மத்தி (மீன்)

இந்த மீன்கள் தமிழில் சாளை, மலையாளத்தில் மத்தி , தெலுங்கில் காவாலு, பெங்காலியில் கொய்ரா என்ற பெயர்களால் அழைக்கப்படுகிறது.

ஒரு சிறிய மத்தியின் மூலம் மனிதனுக்கு 13% விட்டமின் பி2 (B2)-ம், 150% உயிர்ச்சத்து பி12-ம் கிடைக்கிறது. உயிர்ச்சத்து பி சத்துக்கள் நரம்பு மண்டலத்தைச் சிறப்பாக செயல்பட உதவுகின்றன. மேலும் பாஸ்பரஸ், கால்சியம், பொட்டாசியம் மற்றும் சிறிதளவு இரும்பு, செலீனியம் சத்துக்களும் கிடைக்கிறது. இதய நோய் ஏற்படுவதை குறைக்கும் ஒமேகா-3 கொழுப்பு அமிலங்கள் இந்த மத்தி மீன்களில் காணப்படுகின்றது. சமீபத்திய ஆய்வுகள் இவ்வகை கொழுப்பு அமிலங்கள் ஆல்சைமர் நோய் உருவாவதற்கான சாத்தியக்கூறுகளை குறைத்து ஞாபக சக்தியை வளர்ப்பதாகவும் கூறுகிறது. மேலும் இவ்வகை கொழுப்பு அமிலங்கள் இரத்தத்தில் இனிப்பின் அளவை குறைந்த அளவில் வைக்க உதவுகின்றன. மேலும் இந்த மத்தி மீனில் உயிர்ச்சத்து டி, கால்சியம் மற்றும் புரதங்களும் அடங்கியுள்ளன.