மம்மூட்டி

மம்முட்டி (மலையாளம்: മമ്മൂട്ടി, முகமது குட்டி, பிறப்பு: 7 செப்டம்பர் 1951[1]), நான்கு முறை தேசிய விருது பெற்ற நடிகர், இயக்குநர் மற்றும் தயாரிப்பாளர். மலையாளம் தவிர இந்தி, தமிழ் ஆகிய மொழித் திரைப்படங்களிலும் நடித்துள்ளார். இவர் கேரளாவில் ஒரு பிரபல நடிகராவார். இந்திய அரசின் பத்மஸ்ரீ விருதை 1998 இல் பெற்றார். அவரது வாழ்வில் கால் நூற்றாண்டுக்கும் மேலாக, முன்னணி நடிகராக 400 திரைப்படங்களுக்கும் மேல் நடித்துள்ளார்.[2]

மம்முட்டி (മമ്മൂട്ടി)

இயற் பெயர் முகமது குட்டி
பிறப்பு செப்டம்பர் 7, 1951 (1951-09-07)[1]
செம்பு (கோட்டயம் மாவட்டம்), திருவிதாங்கூர்-கொச்சி, இந்தியா
வேறு பெயர் மம்மூக்கா, மம்மூஸ்
தொழில் நடிகர்
நடிப்புக் காலம் 1979ஆம் ஆண்டு முதல்
துணைவர் சல்பாத் மம்முட்டி
பிள்ளைகள் சுருமி
சல்மான்
பெற்றோர் இஸ்மாயில்
பாத்திமா
இணையத்தளம் http://www.mammootty.com

மம்மூட்டி பல முக்கிய விருதுகளை அவரது நடிப்புத் திறமைக்காகப் பெற்றுள்ளார். மேலும் மூன்றுமுறை சிறந்த நடிகருக்கான தேசிய விருதுகள், நான்கு முறை மாநில விருதுகள் மற்றும் எட்டுமுறை பிலிம்பேர் விருதுகள் ஆகியவை பெற்றுள்ளார்.. 1998 இல், இந்தியத் திரைப்படத்துறைக்கு அவர் அளித்த மிகப்பெரிய பங்களிப்பிற்காக இந்திய அரசாங்கம் அவருக்கு பத்மஸ்ரீ விருதை வழங்கி கௌரவப்படுத்தியது.

கைராலி டிவி, பீபிள் டிவி மற்றும் வீ டிவி போன்ற மலையாள தொலைக்காட்சி அலைவரிசைகளை நடத்தும் மலையாள தகவல்தொடர்புகளின் தலைவர் பொறுப்பிலும் மம்மூட்டி இருக்கின்றார்.[3] வனிதா பத்திரிக்கை அதன் வாசகர்களிடையே நடத்திய ஆய்வின் பிறகு மம்மூட்டியை மிகவும் கவர்ச்சியான நடிகராகத் தேர்ந்தெடுத்தது.[4] மும்மூட்டி, கேரளா முழுவதும் மனிதநேய செயல்பாடுகளில் ஈடுபட்டுக் கொண்டிருக்கின்றார், மேலும் அக்‍ஷயா திட்டத்தின் நல்லெண்ணத் தூதுவராகவும் இருக்கின்றார்.[5]

குடும்பமும் ஆரம்பகால வாழ்க்கையும்
மம்மூட்டி

மம்மூட்டி அவர்கள் இந்தியாவின் பழைய திருவாங்கூர்-கொச்சின் மாநிலத்தின் கோட்டயம் மாவட்டத்தில் உள்ள வைக்கம் அருகில் ஒரு நடுத்தர முஸ்லீம் குடும்பத்தில் 7 செப்டம்பர் 1949 அன்று பிறந்தார், இவரது தந்தை இஸ்மாயில் ஒரு விவசாயி மற்றும் தாய் பாத்திமா இல்லத்தரசி ஆவர். அவரது உடன்பிறப்புகளுடன் அவர் வைக்கம் அருகிலுள்ள சேம்பு என்னும் இடத்தில் வளர்ந்தார். அவர் உயர்நிலைப் பள்ளிக்கல்வியை (பட்டப்படிப்புக்கு முந்தையது) கொச்சியிலுள்ள மகாராஜாஸ் கல்லூரியில் முடித்தார், அதன் பிறகு எர்ணாகுளம் அரசு சட்டக்கல்லூரியில் சட்டம் பயின்றார். அவர் மஞ்சேரியில் இரண்டு ஆண்டுகள் சட்டப் பயிற்சியும் எடுத்தார். அவர் சல்பாத் என்பவரை 1980 இல் மணந்தார், இவர்களுக்கு சுருமி என்ற மகளும் தல்குயர் சல்மான் என்ற மகனும் உள்ளனர்.[1]

நடிப்பு வாழ்க்கை

ஆரம்பகால வாழ்க்கை, 1971-1980

மம்மூட்டி 1971 இல் கே. எஸ். சேதுமாதவன் இயக்கிய அனுபவங்கள் பாலிச்சகள் திரைப்படத்தில் முதன்முதலில் தோன்றினார். இருப்பினும் இந்த கதாப்பாத்திரம் நன்மதிப்பைப் பெறவில்லை.[6] அப்பொழுது அவர் மகாராஜாஸ் கல்லூரியில் மாணவராக இருந்தார். அதன் பிறகு 1973 இல், கே. நாராயணன் இயக்கிய பிரேம் நசீர் படமான காலச்சக்கரம் திரைப்படத்தில் மற்றொரு வேடத்தைப் பெற்றார்.

அவரது திரைப்பட தொழில் வாழ்க்கை 1979 இல் தொடங்கியது, அப்பொழுது அவர் தலைசிறந்த இயக்குநர் எம். டி.வாசுதேவன் நாயர் இயக்கிய தேவலோகம் [7] திரைப்படத்தில் அவர் முதல் முன்னணி வேடத்தில் நடித்தார். இருப்பினும், இந்தத் திரைப்படம் வெளியாகவே இல்லை.

1980கள்

எம்.டி. வாசுதேவன் நாயர் எழுதி எம். ஆசாத் இயக்கிய வீல்கணுண்டு ஸ்வப்ணங்கள் மம்மூட்டியின் முதல் குறிப்பிடத்தகுந்த திரைப்படம் ஆகும். கே.ஜி ஜியார்ஜ் இயக்கிய மேலா திரைப்படத்தில், அவர் சர்க்கஸ் கலைஞராக நடித்தார், மேலும் ஐ.வி. சசி இயக்கிய திரிஷ்னா திரைப்படம் அவருக்கு கதாநாயகன் எனும் பிரபலத்தை வழங்கியது.

