மலேசிய மாவட்டங்கள்

தீபகற்ப மலேசியாவில் மாவட்டம் என்பது மாநிலத்தின் ஒரு துணைநிலைப் பிரிவாகும். மாநிலத்தை விடக் கீழ் மட்டத்தில் உள்ள ஒரு நிருவாக அலகைக் குறிக்கும். மாவட்டம் ஒன்றின் துணைப் பிரிவுகள் முக்கிம் (Mukim) என அழைக்கப் படுகின்றது.[1] ஆங்கிலம்: (District), மலாய் மொழியில் (Daerah) என்று அழைக்கப் படுகின்றது. கிளாந்தான் மாநிலத்தில் மட்டும் ’ஜாஜாஹான்’ (Jajahan) என்று அழைக்கப்படுகிறது.

கிழக்கு மலேசியாவில் ஒரு பெரிய மாவட்டத்தை கோட்டம் (Division, டிவிஷன்) என்று அழைக்கிறார்கள். அந்தக் கோட்டத்தின் கீழ் பல சிறுமாவட்டங்கள் வருகின்றன.[2] ஒரு மாநிலத்தைக் கோட்டங்களாகப் பிரித்து, அந்தக் கோட்டங்களை மாவட்டங்களாகப் பிரித்துள்ளார்கள். ஒரு மாவட்டம் என்பது ஒரு கோட்டத்தில் (Division) ஒரு துணைக் கோட்டமாகும் (Subdivision).[3] ஒரு டிவிஷன் என்றால் ஒரு கோட்டம். சப்-டிவிஷன் என்றால் ஒரு துணைக் கோட்டம். சபா மாநிலத்தில் ஐந்து கோட்டங்கள் உள்ளன. அந்த ஐந்து கோட்டங்களையும் 25 மாவட்டங்களாகப் பிரித்து வைத்து இருக்கிறார்கள்.[4]

சரவாக் மாநிலத்தில் 11 கோட்டங்கள் (டிவிஷன்கள்) உள்ளன. அவற்றை 29 மாவட்டங்களாகப் பிரித்துள்ளனர்.[5]