தனுஷ் (நடிகர்)

தனுஷ் தமிழ்த் திரையுலகின் முன்னணி நடிகர்களில் ஒருவராவார். செல்வராகவனின் இயக்கத்தில் வெளியான அவரது முதற் திரைப்படமான துள்ளுவதோ இளமையில் தமிழ்த் திரையுலகிற்கு அறிமுகமானார். பாரிய வெற்றி பெற்ற இத்திரைப்படத்தைத் தொடர்ந்து தனுஷ் செல்வராகவனின் இயக்கத்தில் நடித்த காதல் கொண்டேன் திரைப்படமும் ஒரு வெற்றிப்படமாக அமைந்தது. இத்திரைப்படத்தின் மூலமாக, தனுஷ் ஒரு சிறந்த நடிகர் என்ற பாராட்டையும் பெற்றுக் கொண்டார். இதன் பிறகு வெளியான திருடா திருடி மற்றும் தேவதையைக் கண்டேன் போன்ற திரைப்படங்களின் மூலமாக தனது திரையுலக செல்வாக்கை நிலைநிறுத்திக் கொண்டார். இவர் ஆடுகளம் படத்தில் சிறப்பாக நடித்ததற்காக 2011ல் சிறந்த நடிகருக்கான இந்திய தேசிய விருதைப் பெற்றார். 3 என்ற தமிழ் திரைப்படத்திற்காக 2011 ஆம் ஆண்டு இறுதியில் இவர் பாடிய வொய் திஸ் கொலவெறி டி என்ற பாடல் யூடியூப் இணையதளத்தில் வெளியாகி சில மணி நேரங்களிலேயே அதிகம் பேரால் பார்வையிடப்பட்டதால் ஓரிரு நாட்களில் தேசிய அளவில் பேசப்பட்டார்.

தனுஷ் (நடிகர்)
2013ஆவது ஆண்டில் நடைபெற்ற தென்னிந்திய சர்வதேச திரைப்பட விருதுகள் விழாவில் நடிகர் தனுஷ்
பிறப்பு	கஸ்தூரிராஜா[1] 28 சூலை 1983 (1983-07-28)[2] சென்னை, தமிழ்நாடு, இந்தியா
இருப்பிடம்	சென்னை, தமிழ்நாடு, இந்தியா
தேசியம்	இந்தியன்
பணி	நடிகர், திரைப்படத் தயாரிப்பாளர், பின்னணிப் பாடகர், திரைப்பட பாடலாசிரியர், திரைக்கதை ஆசிரியர், திரைப்பட இயக்குனர்
செயல்பட்ட  ஆண்டுகள்	2002–தற்போது வரை
வாழ்க்கைத் துணை	ஐசுவர்யா ரஜினிகாந்த் தனுஷ் (2004–தற்போது வரை)
பிள்ளைகள்	யாத்ரா (பி 2006) லிங்கா (பி 2010)
விருதுகள்	சிறந்த நடிகருக்கான இந்திய தேசிய திரைப்பட விருது (2011)

தனுஷ் தனது உண்டர்பார் ஃபிலிம்ஸ் மூலமாக படம் தயாரிக்கிறார்.இவருக்கு சிறந்த நடிகர் விருது மட்டுமல்லாமல் இவருடைய தயாரிப்பில் வெளிவந்த விசாரனை படத்திற்கு தேசிய விருதும் வழங்கப்பட்டது.இவர் ஏழு முறை ஃபிலிம் ஃபேர் விருது வென்றுள்ளார்.