1982 இல், கே.ஜி ஜியார்ஜ் இயக்கிய துப்பறியும் திரில்லர் படமான யவனிகா (1982) திரைப்படத்தில் அவர் காவல்துறை அதிகாரி வேடத்தில் அவர் நடித்தது, மம்மூட்டி நேர்மையான காவல்துறை அதிகாரியாக அடுத்தடுத்த ஆண்டுகளில் அதிரடி மற்றும் துப்பறியும் விறுவிறுப்புப் படங்களில் நடிக்கும் போக்கிற்கு அது தொடக்கமாக அமைந்தது.[8]

1981 இல், அஹிம்சா திரைப்படத்தில் அவர் நடித்தற்காக சிறந்த துணை நடிகர் பிரிவில் முதல் மாநில விருதைப் பெற்றார்.

1982-1984 காலகட்டம் மம்மூட்டியை முக்கியமான மலையாள சினிமாவில் வணிக ரீதியாக எதையும் செய்யக்கூடிய கதாநாயகனாக மதிப்பிட்டது. பத்மராஜனின் கூடேவிதே மற்றும் ஜோஷியின் ஆ ராத்திரி இரண்டும் பாக்ஸ் ஆபிஸில் மிகப்பெரிய வெற்றியைப் பெற்றன. எம்.டி. வாசுதேவன் நாயர் எழுதிய ஆள்கூட்டத்தில் தனியே மற்றும் ஆதியொழுக்குகள் போன்ற திரைப்படங்களில் அவரது நடிப்பு அவரை அர்த்தமுள்ள நடிகராக நிலைநாட்டியது.[9]

1982 முதல் 1986 வரையிலான ஐந்து ஆண்டுகள் காலகட்டத்தில் மம்மூட்டி கதாநாயகனாக 150 திரைப்படங்களுக்கு மேல் நடித்தார்.[10]

எம். டி. எழுதி ஐ.வி. சசி இயக்கிய ஆதியொழுக்குகள் திரைப்படத்தில் கருணன் பாத்திரத்தில் அவர் நடித்தது, அவருக்கு சிறந்த நடிகர் பிரிவில் மாநில விருதையும் பிலிம்பேர் விருதையும் பெற்றுத் தந்தது. மம்மூட்டி, பாலு மகேந்திரா இயக்கிய யாத்திரா திரைப்படத்தில் வன அதிகாரி வேடத்தில் நடித்ததற்காக மாநில சிறப்பு ஜூரி விருதையும் சிறந்த நடிகருக்கான பிலிம்பேர் விருதையும் வென்றார். நிறக்கூட்டு (1985), நியூ டெல்லி(1987) மற்றும் தனியாவர்த்தனம்(1987) ஆகியவை 80களில் அவரது குறிப்பிடத்தகுந்த பிற படங்களாகும்.

நியூ டெல்லி அவரது நடிப்புத் தொழிலில் முக்கியமான திரைப்படமாகும்.[11] அந்தத் திரைப்படம் "த அல்மைட்டி" என்ற இர்விங் வாலஸ் எழுதிய நாவலை ஓரளவு அடிப்படையாகக் கொண்டது.[12]

1980களின் இறுதியிலிருந்து 1990கள் வரை

1988 இல் மம்மூட்டி மலையாள சினிமா வரலாற்றில் மிகப்பெரிய வெற்றிகளில் ஒன்றை தனது ஒரு CBI டைரிக் குறிப்பு திரைப்படத்தைக் கொண்டு அளித்தார். ஒரு CBI டைரிக் குறிப்பு கேரளாவிலும் அதேபோன்று தமிழ்நாட்டிலும் பாக்ஸ் ஆபிஸ் வரலாற்றை உருவாக்கியது. முதல் CBI திரைப்படம் ஒரு CBI டைரிக் குறிப்பு வெற்றியடைந்ததைத் தொடர்ந்து, மூன்று மர்மக் கொலை சம்பந்தமான தொடர்ச்சிகள் அதே நடிகர்களைக் கொண்டு அதே கதாப்பாத்திரங்களில் தயாரிக்கப்பட்டன, அவை: ஜகார்த்தா (1989), சேதுராம ஐயர் CBI (2004) மற்றும் நேரரியன் C.B.I (2005), அனைத்தும் கே மதுவால் இயக்கப்பட்டு எஸ்.என். ஸ்வாமி எழுதியது, இவற்றில் மும்மூட்டி சேதுராம ஐயராக புத்திசாலித்தனமான ஆனால் யூகிக்க முடியாத CBI அதிகாரியாகத் தோன்றினார். சுயசரிதை கதைகளைக் கொண்ட எம்.டி. வாசுதேவன் நாயரின் இரண்டு திரைப்படங்களில் மம்மூட்டி நடித்தார். அவற்றில் ஒன்று அக்‌ஷரங்கள் ஐ.வி. சசியால் இயக்கப்பட்டது, மற்றொன்றான சுக்ரதம் படத்தை ஹரிகுமார் இயக்கினார்.

மம்மூட்டி ஒரு வடக்கன் வீரக்கதா திரைப்படத்தில் நடிப்பு வாழ்வின் உச்சத்தை தொட்டார்; அத்திரைப்படம் எம்.டி. வாசுதேவன் நாயரால் எழுதப்பட்டு டி.ஹரிஹரன் அவர்களால் இயக்கப்பட்டது. அவரது தெளிவான சேகவார் (கூலிப் படைவீரன்), கதநாயகனாக இல்லாமல் எதிர்மறைப் பாத்திரமாக இருந்தாலும் அவருக்கு தேசிய விருதை வென்று தந்தது. அடூர் கோபாலகிருஷ்ணன் இயக்கிய மதிலுகள் படத்தில் மும்மூட்டியின் நடிப்பு விருதுக்காகக் கருதச்செய்தது. ஐ.வி சசி இயக்கிய முருகயா வில் வேட்டைக்கார வருணியாக அவரது வேடம் மற்றும் மற்றொரு திரைப்படம் மஹாயனம் ஆகியவையும் மாநில விருதுக்கு கருதச்செய்தன. மம்மூட்டி, பரதன் இயக்கிய அமரம் திரைப்படத்தில் அவது சிறந்த நடிப்பிற்காக பிலிம்பேர் விருதை வென்றார்.

மம்மூட்டி தனது இரண்டாவது தேசிய விருதை, அடூர் கோபாலகிருஷ்ணனின் விதேயன் மற்றும் டிவி சந்தரனின் பொந்தன் மாடா ஆகியவற்றில் தனது நடிப்பிற்காகப் பெற்றார். அவர் இரண்டு படங்களில் தனது வேடங்களுக்காக மாநில விருதையும் பெற்றார். கொச்சின் ஹனீபா இயக்கிய வால்ட்சல்யம் படத்தில் அவரது நடிப்பும் மாநில விருதுக்குக் கருதப்பட்டது.

