സ്നേഹസീമ

പൊൻകുന്നം വർക്കിയുടെ അതേപേരിലുള്ള നോവലിനെ ആസ്പദമാക്കി റ്റി.ഇ. വാസുദേവൻ 1954 നിർമിച്ച മലയാള ചലച്ചിത്രമാണ് സ്നേഹസീമ. എസ്.എസ്. രാജൻ സംവിധാനം ചെയ്ത ഈ ചിത്രത്തിൽ സത്യനും പത്മിനിയും കൊട്ടാരക്കര ശ്രീധരൻ നായരും പ്രധാന വേഷങ്ങളിൽ അഭിനയിച്ചു. മലയാളത്തിലെ ഏറ്റവും നല്ല ചലച്ചിത്രത്തിനുള്ള 1954-ലെ നാഷണൽ ഫിലിം അവാർഡ് ഈ ചിത്രത്തിനു ലഭിച്ചു. അഭയദേവിന്റെ പാട്ടുകൾക്ക് വി. ദക്ഷിണാമൂർത്തി ഈണം നൽകി. സംഭാഷണം മുട്ടത്തു വർക്കിയുടേതാണ്. ഛായാഗ്രഹണം എച്ച്.എസ്. വേണുവും, നൃത്തസംവിധാനം ബലരാമനും, നിർമ്മാണം അസ്സോസിയേറ്റഡ് പ്രൊഡയൂസേഴ്സും നിർവഹിച്ച ഈ ചിത്രം 30/12/1954-ൽ തിയേറ്ററിൽ എത്തി.[1]