نیشنل بک فاؤنڈیشن
"نیشنل بک فاؤنڈیشن" پاکستان کا تعلیمی رفاعی ادارہ ہے جس کا قیام 1972ء میں عمل میں آیا۔ پاکستان میں کتابوں کی اشاعت اور مطالعہ کتب کے فروع کے لیے سرگرم عمل اس ادارے کا صدر دفتر اسلام آباد میں واقع ہے۔ اس کے علاوہ اس ادارہ کے صوبائی صدر دفاتر، علاقائی دفاتر اور کتب سیل پوائنٹس بھی کام کر رہے ہیں۔ یہ ادارہ مختلف موضوعات پرکتب شائع کرنے کے علاوہ بچوں کے ادب کے فروغ میں بھی کوشاں ہے۔ علاوہ ازیں یہ ادارہ نابینا افراد کے لیے بھی بریل کتب شائع کرتا ہے۔
سربراہ
نیشنل بک فاؤنڈیشن کا سربراہ مینجنگ ڈائریکٹر ہوتا ہے۔ اس ادارہ کے موجودہ سربراہ ڈاکٹر انعام الحق جاوید ہیں۔
نیشنل بک فاؤنڈیشن کی مطبوعات
نیشنل بک فاؤنڈیشن نے پاکستان میں کتب کے فروغ کے سلسلہ میں مختلف موضوعات پر بہت سی نصابی، علمی، ادبی وتحقیقی اور ترجمہ شدہ کتب شائع کی ہیں۔ اس ادارہ کے زیر اہتمام ایک "کتاب رسالہ" بھی شائع کیا جاتا ہے جس میں مختلف کتب پر تبصرے شائع کیے جاتے ہیں۔