بین الاقوامی بحری تنظیم

بین الاقوامی بحری تنظیم (انگریزی: World Tourism Organization) اقوام متحدہ کا خصوصی ادارہ ہےجس کا قیام 17 مارچ 1948ء کو عمل میں آیا۔ اس ادارے کا مقصد حکومتوں کے مابین جہاز رانی کے بارے میں اطلاعات کے تبادلے اور تعاون کی بابت نظام قائم کرنا ہے۔ اس کے علاوہ یہ ادارہ بحری حفاظت اور جہاز رانی کی بابت اعلیٰ معیار کو قائم رکھتا ہے، جہاز رانی کی بابت حکومتوں کی جانب سے غیر ضروری پابندیوں کو ختم کرنے کے لیے اقدامات کرتا ہے۔یہ ادارہ جہاز راں کمپنیوں کی طرف سے عائد کردہ رکاوٹوں کے تدارک کے لیے بھی مناسب طریقوں پر غور کرتا ہے اور جہاز رانی کی بابت بین الاقوامی کانفرنسیں طلب کرتا ہے۔ بین الاقوامی ضابطوں اور اقرار ناموں کے مسودات مرتب کرنا بھی اس ادارے کی ذمہ داریوں میں شامل ہے۔ ادارے کا سربراہ سیکریٹری جنرل کہلاتا ہے۔ موجود ہ سیکریٹری جنرل جنوبی کوریا کے کٹیک لیم Kitack Lim ہیں۔ اس ادارے کا صدر دفتر لندن میں قائم ہے۔[1]

بین الاقوامی بحری تنظیم
بین الاقوامی بحری تنظیم
مخفف IMO
قیام 17 مارچ 1948 (1948-03-17)
قسم خصوصی ادارہ
قانونی حیثیت فعال
صدر مقام لندن، مملکت متحدہ
Parent organization
 اقوام متحدہ اقتصادی اور سماجی کونسل
ویب سائٹ www.imo.org
سابقہ بین الحکومتی بحری مشاورتی ادارہ

مزید دیکھیے

حوالہ جات
  1. سید محمود خاور، اقوام متحدہ کی کہانی، نیشنل بک فاؤنڈیشن اسلام آباد، 2004ء، ص 36
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.