കാട്ടുമുളവാലൻ

തടിച്ച ഉദരമുള്ള പാൽത്തുമ്പി കുടുംബത്തിൽ ഉള്ള ഒരു മുളവാലൻ സൂചിത്തുമ്പിയാണ് കാട്ടുമുളവാലൻ (ശാസ്ത്രീയനാമം: Caconeura gomphoides).[2][1][3]

കാട്ടുമുളവാലൻ
പരിപാലന സ്ഥിതി

വസ്തുതകൾ അപര്യാപ്‌തം  (IUCN 3.1)[1]
Scientific classification
Kingdom:
Animalia
Phylum:
Arthropoda
Class:
Insecta
Order:
Odonata
Family:
Platycnemididae
Genus:
Caconeura
Species:
C. gomphoides
Binomial name
Caconeura gomphoides
Rambur, 1842

ചിറകിലെ പൊട്ടും തടിച്ച ഉദരവും മറ്റു തുമ്പികളിൽ നിന്നും ഇവയെ തിരിച്ചറിയുവാൻ സഹായിക്കുന്നു. ഉയരം കൂടിയ കാടുകളിൽ അപൂർവ്വമായി മാത്രം കാണപ്പെടുന്നു. പശ്ചിമഘട്ടത്തിലെ പുൽമേടുകളും ചോലക്കാടുകളും നിറഞ്ഞ പ്രദേശങ്ങളാണ് ഈ തുമ്പിയുടെ ഈ ആവാസം. ചെറിയ കൂട്ടങ്ങളായിട്ടാണ് ഈ തുമ്പിയെ കാണുന്നത്. ഇളം നീല കണ്ണിന്റെ മുകൾ ഭാഗം ഇരുണ്ട നീല നിറമാണ്. കറുത്ത നിറമുള്ള പിൻ കഴുത്തിന്റെ വശങ്ങളിൽ നീല നിറത്തിലുള്ള ഓരോ പൊട്ടുകളുമുണ്ട്. ഉരസ്സിന്റെ മുകൾ ഭാഗം തിളങ്ങുന്ന കരിനീല നിറത്തിലും കീഴ്ഭാഗം ഇളം നീല നിറത്തിലുമാണ്. അതിൽ കറുത്ത വരകളും ചെറിയ പൊട്ടുകളുമുണ്ട്. കറുത്ത ഉദരത്തിന്റെ അവസാന മൂന്നു ഖണ്ഡങ്ങൾ ഇളം നീല നിറമാണ്. ചിറകുകളിൽ ഇളം ചുവപ്പ് കലർന്ന തവിട്ടു നിറമുള്ള പൊട്ടുകളുമുണ്ട്. കാഴ്ചയിൽ ആൺതുമ്പികളെപ്പോലെയാണ്. ഇവ പുൽമേടുകളിലെയും ചോലക്കാടുകളിലെയും ഒഴുക്കുള്ള ചെറിയ അരുവികളിലാണ് മുട്ടയിടാറുള്ളത്. വളരെ ചെറിയ ദൂരം മാത്രം സഞ്ചരിക്കുന്ന ഇവ പറക്കുന്നത് വളരെ മന്ദഗതിയിലാണ്.[4][5][6]

ഇതും കാണുക
  • ഇന്ത്യയിലെ തുമ്പികളുടെ പട്ടിക
  • കേരളത്തിലെ തുമ്പികൾ

അവലംബം
  1. Kakkasery, F. (2011). "Caconeura gomphoides". IUCN Red List of Threatened Species. IUCN. 2011: e.T175177A7117753. ശേഖരിച്ചത്: 2017-03-10.CS1 maint: Uses authors parameter (link)
  2. "World Odonata List". Slater Museum of Natural History. ശേഖരിച്ചത്: 2017-03-09.
  3. കേരളത്തിലെ തുമ്പികൾ (Dragonflies and Damselflies of Kerala), David V. Raju, Kiran C. G. (2013)
  4. C FC Lt. Fraser (1933). The Fauna of British India, including Ceylon and Burma, Odonata Vol. I. Red Lion Court, Fleet Street, London: Taylor and Francis.
  5. Subramanian, K. A. (2005). Dragonflies and Damselflies of Peninsular India - A Field Guide.
  6. "Caconeura gomphoides Rambur, 1842". India Biodiversity Portal. ശേഖരിച്ചത്: 2017-03-10.

പുറത്തേക്കുള്ള കണ്ണികൾ
  • കാട്ടുമുളവാലൻ എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.