சேதி நாடு

மத்திய இந்தியாவின் மத்தியப் பிரதேச மாநிலத்தின் புந்தேல்கண்ட் பகுதியே சேதி நாடு ஆகும். வத்ச நாட்டிற்கு தெற்கிலும், அவந்தி நாட்டிற்கு கிழக்கிலும் சேதி நாடு அமைந்துள்ளது.

சேதி நாட்டை ஆண்டவர்களில் குறிப்பிடத்தக்கவர்களில் ஒருவர் சிசுபாலன் ஆவார். இவர் கம்சனின் மருமகனும், ஜராசந்தன் மற்றும் துரியோதனனின் கூட்டாளியும் ஆவார். மேலும் இவர் கிருட்டிணின் பிறவிப் பகையாளியும் ஆவார்.

மகாபாரத சபா பருவத்தில், தருமன் இராஜசூய வேள்வி செய்கையில், முதல் மரியாதை கிருஷ்ணனுக்கு அளிக்கக் கூடாது என சிசுபாலன் கூறினார். கிருஷ்ணரை தொடர்ந்து நூறு முறை வசை பாடியதால், கிருஷ்ணர் சக்கராயுதத்தை ஏவி சிசுபாலனை கொன்றார்.

குருச்சேத்திரப் போரில், சிசுபாலனின் மகன் திருஷ்டகேது, பாண்டவர் அணி சார்பாக நின்று கௌரவர் அணிக்கு எதிராக போரிட்டான்.

• "The Mahabharata".
• Kisari Mohan Ganguli, The Mahabharata of Krishna-Dwaipayana Vyasa Translated into English Prose, 1883-1896.