اختر حمید خان

اختر حمید خان 15 جولائی، 1914ء کو آگرہ، برطانوی ہندوستان میں پیدا ہوئے تھے۔ 1936ء میں انہوں نے آئی سی ایس کا امتحان پاس کیا اور سول سروس میں شامل ہو گئے تاہم صرف 9 برس بعد 1945ء میں وہ مستعفی ہو گئے، جس کے بعد انہوں نے محنت مزدوری شروع کر دی۔تقسیم ہند کے بعد انہوں نے مشرقی پاکستان میں اقامت اختیار کی اور کومیلا میں وکٹوریہ کالج کے پرنسپل مقرر ہوئے۔ 1958ء میں انہوں نے کومیلا میں ہی دیہی ترقیاتی اکیڈمی قائم کی۔ اس منصوبے کی کامیابی سے انہیں عالمگیر شہرت حاصل ہوئی اور 1964ء میں انہیں مشی گن اسٹیٹ یونیورسٹی امریکا نے ڈاکٹریٹ کی اعزازی عطا کی۔ مشرقی پاکستان کے بنگلہ دیش بننے کے بعد انہوں نے مشرقی پاکستان سے آنے والوں کے لیے کراچی میں اورنگی پائلٹ پروجیکٹ کے نام سے ایک ادارہ قائم کیاجس سے زندگی کے آخری وقت تک وابستہ رہے۔ اس پروجیکٹ میں لاکھوں افراد کو رہائشی سہولیات میسر آئیں۔[2]

1961ء انہیں حکومت پاکستان نے ستارہ جرات اور 1996ء میں ہلال امتیاز کا اعزاز عطا کیا۔ 1963ء میں انہیں حکوت فلپائن نے رامن رامن میگ سیسے انعام دیا گیا۔ [2]

اختر حمید خان 9 اکتوبر، 1999ء کو ریاستہائے متحدہ امریکا میں وفات پا گئے۔ وہ کراچی میں اورنگی پائلٹ پروجیکٹ کے احاطے میں سپردِ خاک ہیں۔[2]