தற்போதைய சகாப்தம், 2000 முதல் தற்போதுவரை

மம்மூட்டி தனது மூன்றாவது தேசிய விருதை டாக்டர் பாபா சாஹேப் அம்பேத்கர் திரைப்படத்திற்காக வென்றார், இது ஜாபர் படேல்[13] இயக்கிய அம்பேத்கர் வாழ்க்கை வரலாற்றைப் பற்றிக் கூறும் ஆங்கில மொழி திரைப்படம் ஆகும், இத்திரைப்படம் இந்திய தேசிய திரைப்பட வளர்ச்சிக் கழகம் மற்றும் சமூக நீதித்துறை அமைச்சகத்தால் வழங்கப்பட்டது.

ஜாபர் படேல் அம்பேத்கர் படத்தில் மம்மூட்டி பற்றி தெரிவித்த கருத்துக்கள்:

“ Anyone who has seen the film will agree that Dr Ambedkar could not have been possible without Mammootty. How did the filmmaker settle on him? I was making a film in English and I went all around the world, met and saw actors in Canada, United States and United Kingdom. Physically, many actors in America came close but I was not sure about how they would portray the whole sensibility and inner turmoil. I was also not happy about the gestures. I had shortlisted 2-3 people and knew that it would be troublesome as I would have to get them here and train them. So I was not really happy. Then I decided to do something about Mammootty, who was hiding in my mind for a very long time. ”

மம்மூட்டி காழ்ச்சா வில் ஆபரேட்டர் மாதவன் உருவத்திற்காக மாநில விருதை வென்றார். புதுமுகம் அன்வர் ரஷீத் இயக்கிய ராஜமாணிக்யம் மலையாள சினிமாவில் அனைத்துக் காலத்திலும் மிகப்பெரிய வெற்றியுடன் ரசிகர்கள் மனம் கவர்ந்தது.[14] 2006 இல், மம்மூட்டி துருப்புக்குலன் திரைப்படத்தை உருவாக்கினார், அதில் வரும் கதாப்பாத்திரம் குலன் மீது குழந்தைகளிடையே கடுங்கோபம் உண்டானது, பின்னர் அந்தப் பாத்திரத்தை வைத்து 'சூப்பர் குலன்' எனற கார்ட்டூன் தொடர் கிட்ஸ் காமிக்ஸ் மூலம் தொடங்கப்பட்டது.[15]

மம்மூட்டியின் அதிரடி நகைச்சுவைத் திரைப்படம் மாயாவி , 2007 இன் சிறந்த வசூலைப் பெற்ற படமானது.

2008 இல், மம்மூட்டியின் அண்ணன் தம்பி மாநிலம் முழுவதும் 75 மையங்களில் திரையிடப்பட்டு சுமார் 61 மையங்களில் 50 நாட்களை நிறைவு செய்தது. அத்திரைப்படம் ராஜமாணிக்கத்தின் சாதனையை முறியடித்து மலையாளத்தில் மிகப்பெரிய வெற்றியடைந்து ரசிகர்கள் மனம் கவர்ந்தது.[16]

பிற மொழிகளில் திரைப்படங்கள்

மம்மூட்டி சில மலையாளம் அல்லாத திரைப்படங்களில் நடித்துள்ளார், அவற்றில் பல தமிழ், தெலுங்கு, ஹிந்தி மற்றும் ஆங்கில திரைப்படங்கள் அடங்கும். 1989 இல், கே. மது இயக்கிய மௌனம் சம்மதம் திரைப்படத்தில் அவர் தமிழில் அறிமுகமானார். அவர் தமிழ்த் திரைப்படங்களில் கே. பாலச்சந்தர்(அழகன்) மற்றும் மணி ரத்னம்(தளபதி) போன்ற துறையின் முன்னணி இயக்குநர்களின் இயக்கத்தில் நடித்திருக்கின்றார். தமிழ் சூப்பர்ஸ்டார் ரஜினிகாந்த் உடன் இணைந்து தளபதி யில் அவர் நடித்தது தமிழ் ரசிகர்களிடையே அவரை மிகவும் பிடிக்கச் செய்தது. பாசில் இயக்கிய கிளிப்பேச்சு கேட்கவா (1993) திரைப்படத்தில் மம்மூட்டி அவரது அரிதான வேடமான காதல் நாயகன் வேடத்தில் நடித்தார். 1995 இல் மம்மூட்டி, ஆர்.கே.செல்வமணி இயக்கிய மக்கள் ஆட்சி வடிவில் வியக்கத்தக்க வகையில் மிகப்பெரிய வெற்றியைப் பெற்றார். ராஜீவ் மேனன் இயக்கிய கண்டுகொண்டேன் கண்டுகொண்டேன் படத்தில், கேப்டன் பாலாவாக ஐஸ்வர்யா ராய் ஜோடியாக அவரது நடிப்பு அனைவரையும் கவரும் விதமானதாகக் கருதப்பட்டது. என். லிங்குசாமி இயக்கிய ஆனந்தம் படத்தில் மம்மூட்டி ஒரு குடும்பத் தலைவன் வேடத்தில் நடித்திருந்தார்.

மம்மூட்டி மறக்கூடிய சில தமிழ் திரைப்படங்களில் நடித்திருக்கின்றார். புதையல்(1996) (புதையல் வேட்டை பற்றிய திரைப்படம்), ஜூனியர்-சீனியர்(2002)(முக்கோணக் காதல் கதை), விஸ்வதுளசி (2004)(ஒரு முதிர்ந்த காதல் கதை) இவையனைத்தும் கவர்ந்திழுக்கும் நடிப்பில் உருவாக்கப்பட்டவை, ஆனால் விமர்சனம் மற்றும் வணிக ரீதியில் தோல்வியைத் தழுவின.

அவர் [1989] இல் திரியத்திரி மூலமாக ஹிந்தித் திரைப்பட உலகில் நுழைந்தார். இருப்பினும், அவரது கதாநாயகனாக நடித்த முதல் பாலிவுட் திரைப்படம் தர்த்திபுத்ரா எந்த அறிவிப்புமின்றிப் போனது., என்றாலும் அவரது தேசிய அளவிலான வருகையை ஜாபர் படேல் இயக்கிய வாழ்க்கை வரலாற்றுப் படமான டாக்டர். பாபா சாஹேப் அம்பேத்கர் படத்தைக்கொண்டு உறுதியாக்கினார். மம்மூட்டியின் சௌ ஜூத் ஏக் சச் விமர்சன ரீதியாகப் பாராட்டை வென்றாலும், அத்திரைப்படம் பாக்ஸ் ஆபிஸில் வெற்றியடையவில்லை. மம்மூட்டியின் தெலுங்குத் திரைப்படம் ஸ்வாதி கிரணம், ஒரு ஆபத்தான முயற்சியான அது ரசிகர்களாலும் விமர்சனங்களாலும் நல்ல வரவேற்பைப் பெற்றது.

