லிங்குசாமி

லிங்குசாமி , தமிழ்த் திரைப்பட இயக்குனர் ஆவார். இயக்குனர் விக்ரமனிடம் உதவி இயக்குனராகப் பணி புரிந்துவந்த இவர் 2001 ஆம் ஆண்டு ஆனந்தம் திரைப்படத்தை முதன்முதலாக இயக்கினார். திருப்பதி புரொடக்ஷன்ஸ் என்ற திரைப்படத் தயாரிப்பு நிறுவனத்தையும் நடத்தி வருகிறார்.

என். லிங்குசாமி
பிறப்புநரேன் லிங்குசாமி
இலட்சுமிபுரம், தமிழ்நாடு
இருப்பிடம்சென்னை
பணிஇயக்குனர் (திரைப்படம்), தயாரிப்பாளர், திரைக்கதையாசிரியர்
செயல்பட்ட 
ஆண்டுகள்		1997–தற்போது

பிறப்பு

இராமநாதபுரம் மாவட்டம் பரமக்குடி வட்டத்தில் உள்ள இலட்சுமிபுரம் என்னும் ஊரில் நம்மாழ்வார் – லோகநாயகி இணையருக்கு மகனாக 1969 ஆண்டில் லிங்குசாமி பிறந்தார். இராதாகிருட்டிணன், கேசவன், சுபாசுசந்திரபோசு ஆகியோர் இவருக்கு உடன்பிறந்தவர்கள்.[1]

கல்வி

லிங்குசாமி தனது தொடக்கக் கல்வியை (முதல் வகுப்பு முதல் ஐந்தாம் வகுப்பு வரை) இலட்சுமிபுரத்தில் உள்ள எசு. ஆர். வி. எசு. நடுநிலைப் பள்ளியில் பெற்றார். 1970 ஆம் ஆண்டுகளின் பின்பகுதியில் லிங்குசாமியின் குடும்பம் திருவாரூர் மாவட்டத்தில் உள்ள குடவாசல் என்னும் ஊருக்குக் குடிபெயர்ந்தனர். எனவே, லிங்குசாமி தனது நடுநிலைப் பள்ளிக் கல்வியை (6, 7, 8ஆம் வகுப்புகள்) மூலங்குடியில் உள்ள தூய வளனார் பள்ளியில் பெற்றார். பின்னர் மஞ்சக்குடியில் உள்ள சுவாமி தயானந்தா மேல்நிலைப் பள்ளியில் உயர்நிலை (9, 10 வகுப்புகள்), மேல்நிலை (11, 12 வகுப்புகள்) கல்வியைப் பெற்றார். பின்னர் கும்பகோணம் அரசு கலைக் கல்லூரியில் பொருளாதாரம் பயின்று கலை இளவர் பட்டம் பெற்றார்.[2]

இயக்கியுள்ள திரைப்படங்கள்
ஆண்டுபடம்நடிப்புமொழிகுறிப்புகள்
2001ஆனந்தம்மம்மூட்டி, முரளி, அப்பாஸ், தேவயானி, ரம்பா, சினேகா, ஸ்ரீவித்யாதமிழ்
2002ரன் (திரைப்படம்)மாதவன், மீரா ஜாஸ்மின், ரகுவரன், விவேக், அனு ஹாசன்தமிழ்இந்தியில் இதே பெயரில் மீண்டும் படமாகப்பட்டது.
2005ஜிஅஜித் குமார், திரிஷா, விஜயகுமார், மணிவண்ணன்தமிழ்
2005சண்டக்கோழிவிஷால், மீரா ஜாஸ்மின், ராஜ் கிரண், நிதின் சத்யா, லால், சுமன் செட்டிதமிழ்தெலுங்கில் மொழிமாற்றப்பட்டது.
2008பீமாவிக்ரம், திரிஷா, பிரகாஷ்ராஜ், ரகுவரன், செரின், அசிஸ் வித்தியார்த்திதமிழ்தெலுங்கில் மொழிமாற்றப்பட்டது.
2010பையாகார்த்தி, தமன்னாதமிழ்தெலுங்கில் மொழிமாற்றப்பட்டது.
2012வேட்டைஆர்யா, மாதவன், சமீரா ரெட்டி, அமலா பால்தமிழ்இந்தியில் மொழிமாற்றம் செய்யப்படவுள்ளது.
2014அஞ்சான்சூர்யா, சமந்தா, வித்யூத் ஜம்வால்தமிழ்தெலுங்கில் மொழிமாற்றப்பட்டது.

தயாரித்துள்ள திரைப்படங்கள்
ஆண்டுபடம்மொழிகுறிப்புகள்
2007தீபாவளிதமிழ்
2009பட்டாளம்தமிழ்
2010பையாதமிழ்தெலுங்கில் மொழிமாற்றப்பட்டது.
2012வேட்டைதமிழ்இந்தியில் மொழிமாற்றம் செய்யப்படவுள்ளது.
2012வழக்கு எண் 18/9தமிழ்
2012கும்கிதமிழ்
2013இவன் வேற மாதிரிதமிழ்
2014அஞ்சான்தமிழ்
2015இடம் பொருள் ஏவல்தமிழ்தயாரிப்பு
2015உத்தம வில்லன்தமிழ்
2015ரஜினி முருகன்தமிழ்

சான்றடைவு
  1. பல்சுவை காவியம் – திங்கள் இதழ், மே 2013, பக்.24
  2. பல்சுவை காவியம் – திங்கள் இதழ், மே 2013, பக்.25


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.