കരിയിലത്തുമ്പി

തണൽ പ്രദേശങ്ങളിൽ കാണുന്ന കടും തവിട്ടും, ഇളം നീല നിറവുമുള്ള ചെറിയ സൂചിതുമ്പി. കാട്ടുപുല്ചിന്നനുമായി സാമ്യമുണ്ടെങ്കിലും നീളംകുറഞ്ഞ ചെരുവലുകളും ഉദരത്തിലെ എട്ടാം ഖണ്ഡത്തിലെ നീല വളയവും ഇവയെ തിരിച്ചറിയാൻ സഹായിക്കുന്നു.

ആൺതുമ്പികളെ ആണ് അധികമായി കാണാറുള്ളത്. മൂന്നു നിറഭേദങ്ങളുള്ള ആൺ തുമ്പികളെ കണ്ടെത്തിയിട്ടുണ്ട്. പൊതുവേ നീലയും തവിട്ട്‌ നിറത്തിലുമുള്ള ആൺതുമ്പികളെ ആണ് കൂടുതലായി കാണാൻ സാധിക്കുന്നത്. കറുത്ത കണ്ണുകളുടെ കീഴ്ഭാഗം പച്ച കലർന്ന നീല നിറത്തിലാണ്. തലയ്ക്ക് നീല കലർന്ന തവിട്ട്‌ നിറമാണ്‌. ഉരസ്സിനും, ഉദരത്തിനും ചുവപ്പ് കലർന്ന തവിട്ട്‌ നിറവും. ഉദരത്തിൽ നീല നിറത്തിലുള്ള ചെറിയ വളയങ്ങൾ ഉണ്ട്. കാലുകൾ ഇളം തവിട്ട്‌ നിറത്തിലാണ്.

കാഴ്ചയിൽ ആൺതുമ്പികളെ പോലെയാണ്.

കേരളത്തിൽ വളരെ അപൂർവമായിട്ടാണ് ഈ തുമ്പിയെ കണ്ടെത്തിയിട്ടുള്ളത്. സമുദ്ര നിരപ്പിനോട് ചേർന്ന് കിടക്കുന്ന പ്രദേശങ്ങളിലാണ് ഇവയെ കൂടുതലായും കാണപ്പെടുന്നത്. വലിയ കായലുകളുടെയും പുഴകളുടെയും അടുത്തുള്ള ചെറിയ കുറ്റികാടുകളാണ് ഇഷ്ടപ്പെട്ട സ്ഥലം.

തണൽ വളരെ അധികം ഇഷ്ടപെടുന്ന ഇവ തറയിൽ നിന്ന് അധികം ഉയരത്തിൽ പറക്കുവാൻ താല്പര്യപെടാറില്ല. അധീന പ്രദേശം കാത്തു സൂക്ഷിക്കുന്ന ഈ തുമ്പികളെ ഒരേ സ്ഥലത്ത് സ്ഥിരമായി കാണാം.