சர்வதேசத் திரைப்பட விழாவில் திரையிடப்பட்ட திரைப்படங்கள்

திரைப்படம் மதிலுகள் ('சுவர்கள்') வெனிஸ் நகரில் தொடங்கி கிட்டத்தட்ட 40 சர்வதேச திரைப்பட விழாக்களில் திரையிடப்பட்டது. படத்தின் இயக்குநர் அடூர் கோபாலகிருஷ்ணன் கூறியது:

“ Among my films, it is Mathilukal which has invited the maximum number of international honors. The sincere co-operation by Mammootty, the actor has played a major role in the success of the movie". ”

இது வெனிஸ் சர்வதேச திரைப்பட விழாவில் திரையிடப்படுகையில் நல்ல வரவேற்பைப் பெற்றது, மேலும் 1990 இல் நான்கு விருதுகளை வென்றது.

விதேயன் , மலையாள எழுத்தாளர் பால் சாச்சாரியா எழுதிய "பாஸ்கர பட்டேலரும் என்டே ஜீவிதமும்" நாவலின் சினிமா தழுவல், இது தெற்கு கர்நாடகாவில் அமைந்துள்ள ஆண்டான்-அடிமை முரண்பாட்டை வெளிப்படுத்துகின்றது. அத்திரைப்படம் ரோட்டர்டாம் சர்வதேச திரைப்பட திருவிழாவில் ஆசிய சினிமா வளர்ச்சிக்கான நெட்வொர்க் (NETPAC) விருதுடன் இண்டர்பிலிம் விருதையும் வென்றது - மன்ஹேயிம்-ஹேய்டெல்பெர்க் சர்வதேச திரைப்பட திருவிழாவில் கௌரவமாகக் குறிப்பிடப்பட்டது.

IIFA 2006 நடைபெற்ற பொழுது குறிப்புகள்

துபாயில் 2006 IIFA விருதுகள் வழங்கும் விழா நடைபெற்ற போது அவரது குறிப்புகள் பல்வேறு ஊடகங்கள் மற்றும் மக்களின் கவனத்தைப் பெற்றது.[17]. தெற்கு இந்தியத் திரைப்படங்கள் முழுவதையும் தவிர்த்ததற்காக IIFA விருதுகள் ஒருங்கிணைப்பாளர்களை திறந்த மனதுடன் விமர்சித்தார். மம்மூட்டி பாலிவுட் திரைப்படத் துறை தங்களை சர்வதேசம் என்று கூறுவதற்கு முன்பு தென்னிந்தியத் திரைப்பட துறையுடன் போட்டியிட வேண்டும் என்று பரிந்துரைத்தார்.[18] அவர் விமர்சித்தது:

“ Indian cinema is not just Bollywood, and Hindi is not the only language. Why should our films be called South Indian cinema instead of being under the banner of Indian films? ”

மனிதநேயப் பணிகள்

மம்மூட்டி உதவி தேவைப்படும் மக்களுக்கு உதவும் நோக்கத்துடன் அரை டஜனுக்கும் மேற்பட்ட ஏழைகள் மறுவாழ்வுத் திட்டங்களில் ஈடுபட்டு வருகின்றார்.[19]

வலி மற்றும் நோய்த் தணிப்பு மையம்

மம்மூட்டி கேரளாவில் உள்ள பெயின் அண்ட் பல்லியேடிவ் கேர் சொசைட்டி,[20] அறக்கட்டளை அமைப்பு உடைய புரவலராக இருக்கின்றார், இவ்வமைப்பானது புற்றுநோய் தீவிரமான நோயாளிகளிடையே வாழ்க்கைத் தரத்தை உயர்த்துவதை நோக்கமாகக் கொண்டது. அவர் இந்தியாவின் கோழிக்கோடு என்ற இடத்தில் அமைந்துள்ள, வலி மற்றும் நோய்த் தணிப்பு கவனிப்பு மையத்தின் மைய சக்தியாகவும் செயலாக்குபவராகவும் இருக்கின்றார்.[21] அந்த நிறுவனம் வழங்கும் நன்மைகளை ஆயிரக்கணக்கான மக்கள் பெறுகின்றனர். மம்மூட்டி வலி மற்றும் நோய்த் தணிப்பு கவனிப்புக்கு, கேரளா முழுவதும் வாழும் புற்றுநோயால் பாதிக்கப்பட்டவர்களுக்கு வழங்குவதற்கு, இப்போது நாவல் திட்டத்தை அமைத்திருக்கிறார்.[22]

ஜீவன் ஜோதி

மம்மூட்டி ஜீவன் ஜோதியின் தூதராக இருக்கின்றார் - இது மண உணர்வு நரம்பு வியாதிகள், இதயம் (இதயம் சார்ந்த) எலும்பு இயல் வியாதிகள், கல்லீரல் வியாதிகள், சிறுநீரகக் குழாய் செயலிழப்பு, இரத்தம் உறையா நோய்கள், ENT குறைபாடுகள் போன்ற வியாதிகளின் சிகிச்சைக்காக எதிர்பார்க்கும் மக்களுக்கு உதவி வழங்கும் நோக்கைக் கொண்ட சமூக சேவை திட்டம் ஆகும்.

இந்தியத் தெருமுனை இயக்கம்

மம்மூட்டி, குழந்தை பிச்சையெடுத்தலையும் குழந்தைத் தொழிலாளர் முறையையும் அடியோடு ஒழிப்பதை இலக்காகக் கொண்ட "இந்தியத் தெருமுனை இயக்கம்" அறக்கட்டளையின் நல்லெண்ணத் தூதராக இருக்கின்றார். அவர் அந்த இயக்கத்தின் செயல்பாடுகளுக்கு ஊக்கமளிக்கின்றார், இது குழந்தைகளைப் பாதுக்காக்க காப்பகங்கள் மற்றும் கல்வி நிறுவனங்களை ஒன்றிணைக்கின்றது.[23]

