باغ سر جھیل

باغ سر جھیل (Baghsar Lake) ضلع بھمبر، آزاد کشمیر میں سطح سمندر سے 975 میٹر کی بلندی پر واقع ہے۔ جھیل تقریبا نصف کلومیٹر طویل ہے اور ایک ایک مقبول سیاحتی مقام ہے۔ ’’باغ سر‘‘ میر پور کا ایک خوبصورت اور تاریخی مقام ہے۔ یہ گجرات سے براستہ بھمبر 64 کلو میٹر کے فاصلے پر ہے۔ یہاں مغل دور میں تعمیر کردہ کئی باغات موجود ہیں اور ایک بڑا قلعہ بھی ہے۔ یہ قلعہ ایک تاریخی روایت کے حوالے سے خاص اہمیت رکھتا ہے۔ کہتے ہیں کہ شہنشاہ جہانگیر جب دورۂ کشمیر پر آیا تو واپسی میں وہ قلعہ باغ سر میں بیمار ہوا اور یہیں پر اُس نے وفات پائی۔ اس کے جسد کو باغ سرسے لے جاکر لاہور میں دفن کیا گیاتھا۔ مغلوں کے بعد دیگر بادشاہ بھی قلعہ باغ سر میں رہے۔ قلعے کے دامن میں واقع باغ سر جھیل اس جگہ کے حسن کو دوبالا کرتی ہے اور دیکھنے سے تعلق رکھتی ہے۔

باغ سر جھیل
Baghsar
محل وقوع وادی ساماہنی
جغرافیائی متناسق 33.0453°N 74.1971°E / 33.0453; 74.1971
نکاسی طاس ممالک پاکستان
زیادہ سے زیادہ. لمبائی 0.5 میل (0.80 کلومیٹر)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.