امیر خسرو
امیر خسروفارسی اور اردو کے صوفی شاعر۔ ماہر موسیقی ،انہیں طوطی ہند کہا جاتا ہے۔
| امیر خسرو | |
|---|---|
 | |
| معلومات شخصیت | |
| پیدائش | سنہ 1253 [1][2] پٹیالی [2] |
| وفات | 9 ستمبر 1325 (71–72 سال)[1][2] دہلی [3][2] |
| مدفن | مزار امیر خسرو |
| عملی زندگی | |
| پیشہ | شاعر [2]، فلسفی ، مصنف [2]، موسیقار [2] |
| پیشہ ورانہ زبان | عربی [2]، ترک زبان [2]، ہندی [2]، فارسی [4][2]، اردو |
نام
ابوالحسن لقب، یمین الدولہ نام۔ امیر خسرو عرف۔ والدامیر سیف الدین لاچین قوم کے ایک ترک سردار تھے۔ منگولوں کے حملوں کے وقت ہندوستان آئے اور پٹیالی (آگرہ) میں سکونت اختیار کی۔
ولادت
پیدائش: 1253ء امیر خسرو پٹیالی آگرہ پیدا ہوئے۔ ان کى والدہ ہندوستانی تھیں۔ آٹھ سال کی عمر یتیم ہوئے کچھ عرصہ بعد یہ خاندان دہلی منتقل ہو گیا اور امیرخسرو نے سلطنت دہلی (خاندان غلامان، خلجی اورتغلق) کے آٹھ بادشاہوں کا زمانہ دیکھا اور برصغیر میں اسلامی سلطنت کے ابتدائی ادوار کی سیاسی، سماجی اور ثقافتی زندگی میں سرگرم حصہ لیا۔
خسرو اور محبوب الہی
محبوب الہی خواجہ نظام الدین اولیاء کے بڑے چہیتے مرید تھے خسرو کو بھی مرشد سے انتہائی عقیدت تھی ۔
صنف شاعری
خسرو نے ہر صنف شعر، مثنوی، قصیدہ، غزل، اردو دوہے ،پہیلیاں، گیت وغیرہ میں طبع آزمائی کی۔ غزل میں پانچ دیوان یادگارچھوڑے۔ ہندوستانی موسیقی میں ترانہ، قول اور قلبانہ انہی کی ایجاد ہے۔ بعض ہندوستانی راگنیوں میں ہندوستانی پیوند لگائے۔ راگنی (ایمن کلیان) جو شام کے وقت گائی جاتی ہے انہی کی ایجاد ہے۔ کہتے یہ کہ ستار پر تیسرا تار آپ ہی نے چڑھایا۔ حضرت خواجہ نظام الدین اولیا کے مرید تھے۔ انہیں کے قدموں میں دفن ہوئے۔
فارسی کلام کی مثالیں
اگر فردوس بر روے زمین است
همین است و همین است و همین است
کافر عشقم، مسلمانی مرا در کار نیست
هر رگ من تار گشتہ، حاجت زُنار نیست
از سر بالین من برخیز ای نادان طبیب
دردمند عشق را دارو بہ جز دیدار نیست
ناخدا بر کشتی ما گر نباشد، گو مباش!
ما خدا داریم ما ناخدا در کار نیست
خلق میگوید کہ خسرو بتپرستی میکند
آری! آری! میکنم! با خلق ما را کار نیست
اردو میں دوہے
- خسرو دریا پریم کا، اُلٹی وا کی دھار
- جو اترا سو ڈوب گیا، جو ڈوبا سو پار
- خسرو دریا پریم کا، اُلٹی وا کی دھار
- جو اترا سو ڈوب گیا، جو ڈوبا سو پار
- سیج وُہ سونی دیکھ کے رووُوں میں دن رین
- پیا پیا میں کرت ہوں پہروں، پل بھر سکھ نا چین
- سیج وہ سونی دیکھ کے روؤں میں دن رین
- پیا پیا میں کرت ہوں پہروں، پل بھر سکھ نہ چین
موسیقی
امیر خسرو شاعری سے ہی نہیں بلکہ موسیقی سے بھی کافی دلچسپی رکھتے تھے۔ ہندوستانی کلاسیکل موسیقی کے ایک اہم شخصیت بھی مانے جاتے ہیں۔ کلاسیکل موسیقی کے اہم ساز طبلہ اور ستار انہی کی ایجاد مانی جاتی ہے۔ اور فن موسیقی کے اجزا جیسے خیال اور ترانہ بھی انہی کی ایجاد ہے۔
اردو کی ترویج
دنیا میں اردو کا پہلا شعر حضرت امیرخسرو ہی کی طرف منسوب ہے۔ اس سلسلے میں اردو کے ابتدائی موجدین میں ان کا نام نمایاں ہے ۔
تصانیف
- تحفۃ الصغر
- وسطالحیات
- غرۃالکمال
- بقیہ نقیہ
- قصہ چہار درویش
- نہایۃالکمال
- ہشت بہشت
- قران السعدین
- مطلع الانوار
- مفتاح الفتوح
- مثنوی ذوالرانی-خضرخان
- نہ سپہر
- تغلق نامہ
- خمسہ نظامی
- اعجاز خسروی
- خزائن الفتوح
- افضل الفوائد
- خالق باری
- جواہر خسروی
- لیلیٰ مجنوں
- آئینہ سکندری
- ملا الانور
- شیریں خسرو[5]
وفات
آپ کی وفات 1325ء میں ہوئی اور خواجہ نظام الدین اولیاء کے مزار کے قریب دہلی، ہندوستان میں دفن ہوئے۔[6]
حوالہ جات
- http://data.bnf.fr/ark:/12148/cb13929460p — اخذ شدہ بتاریخ: 10 اکتوبر 2015 — اجازت نامہ: آزاد اجازت نامہ
- http://data.bnf.fr/ark:/12148/cb13929460p — مصنف: Paul de Roux — عنوان : Nouveau Dictionnaire des œuvres de tous les temps et tous les pays — اشاعت دوم — جلد: 1 — صفحہ: 79 — ناشر: Éditions Robert Laffont — ISBN 978-2-221-06888-5
- مدیر: الیکزینڈر پروکورو — عنوان : Большая советская энциклопедия — اشاعت سوم — باب: Амир Хосров Дехлеви — ناشر: Great Russian Entsiklopedia, JSC
- http://data.bnf.fr/ark:/12148/cb13929460p — اخذ شدہ بتاریخ: 10 اکتوبر 2015 — اجازت نامہ: آزاد اجازت نامہ
- شعر العجم، شبلی، جلد 2 صفحہ 107،
- Bio-bibliography.com - Authors
- E.G. Browne. Literary History of Persia۔ (Four volumes, 2,256 pages, and twenty-five years in the writing)۔ 1998. ISBN 0-7007-0406-X
- Jan Rypka, History of Iranian Literature۔ Reidel Publishing Company. ASIN B-000-6BXVT-K
- Shīrānī، Ḥāfiż Mahmūd. “Dībācha-ye duvum [Second Preface]۔” In Ḥifż ’al-Lisān (a.k.a. Ḳhāliq Bārī)، edited by Ḥāfiż Mahmūd Shīrānī۔ Delhi: Anjumman-e Taraqqi-e Urdū، 1944.