காழ்ச்சா- இலவச கண் பாதுகப்பு மற்றும் சிகிச்சை

காழ்ச்சா என்பது சமுதாயத்தின் புறக்கணிக்கப்பட்ட மற்றும் அடித்தட்டு மக்களுக்காக இலவச கண் பாதுகாப்பு மற்றும் சிகிச்சையை நீட்டிக்கும் ஒரு துணிகர முயற்சி ஆகும். ஒரு நடிகரின் ரசிகர் மன்றத்தின் பெயரில் இந்த மாதிரியான நிகழ்ச்சியை ஏற்பாடு செய்வது இந்தியாவில் இதுவே முதல் முறையாகும். காழ்ச்சா 06-07,[24] மம்மூட்டி ரசிகர் நற்பணி மன்றம் & மம்மூட்டி டைம்ஸ் ஆகியவற்றால் லிட்டில் பிளவர் மருத்துவமனை & ஆராய்ச்சி மையம் மற்றும் கேரளாவின் கண் வங்கி அமைப்பு ஆகியவற்றுடன் இணைந்து தொடர்ந்து செயலாக்கப்படுகின்றது. இத்திட்டத்தின் கீழ், சுமார் 10,000 மக்கள் இலவச கண் சிகிச்சை பெற்று பயனடைவர் மேலும் 1000 ஏழை நோயாளிகள் கண்புரை அறுவைச் சிகிச்சைகளை இலவசமாக லிட்டில் பிளவர் மருத்துவமனை, அனகமாலியில் பெறும் வாய்ப்பைப் பெறுவர். இந்த அறுவை சிகிச்சைக்கு செலவு சுமார் ரூ.8000/- ஆகும். இதில் இன்னும் கூடுதலாக அறுவைச் சிகிச்சைக்குத் தேர்வு செய்யப்பட்ட அனைத்து தகுதிவாய்ந்த நோயாளிகளுக்கும் இலவச தங்குமிடம், உணவு, மருந்துகள் மற்றும் பயணப்படி ஆகியவை அளிக்கப்படும். இந்தத் திட்டம் சமுதாயத்தில் குழந்தைப்பருவ குருட்டுத் தன்மையைத் தடுக்கும் பல்வேறு திட்டங்களையும் உள்ளடக்கியது ஆகும். சமுதாய ரீதியாகவும் பொருளாதார ரீதியாகவும் பின்தங்கிய குடும்பங்களிலிருந்து வரும் குழந்தைகளுக்கு இலவச மூக்குக் கண்ணாடி வழங்குவது இதன் முக்கிய செயல்பாடுகளில் தொடர்புடைய ஒன்றாகும். சிறப்பு நிதி உதவி இந்தியக் குடியரசுத் தலைவர் அலுவலகத்திருந்து பெறப்பட்டு இந்த செயல்பாட்டிற்குப் பயன்படுத்தப்படும். இலவச கண் சிகிச்சை முகாம்கள் இந்தத் திட்டத்துடன் தொடர்புடைய பல்வேறு இடங்களில் நடத்தப்படும்.[25]

உணவு மற்றும் பொருட்கள் கொடையளித்தல்

ஓணம் 2007 இன் போது மம்மூட்டி, சிக்கன்குனியாவால் பாதிக்கப்பட்ட கேரள கிராமமான கோட்டயம் மாவட்டத்தின் பரத்தோடுக்கு அருகிலுள்ள கஞ்ஜிராப்பள்ளியில் சுமார் ஆயிரம் குடும்பங்களுக்கு உணவுப் பொருட்களை வழங்கினார். மாநிலத்திலேயே இந்தக் கிராமம், அந்த நோயால் அதிகமான உயிரிழப்பை எதிர்கொண்டது.[26] ஒரு பத்திரிக்கைக் கருத்தரங்கின் மம்மூட்டி இதைச் செய்வதற்கான அவரது தேவையை விளக்கினார்:

“ I decided to do this because the village has lost the maximum number of people to chikunguniya in the state this year. And this is not a publicity event and I would not be going there to distribute it either. This is done to see that others also come to extend a helping hand to those who are suffering ”

சுறுசுறுப்பான நகரம்: துபாய் இணைய நகரத்துடனான விவாதம்

மம்மூட்டியும் துபாயை-சேர்ந்த வியாபாரி எம்.ஏ யூசுப் அலியும் துபாய் இணைய நகர (DIC) அதிகாரிகளுடன் சந்தித்து சுறுசுறுப்பான நகரம் திட்டத்தை கொச்சியில் அமைப்பது பற்றிய முன்மொழியப்பட்ட நுழைவாயில் பற்றி விவாதித்தனர்.[27] மம்மூட்டி விளக்கிய இந்திய-ஆசிய செய்திச் சேவை:

“ I was in Dubai and held discussions with DIC officials. This was nothing official but I had a keen interest that investment should come to Kerala and I did what I could do ”

.

அக்‍ஷயா: தகவல் தொழில்நுட்ப விரிவாக்கம்

அக்‍ஷயா, கேரளா அரசாங்கத்தின் தகவல் தொழில்நுட்ப விரிவாக்கத் திட்டம் மம்மூட்டியை அதன் நல்லெண்ண தூதராக நியமித்தது.[28] அவர் அந்தப் பதவியை 26 பிப்ரவரி 2006 அன்று அதிகாரப்பூர்வமாக வீடியோ நெட்வொர்க் செய்யப்பட்ட நிகழ்ச்சியில் ஏற்றுக்கொண்டார், அது மாநிலத்தின் அனைத்து மாவட்ட தலைநகரங்களுடனும் இணைக்கப்பட்டிருந்தது.[29] அச்சு மற்றும் காட்சி ஊடக விளம்பரங்கள் மற்றும் அடித்தட்டு மக்களுக்கு அக்‍ஷயாவின் செய்தியை அனுப்பும் பிற விளம்பர பொருட்கள் மூலமாக பிரச்சாரத்திற்கு வழிநடத்தும் பொறுப்பை மம்மூட்டி ஏற்கிறார். அவர் விவரித்தது:

“ I am really happy to be associated with this unique project that promises to ring in wholesome change to the perceptions about Kerala as it seeks to make its presence felt in the digital era.[30] ”

மம்மூட்டி தற்போது தொலைக்காட்சியில் புதிய பாத்திரத்தில் தோன்றுகிறார்.[31] அவர் கணினி விசைப்பலகை அல்லது இணைய உலாவலில் கைதேர்ந்தவர் ஆவதற்கான உதவிக்குறிப்புகளைத் தருவதாகத் தோன்றினார்.[32]

“ If we manage to reach the benefits of information technology to the entire population, we would be able to raise ourselves to the levels of a developed society. I understand that the Akshaya project has been launched with this objective. I am sure this unique project will go to make the State a fully empowered knowledge society.[30] ”

அக்‍ஷயா என்பது கேரளாவின் கணினிக் கல்வி பிரச்சாரம் ஆகும், அது பல விருதுகளைப் பெற்றுள்ளது, மேலும் அந்தத் திட்டத்தைப் பிரபலப்படுத்த பலமொழி நட்சத்திரத்தைக் கொண்டுள்ளது.[33] தற்சமயம் கேரளாவில் மைக்ரோசாப்ட் உடன் இணைந்து மின்னொளிக்கல்வி திட்டம் தொடங்கப்பட்டுள்ளது.[34]

தொலைக்காட்சிப் பணிவாழ்க்கை

அவர் கைராலி டிவி, பீப்பிள் டிவி மற்றும் சேனல் வீ போன்ற பல் மலையாள டிவி சேனல்களால் இயக்கப்படுகின்ற மலையாளம் தகவல் தொடர்பின்[35] தற்போதைய தலைவர் பொறுப்பில் உள்ளார்.

