جس کا تعلق ایران کے قدیم شہر رے (جو اب تقریباً تہران میں شامل ہے) سے تھا۔ موجودہ دور کے بیشتر کواکب اور ستاروں کے نام اس کی مشہور کتاب 'ساکن ستاروں کی کتاب'(عربی: كتاب الكواكب الثابتة ) میں آج سے ایک ہزار سال پہلے دیے گئے تھے۔ انگریزی میں اس کا نام Azophi مشہور ہے۔ آج بھی جدید فلکیات میں اس کے نام پر چاند کے ایک گڑھے کا نام 'lunar crater Azophi' اور ایک سیارہ کا نام Al-Sufi۔ 12621 رکھا گیا ہے۔

عبدالرحمن الصوفی
(فارسی میں: عبدالرحمن صوفی) 
معلومات شخصیت
پیدائش 12 دسمبر 903  
رے  
وفات 30 مئی 986 (83 سال) 
شیراز  
رہائش اصفہان  
شہریت بنی بویہ  
عملی زندگی
پیشہ ماہر فلکیات ، مترجم ، ریاضی دان ، منجم  
پیشہ ورانہ زبان عربی ، فارسی [1] 
شعبۂ عمل فلکیات ، ریاضی ، جہازرانی ، قبلہ  
کارہائے نمایاں کتاب صور الکواکب  
عبدالرحمٰن الصوفی کی ایک کتاب سے برج قوس کی تصویر کشی اور تشریح


عبد الر حمن الصوفی (903ـ986 ء ،ایران) پہلا عالمی ماہر افلاک تھا جس نے 964ء میں اینڈرو میڈا گیلکسی(M31 andromeda galaxy )کو دریافت کیا تھا۔ ہمارے نظام شمسی سے باہر کسی اور سٹار سسٹم کے ہونے کا یہ پہلا تحریری ثبوت تھا جس کا ذکر اس نے اپنی تصنیف کتاب الکواکب الثا بت المصور( Book of Fixed Stars )میں کیا۔ یہی کہکشاں سات سو سال بعد جر من ہیئت دان سا ئمن Simon Marius d1624))نے دسمبر1612ء میں ٹیلی سکوپ کی مدد سے دریافت کی تھی۔

حالات

ان کی زیادہ زندگی اصفہان میں گزری جہاں وہ امیر عبد الدولہ کے دربار میں فلکیات اور دیگر علوم کی تراجم و تصانیف کے لیے مامور تھے۔ جہاں اس نے اپنی تصانیف کے علاوہ بے شمار شاگرد بناَئے۔ اس کے کاموں میں اصطرلاب کے ایک ہزار استعمالات کی تشریح بھی شامل ہے۔

تصانیف

اس کی مشہور تصانیف درج ذیل ہیں۔

  • كتاب الكواكب الثابتة : 964ء میں شائع ہوئی اور اس کے متعدد نسخے آج بھی موجود ہیں۔ انگریزی میں یہ Book of Fixed Stars کے نام سے مشہور ہے۔
  • صور الكواكب الثمانية والأربعين : اس میں کواکب و نجوم کی درست ترین تصویر کشی کی گئی ہے۔
  • أرجوزة في الكواكب الثابتة

نگار خانہ
  1. http://data.bnf.fr/ark:/12148/cb143844019 — اخذ شدہ بتاریخ: 10 اکتوبر 2015 — اجازت نامہ: آزاد اجازت نامہ
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.