அக்டினோட்டெரிகீயை

அக்டினோட்டெரிகீயை (Actinopterygii), என்பது நடுமுள் துடுப்புள்ள மீன்களைக் குறிக்கும். இம் முதுகுநாணி மீன்களின்(Osteichthyes)[1][2] ஒரு வகுப்பு ஆகும். எண்ணிக்கையைப் பொறுத்தவரை அக்டினோட்டெரிகீ வகுப்பு முதுகுநாணிகளுள் முக்கியமான ஒரு வகுப்பு ஆகும். 30,000க்கு மேற்பட்ட மீன் இனங்களுள் ஏறத்தாழ 99% இனங்கள் அக்டினோட்டெரிகீயை வகுப்புக்குள் அடங்குகின்றன.[3] இவ் வகுப்பைச் சேர்ந்த மீனினங்கள், நன்னீரிலும், கடல் சூழல்களிலும், ஆழமான கடல் பகுதிகளில் இருந்து மலையுச்சிச் சிற்றாறுகள் வரை எங்கும் பரவிக் காணப்படுகின்றன. அளவைப் பொறுத்தவரை, 8 மில்லிமீட்டரே நீளம் கொண்ட பீடொசிப்பிரிசு இனத்திலிருந்து, 2300 கிலோ கிராம் நிறை கொண்ட பெருங்கடல் சூரியமீன் (Ocean Sunfish), 11 மீட்டர் நீளம் கொண்ட ஓர்மீன் (Oarfish) வரையில் பல்வேறு வகையான இவ்வகுப்பில் உள்ளன.

அக்டினோட்டெரிகீயை புதைப்படிவ காலம்:Late Silurian–Recent PreЄ Є O S D C P T J K Pg N
அத்திலாந்திக் ஹெரிங்
உயிரியல் வகைப்பாடு
திணை:	விலங்கு
தொகுதி:	முதுகுநாணி
வகுப்பு:	அக்டினோட்டெரிகீயை கிளீன், 1885
துணைவகுப்புக்கள்
கொண்ட்ரோஸ்டீ நியோப்தெரிகீ