மம்மூட்டி மெகாபைட்ஸ் என்ற தொலைக்காட்சித் தயாரிப்பு நிறுவனத்தை உருவாக்கினார், அது பல தொலைக்காட்சி தொடர்களை தாயாரித்தது, 1990களின் இறுதியில் முதலாவதாக ஜ்வாலயாய் இருந்தது, இது ஒரு தயாரிப்பாளர் என்ற முறையில் அவருக்கு முதல் திட்டமாகவும் இருந்தது.[36]. ஜ்வாலயாய் மலையாள தொலைக்காட்சியில் வரலாற்றை உருவாக்கியது.[37] அவர் மம்மூட்டி டெக்னோடெயின்மெண்ட் என்ற பெயரில் ஒரு விநியோக நிறுவனத்தைத் தொடங்கினார். அது அவரது தமிழ் திரைப்படம் கார்மேகம் படத்தை கேரளாவில் விநியோகித்தது. அது விநியோக உரிமைகளிலிருந்து முதல் பங்கைப் பெறுகின்றது.

பிற செயல்பாடுகள்

மம்மூட்டி கேரளாவை அடிப்படையாகக் கொண்ட சவுத் இந்தியன் பேங்கின் உலகளாவிய வணிகத் தூதராக 16 அக்டோபர் 2006 அன்று நியமிக்கப்பட்டார்.[38][39] மம்மூட்டியின் ரசிகர்களில் பெரும்பாலானோர் NRIகளாக இருப்பதையும், நல்ல பேன் இந்தியன் நடிகராக அவரது செல்வாக்கையும் கருத்தில் கொண்டே அவர் நியமிக்கப்பட்டதாக வங்கி தலைவர் கூறினார்.[40][41]

வெளியீடுகள்

மம்மூட்டி, பல ஆண்டுகளில் பல்வேறு வெளியீடுகளில் அவர் எழுதிய சிறு கட்டுரைகளின் தொகுப்பான காழ்ச்சப்பாடு ((பெர்ஸ்பெக்டிவ் ) என்ற பெயரில் ஏறத்தாழ மொழிமாற்றம் செய்தார்) என்ற தனது முதல் புத்தகத்துடன் எழுத்தாளராக மாறினார்.[42]

விருதுகள், மரியாதைகள் மற்றும் அங்கீகாரங்கள்

குடிமுறை மரியாதைகள்
எண்: ஆண்டு விருது வகை விருது வழங்கியது குறிப்புகள்
001 1998 பத்மஸ்ரீ கலை, சினிமா இந்திய அரசாங்கம்
More
"In January 1998, Government of India honored Mammootty,with the civilian award, Padma Shri, awarded for his national service, including his contribution to the Indian film industry."

தேசிய சினிமா விருதுகள்
எண்: ஆண்டு வகை மொழி திரைப்படம் (கள்) பாத்திரம் (கள்)
003 1998 சிறந்த நடிகர் ஆங்கிலம் டாக்டர். அம்பேத்கர் டாக்டர். அம்பேத்கர்
002 1993 சிறந்த நடிகர் மலையாளம் விதேயன்
பொந்தன் மடா		 பாஸ்கர் படேலார்
மாடா
001 1989 சிறந்த நடிகர் மலையாளம் ஒரு வடக்கன் வீரக்கதா, மதிலுகள் சாந்து சேகவர், வைக்கம் முஹம்மது பஷீர்

மாநில திரைப்பட விருதுகள்
எண்: ஆண்டு வகை மொழி திரைப்படம் (கள்) பாத்திரம் (கள்)
006 2004 சிறந்த நடிகர் மலையாளம் காழ்ச்சா மாதவன்
005 1993 சிறந்த நடிகர் மலையாளம் விதேயன்
பொந்தன் மடா
வால்ட்சல்யம்		 பாஸ்கர் படேலார்
மாடா
ராகவன் நாயர்
004 1989 சிறந்த நடிகர் மலையாளம் ஒரு வடக்கன் வீரக்கதா
மரிகயா
மஹாயனம்		 சாந்து சேகவர்
வாருன்னி
சந்துரு
003 (1985) சிறப்பு ஜூரி விருது மலையாளம் யாத்ரா
நிறக்கூட்டு		 உன்னிகிருஷ்ணன்
ரவி வர்மா
002 1984 சிறந்த நடிகர் மலையாளம் ஆதியொழுக்குகள் காருணன்
001 1981 சிறந்த துணை நடிகர் மலையாளம் அஹிம்சா வாசு

பிலிம்பேர் விருதுகள்
எண்: ஆண்டு வகை மொழி திரைப்படம் (கள்) பாத்திரம் (கள்)
008 2006 சிறந்த நடிகர் மலையாளம் கருத்த பக்சிகள் முருகன்
007 2004 சிறந்த நடிகர் மலையாளம் காழ்ச்சா மாதவன்
006 2001 சிறந்த நடிகர் மலையாளம் ஆர்யன்னகலுடே வீடு ரவீந்தரநாத்
005 1997 சிறந்த நடிகர் மலையாளம் பூதக்கண்ணாடி வித்யாதரன்
004 1991 சிறந்த நடிகர் மலையாளம் அமரம் அச்சுதன் குட்டி
003 1990 சிறந்த நடிகர் மலையாளம் மதிலுகள் வைக்கம் பஷீர்
002 (1985) சிறந்த நடிகர் மலையாளம் யாத்ரா உன்னிகிருஷ்ணன்
001 1984 Best Actor மலையாளம் ஆதியொழுக்குகள் காருணன்

திரைப்பட விமர்சன விருதுகள்
எண்: ஆண்டு வகை மொழி திரைப்படம் (கள்) பாத்திரம் (கள்)
009 2006 சிறந்த நடிகர் மலையாளம் கருத்த பக்சிகள்
பலுங்கு		 முருகன்
மோனிச்சன்
008 1997 சிறப்பு விருது மலையாளம் பூதக்கண்ணாடி வித்யாதரன்
007 1994 சிறந்த நடிகர் மலையாளம் சுக்ருதம் சவி ஷங்கர்
006 1992 சிறந்த நடிகர் மலையாளம் சூர்யமனசம்
ஆயிரப்பரா
பாப்பாயுதே ஸ்வாந்தம் அப்போசே		 புட்டூருமீஸ்
சௌரி
பாலசந்தரன்
005 1990 சிறந்த நடிகர் மலையாளம் ஒரு வடக்கன் வீரக்கதா
மதிலுகள்
மரிகயா		 சாந்து சேகவர்
வைக்கம் பஷீர்
வாருன்னி
004 1987 சிறந்த நடிகர் மலையாளம் தனியவர்த்தனம்
நியூ டெல்லி		 பால கோபாலன்
ஜி. கிருஷ்ணமூர்த்தி
003 (1985) சிறந்த நடிகர் மலையாளம் யாத்ரா
நிறக்கூட்டு		 உன்னிகிருஷ்ணன்
ரவி வர்மா
002 1984 சிறந்த நடிகர் மலையாளம் அக்‍ஷரங்கள்
கனமரயது		 ஜெயதேவன்
ராய் வர்கசி
001 1982 சிறந்த துணை நடிகர் மலையாளம் யவனிகா ஜேக்கப் ஏரலி

