ഓണത്തുമ്പി

ഓഗസ്ത് മുതൽ ഡിസംബർ വരെയാണ് ഇവ കേരളത്തിൽ കാണപ്പെടുന്നത്. ഓണക്കാലത്ത് പെട്ടെന്ന് പ്രത്യക്ഷപ്പെടുന്നതിനാൽ ഇവയെ ഓണത്തുമ്പി എന്നു വിളിക്കുന്നു.[2][3]

ഇന്ത്യ ഉൾപ്പെടെയുള്ള തെക്ക് കിഴക്കൻ ഏഷ്യൻ രാജ്യങ്ങളിലാണ് ഇവയെ പ്രധാനമായും കണ്ടുവരുന്നത്. നെൽപ്പാടങ്ങളും കുളങ്ങളും തോടുകളുമാണ് ഇവയുടെ പ്രജനനകേന്ദ്രങ്ങൾ[1].

ആൺ തുമ്പിയും പെൺ തുമ്പിയും കാഴ്ചക്ക് തിരിച്ചറിയാവുന്നവിധം വ്യത്യസ്തരാണ്. ആൺ തുമ്പിയുടെ ചിറകുകളിൽ കറുപ്പു നിറം കുറവും സുതാര്യതയേറിയുമിരിക്കും. പെൺ തുമ്പികളുടെ ചിറകുകൾക്ക് നിറങ്ങൾ കാഠിന്യമേറിയും സുതാര്യത കുറഞ്ഞുമിരിക്കും. വലിപ്പം ഏകദേശം തുല്യമാണ്. ചിത്രശലഭങ്ങളെപ്പോലെ വളരെ സാവധാനത്തിലാണ് ഇവ പറക്കുക. വെയിലുള്ളപ്പോൾ മുറ്റത്തും അതുപോലുള്ള തുറസായ സ്ഥലങ്ങളിലും വട്ടമിട്ടു പറക്കാറുണ്ട്[1][4][5][6][7][8].

കൊതുകുകൾ, ചെറിയ പ്രാണികൾ എന്നിവയാണ് പ്രധാന ആഹാരം. കൊതുകുകളുടെ നിയന്ത്രണത്തിൽ ഇവ ഒരു ഘടകമാണ്. ഓന്ത്, ആനറാഞ്ചി തുടങ്ങിയ ജീവികൾ ഇവയെ ആഹാരമാക്കുന്നു.

• 
  ഓണത്തുമ്പി - പെൺ
• 
  ഒരു ആൺ ഓണത്തുമ്പി
• 
  ഓണത്തുമ്പി - ആൺ, ഏഴോം മൂല, പഴയങ്ങാടിയിൽ നിന്നും
• 
  ഓണത്തുമ്പി - പെൺ, ഏഴോം മൂല, പഴയങ്ങാടിയിൽ നിന്നും
• 
  ഓണത്തുമ്പി - പെൺ, കൂവേരിയിൽ നിന്നും
• 
  കൊല്ലം മൺറോതുരുത്തിൽ നിന്നും
• 
  അങ്കമാലി, കിടങ്ങൂരിൽ നിന്നും

• ഇന്ത്യയിലെ തുമ്പികളുടെ പട്ടിക
• കേരളത്തിലെ തുമ്പികൾ

• ഓണത്തുമ്പി എന്ന ജീവവർഗ്ഗവുമായി ബന്ധമുള്ള വിവരങ്ങൾ (വിക്കിസ്പീഷിസിൽ)

• ഓണത്തുമ്പി എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)