شنگریلا جھیل

شنگریلا جھیل گلگت بلتستان کے ضلع سکردو میں واقع ایک خوبصورت جھیل ہے۔ یہ جھیل شنگریلا استراحہ (ریزورٹ) کے اندر واقع ہے۔

شنگریلا جھیل زیریں کچھورہ جھیل
محل وقوع	شنگریلا استراحہ، سکردو
جغرافیائی متناسق	35°25′36″N 75°27′18″E
نکاسی طاس ممالک	Pakistan

شنگریلا استراحہ میں شنگریلا جھیل کا ایک خوبصورت منظر

شنگریلا جھیل پاکستان کے شمالی علاقہ جات کی ایک خوبصورت جھیل ہے۔ جو سکردو شہر سے بیس منٹ کے ڈرائیو کے فاصلے پر ہے۔ شنگریلا جھیل کی ایک خوبصورتی یہ بھی ہے کہ اس کنارے ایک نہایت ہی دلکش ہوٹل/ ٹورسٹ ریزارٹ تعمیر کیا گیا ہے جو یہاں آنے والے سیاحوں کے لیے بہترین قیام گاہ ہے۔ شنگریلا ریزارٹ 1983میں بنایاگیااور یہ سکردو بلتستان کا پہلا ٹورسٹ ریزارٹ تھا۔ اس جھیل کا صاف شفاف پانی، خوبصورت نظارے اور فرحت بخش موسم سیاحوں کے لیے کسی نعمت سے کم نہیں۔ دیو مالائی حسن سے مالا مال شنگریلا جھیل دنیا بھر میں ایک منفرد مقام رکھتی ہے، شگریلا جھیل کے اطراف ان دنوں قدرت کے شاہکار ایسے بکھرے پڑے ہیں کہ پورا علاقہ جنت کا نظارہ پیش کررہا ہے۔

ملک کے مختلف علاقوں سے گرمی کے ستائے شہری شنگریلا کے مسحور کن نظاروں سے لطف اندوز ہو رہے ہیں، ہر طرف برفیلے پہاڑ، ہریالی اور ٹھنڈک سیاحوں کے لیے کسی معجزے سے کم نہیں۔

ملکی و غیر ملکی سیاحوں نے اہلخانہ کےہمراہ شنگریلا کے سبزہ زاروں کو اپنا مسکن بنا رکھاہے ، خواتین اور بچے جھیل کے پانی میں بوٹنگ سے بھی لطف اندوز ہوتے ہینں ،شنگریلا جھیل پر رکھے جہاز کے مجسمے کو لوگ نے تصویروں میں محفوظ کر لیا۔

دنیا بھر کے لوگوں کو شنگریلا جیسے قدرتی مسکن کی طرف راغب کرکے سیاحت کو فروغ دینے کے ساتھ بھاری زرمبادلہ کمایا جاسکتا ہے۔