வனிதா விருதுகள்
எண்: ஆண்டு வகை மொழி திரைப்படம் (கள்) பாத்திரம் (கள்)
002 2007 சிறந்த நடிகர் மலையாளம் கருத்த பக்சிகள்
கையொப்பு		 முருகன்
பாலசந்தரன்
001 2004 சிறந்த நடிகர் மலையாளம் காழ்ச்சா மாதவன்

பிற முக்கிய மரியாதைகள் மற்றும் அங்கீகாரங்கள்
எண்: ஆண்டு விருது வழங்கியது குறிப்புகள்
001 2007 புராண நடிகர் விருது பிலிம்பேர்
More
"Amitabh Bachchan gave away the Filmfare ‘Legendary’ awards to Megastar Mammootty, for his outstanding contribution to the Indian film industry."
002 2006 சிறந்த நடிகருக்கான எவரெஸ்ட் விருது எடிசலத்
More
"He was triumphant of the Etisalat Everest Award for Best Actor selected through a poll. It was an award for the best actor for all time Malayalam Cinema."
003 2005 பாக் ஆபிஸ் நாயகன் வனிதா
More
"In 2005, Mammootty was awarded the "Box Office Hero of Malayalam" by Vanitha, a leading Indian Magazine. His Rajamanikyam Released during Ramzan 2005, became a swashbuckling hit. It broke all collection records and became the biggest hit of 2005. It was also touted as the biggest hit of all time ever produced in the Malayalam movie industry."
004 2004 சலச்சித்ரா ரத்னம் பிலிம் கிரிட்டிக்ஸ்
More
"In 2004, he was awarded the "Chalachitra Ratna" award by the Film Critics Association of Kerala."
005 2004 கேரளாவின் ஆண் கவர்ச்சிக் குறியீடு வனிதா
More
"After a survey among its readers, the Vanitha magazine selected Megastar Mammootty as the actor with the most sex appeal."

கூடுதல் விருதுகள்
எண்: ஆண்டு விருது வழங்கியது குறிப்புகள்
001 2004 ஆசிய பசிபிக் மெரிலியன் விருது
002 2004 FOCCANA விருது FOCCANA (அமெரிக்கா)
003 பல்வேறு முறை சினிமா எக்ஸ்பிரஸ் விருதுகள் த நியூ இந்தியன் எக்ஸ்பிரஸ்
More
"He has won Cinema Express Awards for Best Actor several times"
004 பல்வேறு முறை ஏசியாநெட் திரைப்பட விருதுகள் ஏசியாநெட்
More
"He has won Asianet Film Awards for Best Actor several times"
005 பல்வேறு முறை மாத்ருபூமி விருதுகள் மாத்ருபூமி
006 பல்வேறு முறை கலா கேரளம் விருதுகள் கலா கேரளம்
007 2004 சிறந்த நடிகருக்கான அம்ரிதா விருது அம்ரிதா
008 1998 வீ.ஷாந்தாராம் விருதுகள் வீ.ஷாந்தாராம் அறக்கட்டளை
More
"He was triumphant of V. Shantaram Award for the prodigious performance in Dr. Ambedkar
009 align="center" திரை நட்சத்திர விருதுகள் ஸ்கிரீன் வீக்லி
010 align="center" ராமி காரியத் விருது ராமி காரியத் அறக்கட்டளை
011 align="center" ஜேஸ்ஸி விருது ஜேஸ்ஸி அறக்கட்டளை
012 align="center" பிலிமி ஆடியன்ஸ் விருது பிலிமி ஆடியன்ஸ்
013 align="center" சிறந்த நடிகருக்கான நானா விருது நானா பத்திரிக்கை

