கொடுவா மீன்

நீள் சதுர வடிவமான உடலின்மேல் பெரிய செதில்களைக் கொண்டது. தலையின் நுனிப்பகுதியில் வாய் உள்ளது. இது பெரியதாக அகன்றும், வெளிநீட்டக்கூடிய வகையிலும் காணப்படுகிறது. வால் உருண்டையாக காணப்படுகிறது. உடலின் மேற்பரப்பு சாம்பல் படர்ந்து வெள்ளி நிறமாகவும், அடிபரப்பு சற்று வெளிர் நிறமாகவும் காணப்படுகிறது. தாடைகள், கன்னம் ஆகிய பகுதிகளில் பற்கள் காணப்படுகிறது. முதுகுப்புறதில் ஒரு முதுகுப்புறத் துடுப்புக் காணப்படுகிறது. இதில் 7 முதல் 10 வரையிலான துடுப்பு முட்கள் காணப்படுகின்றன. மலவாய்த் துடுப்பில் மூன்று முட்கள் உள்ளது. வால் துடுப்பு பல வடிவங்களில் காணப்படுகிறது.

இம்மீன் ஊன் உண்ணும் பழக்கத்தையும், இறால், நத்தை மற்றும் பிற மீன்களையும் வேட்டையாடும் பழக்கத்தையும் உடையது. இம்மீனின் கொன்றுண்ணும் பழக்கத்தால் இவற்றை மீன் பண்ணைகளில் வளர்ப்பதில்லை.[1]