மேலும் பார்க்கவும்

குறிப்புதவிகள்
  1. "'Mammootty's Licence'".
  2. மம்மூட்டி 300 நாட் அவுட். MusicIndiaOnLine.com . ஏப்ரல் 11, 2007. அணுகப்பட்டது அக்டோபர் 30, 2007
  3. மலையாளம் தகவல்தொடர்பு குழும இயக்குனர்கள். “kairalitv.in. நவம்பர் 1, 2004 அக்டோபர் 30, 2007 இல் அணுகப்பட்டது.
  4. 'வனிதா ஆய்வு மம்மூட்டியை கவர்ச்சியான நடிகராகத் தேர்வுசெய்கின்றது'
  5. மம்மூட்டி அக்‍ஷயா நெட்வொர்க்கை உயிரூட்டுகின்றார். த ஹிந்து பிசினஸ்லைன். பிப்ரவரி 26, 2006. அக்டோபர் 30, 2007 இல் அணுகப்பட்டது.
  6. 'மம்மூட்டி திரைப்படவரலாறு'
  7. மலையாளம் திரைத்துறையில் தலைசிறந்த கதாநாயகன். oneindia.in . செப்டம்பர் 6, 2007 அக்டோபர் 30, 2007 இல் அணுகப்பட்டது.
  8. மம்மூட்டி 25 வது முறையாக காவல்துறை அதிகாரியாக நடிக்கிறார். ஹிந்துஸ்தான் டைம்ஸ்.செப்டம்பர் 06, 2007. அக்டோபர் 30, 2007 இல் அணுகப்பட்டது.
  9. பழசி ராஜாவுக்கு புகழுரை. தி ஹிந்து. ஜனவரி 19, 2007. அக்டோபர் 30, 2007 இல் அணுகப்பட்டது.
  10. Malayalam_films_of_the_1980s. விக்கிபீடியா. அக்டோபர் 30, 2007 இல் அணுகப்பட்டது.
  11. பிரபல மம்மூட்டி திரைப்படங்கள். zonkerala.com . ஜனவரி 19, 2007. அக்டோபர் 30, 2007 இல் அணுகப்பட்டது.
  12. சர்வவல்லமையுள்ளவர்" எழுதியது இர்விங் வாலஸ். biblio.com . ஜனவரி 15, 2005. அக்டோபர் 30, 2007 இல் அணுகப்பட்டது.
  13. டாக்டர் பாபாசாஹேப் அம்பேத்கர்-திரைப்படம் முன்னோட்டம். ambedkar.org . அக்டோபர் 30, 2007 இல் அணுகப்பட்டது.
  14. 'மிகப்பெரிய எப்போதும் நெருங்க முடியாத' நிலையை நோக்கி ராஜமாணிக்கியம் தாவிக்குதிக்கின்றது. My-Kerala.com செயதிகள் . ஏப்ரல் 14, 2007. அக்டோபர் 30, 2007 இல் அணுகப்பட்டது.
  15. துருப்புக்குலன் - ஒரு விழாக்கால இரசக்கலவை IndiaGlitz வெள்ளிக்கிழமை, ஏப்ரல் 14, 2006 ஜூன் 19, 2009 இல் அணுகப்பட்டது
  16. அண்ணன் தம்பி: அன்வர் அதிர்ஷ்டத்தை மறுபடியும் நிரூபித்துள்ளார்
  17. தெற்கு-காயப்பட்டுள்ளது!. தி ஹிந்து. வெள்ளி, ஜூலை 07, 2006 ஜூன் 19, 2009 இல் அணுகப்பட்டுள்ளது.
  18. மம்மூட்டி IIFA இல் வென்றுள்ளார்!. சிபி மூவிஸ் . செவ்வாய்க்கிழமை, 20 ஜூன் 2006, ஜூன் 19, 2009 இல் அணுகப்பட்டது.
  19. சமூக சேவகராக மம்மூட்டி. Mammoottylive.com . பிப்ரவரி 25, 2007 அக்டோபர் 30, 2007 இல் அணுகப்பட்டது.
  20. வலி மற்றும் நோய்த் தணிப்பு கவனிப்பு சமூக புரவலர்கள். painandpalliativecare.org . ஜூலை 2007அக்டோபர் 30, 2007 இல் அணுகப்பட்டது.
  21. வலி மற்றும் நோய்த் தணிப்பு கவனிப்பு சமூக தொடர்பு.. painandpalliativecare.org . அக்டோபர் 2006, அக்டோபர் 30, 2007 இல் அணுகப்பட்டது.
  22. கேரளாவின் வடிவம் amazon news .
  23. எச்சரிக்கைக்கு மம்மூட்டி த ஹிந்து வெள்ளிக்கிழமை, 14 ஜூலை 2006, ஜூன்19, 2009 இல் அணுகப்பட்டது
  24. காழ்ச்சா 06 - 07 ஒருங்கிணைக்க மம்மூட்டி ரசிகர்கள். blockbusters.in . ஜூலை 23, 2006, அக்டோபர் 30, 2007 இல் அணுகப்பட்டது.
  25. காழ்ச்சா 06-07 - இலவச கண் பாதுகாப்பு & சிகிச்சை. ' அதிகாரப்பூர்வ Mammootty.com . ஜூலை 13, 2006, அக்டோபர் 30, 2007 இல் அணுகப்பட்டது.
  26. சிக்கன்குனியா பாதித்த கிராமத்திற்கு மம்மூட்டி உணவு வழங்குகிறார்
  27. மம்மூட்டி கேரளாவிற்கு ஐடி பூங்காவைக் கொண்டுவருகின்றார். ibnlive.com, IANS .ஏப்ரல் 14, 2007, அக்டோபர் 30, 2007 இல் அணுகப்பட்டது.
  28. அக்‍ஷயா திட்டத்தில் ஜொலிக்கும் நட்சத்திரம் KeralaITmission.org பிப்ரவரி 25, 2006. அக்டோபர் 30, 2007 இல் அணுகப்பட்டது.
  29. மம்மூட்டி அக்‍ஷயா நெட்வொர்க்கை உயிரூட்டுகின்றார். த ஹிந்து பிசினஸ்லைன் . பிப்ரவரி 26, 2006. அக்டோபர் 30, 2007 இல் அணுகப்பட்டது.
  30. Mammootty is goodwill ambassador for Akshaya. The Hindu Business Line. February 21, 2006. Accessed October 30, 2007.
  31. மம்மூட்டி விருப்பத்தைச் செயலாக்குகின்றார். ArabNews.com . டிசம்பர் 09, 2006. அக்டோபர் 30, 2007 இல் அணுகப்பட்டது.
  32. மம்மூட்டி அக்‍ஷயாவை சாதரண மனிதனுக்கு எடுத்துச் செல்கிறார். த ஹிந்து பிசினஸ்லைன் . அக்டோபர் 09, 2006. அக்டோபர் 30, 2007 இல் அணுகப்பட்டது.
  33. மம்மூட்டி பொதுமக்கள் பலன்பெற வணிகத் தூதுவராக அக்‍ஷயாவிற்கு உதவி வருகின்றார். தி ஹிந்துநவம்பர் 03, 2006. அக்டோபர் 30, 2007 இல் அணுகப்பட்டது.
  34. மைக்ரோசாப்ட், மம்மூட்டி இணைந்து கேரளா இ-கல்வி திட்டத்தை தொடங்குகின்றனர். இந்தோ ஆசியன் செய்திகள் சேவை கடைசியாகப் புதுப்பித்தது: ஏப்ரல் 08, 2008 07:49:01.
  35. மலையாளம் தகவல்தொடர்பு குழும இயக்குனர்கள். “kairalitv.in. நவம்பர் 1, 2004. அக்டோபர் 30, 2007 இல் அணுகப்பட்டது.
  36. "அவர்கள் ஏன்? குறிப்பாக அப்பொழுது அவர்கள் சூப்பர்ஹிட் தொலைக்காட்சித் தொடரைத் தயாரிப்பதில் ஈடுபட்டுக்கொண்டு இருந்தனர்". rediff.com. டிசம்பர் 21, 1998. அக்டோபர் 30, 2007 இல் அணுகப்பட்டது.
  37. மெகா தொடர்கள் மெகா ஹிட்ஸ். rediff.com. அக்டோபர் 28, 2006. அக்டோபர் 30, 2007 இல் அணுகப்பட்டது.
  38. சவுத் இந்தியன் பேங்க் தனது வணிகத் தூதுவராக மம்மூட்டியை அறிவித்தது. SouthIndianBank.com . அக்டோபர் 16, 2006. அக்டோபர் 30, 2007 இல் அணுகப்பட்டது.
  39. சவுத் இந்தியன் பேங்க் தனது வணிகத் தூதுவராக பத்மஸ்ரீ பாரத் மம்மூட்டியை நியமித்திருக்கின்றது. moneycontrol.com . அக்டோபர் 16, 2006. அக்டோபர் 30, 2007 இல் அணுகப்பட்டது.
  40. மம்மூட்டி பேங்கின் புதிய லோகோவை வெளியிடுகின்றார். SouthIndianBank.com . பிப்ரவரி 05, 2007. அக்டோபர் 30, 2007 இல் அணுகப்பட்டது.
  41. சவுத் இந்தியன் பேங்க் புதிய லோகோவை வெளியிடுகிறது. த ஹிந்து பிசினஸ்லைன் . பிப்ரவரி 05, 2007. அக்டோபர் 30, 2007 இல் அணுகப்பட்டது
  42. எழுத்தாளர் மம்மூட்டியை சந்தியுங்கள். “rediff.com. ஆகஸ்ட் 16, 2006. அக்டோபர் 30, 2007 இல் அணுகப்பட்டது.

மேலும் படிக்க

புற இணைப்புகள்
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.