சமந்தா ருத் பிரபு

சமந்தா அக்கினேனி (Samantha Akkineni, பிறப்பு: ஏப்ரல் 28, 1987) இந்தியத் திரைப்பட நடிகையும் உருமாதிரிக் கலைஞரும் ஆவார்.[7] இவர் தமிழ், தெலுங்குத் திரைப்படங்களில் நடித்து வருகிறார்.[7] ஒரு மலையாள, தெலுங்கு இணையருக்குப் பிறந்த இவர் சென்னையில் வளர்ந்தார்.[5][8] 2007இல் இரவி வருமணுடைய மாஸ்கோவின் காவிரி திரைப்படத்தில் முதன்முதலாக நடிக்கத் தொடங்கியிருந்தாலும், தெலுங்குத் திரைப்படமான ஏ மாயா சேசவா முதலில் வெளிவந்து, மிகப்பெரிய வெற்றி பெற்றது. இப்படத்தின் தமிழ் பதிப்பான விண்ணைத்தாண்டி வருவாயா திரைப்படத்தில் சிறிய கதாபாத்திரத்தில் நடித்திருந்தார்.[9][10] இத்திரைப்படத்திற்காக, சிறந்த தென்னிந்திய அறிமுக நடிகைக்கான பிலிம்பேர் விருதை (2010) இவர் பெற்றுக் கொண்டார்.[11] இவர் அதன்பிறகு நடித்த பிருந்தாவனம் (2010), தூக்குடு (2011), சீத்தம்ம வாகிட்டிலோ சிரிமல்லி செட்டு (2012), அத்தாரிண்டிகி தாரேதி (2013), கத்தி (2014) போன்ற திரைப்படங்கள் வெற்றி பெற, தமிழ், தெலுங்குத் திரைப்படத் துறைகளில் பெயர்பெற்ற, கூடிய சம்பளம் பெறும் நடிகைகளுள் ஒருவராக உள்ளார். இவரது அழகும் துல்லியமான நடிப்பும் இவரை தமிழ் மற்றும் தெலுங்கு சினிமாவில் முன்னணியில் வைத்திருக்கின்றன.[12][13][14][15]

சமந்தா அக்கினேனி
பிறப்புசமந்தா ருத் பிரபு
ஏப்ரல் 28, 1987 (1987-04-28)[1]
பல்லாவரம், சென்னை, தமிழ்நாடு, இந்தியா[2]
தேசியம்இந்தியர்
மற்ற பெயர்கள்யசோதா[3]
கல்விஇளநிலை வணிகம்[4]
படித்த கல்வி நிறுவனங்கள்தெல்லா மேரீசுக் கல்லூரி, சென்னை[5]
பணிநடிகை, உருமாதிரிக் கலைஞர்
செயல்பட்ட 
ஆண்டுகள்		2007 - தற்போது வரை
சமயம்கிறித்தவம்[6]

ஆரம்பகால வாழ்க்கை

சென்னையில் பிறந்த இவருக்கு யசோதா என்ற பெயரும் உண்டு.[16] இவர் சென்னை தி. நகரில் உள்ள ஹோலி ஏஞ்சல்ஸ் ஆங்கிலோ - இந்திய மேல்நிலைப்பள்ளியில் இளமைக்கால கல்வியும், பின்னர் ஸ்டெல்லா மேரிஸ் கல்லூரியில் வணிகவியல் துறையில் இளங்கலைப் பட்டமும் பெற்றார்.[17] கல்லூரியில் படிக்கும் போதே நாயுடு ஹாலில் விளம்பர நடிகையாகவும் பணியாற்றினார். பின்னர் கௌதம் மேனன் மூலம் தமிழ்த் திரைப்படத்தில் அறிமுகமானார்.

தொழில் வாழ்க்கை

கௌதம் மேனன் இயக்கத்தில் இவர் நடித்த ஏ மாய சேசாவே திரைப்படம், முதன்முதலாக ஏ. ஆர். ரகுமானுடன் கௌதம் மேனன் இணைவதால் மிகப்பெரிய எதிர்பார்ப்பைக் கொண்டு இருந்தது.[18] அத்திரைப்படத்திற்காக ஆகஸ்ட் 2009-தில் சமந்தா ஒப்பந்தம் செய்யப்பட்டார், அத்திரைப்படம் பிப்ரவரி 16, 2010-ல் வெளியானது.[19] இவர் ஜெஸ்ஸி என்னும் ஐதராபாத்தில் வசிக்கும் மலையாள கிருத்துவ பெண்ணாக நடித்திருந்தார். இத்திரைப்படம் வெளியான பிறகு, சமந்தாவின் நடிப்பை பாராட்டி நாளிதழ்களில் வரத்துவங்கியது.[20] சிபி (Sify) உட்பட பல இணையத்தளத்தில் இவரை "மக்களின் மனதை கொள்ளை கொள்பவள்"("scene-stealer") என்றும் அவருடைய அழகு, "கவர்ந்திழுப்பதாகவும்" ("is alluring"), என சிபியில் இவரைப் புகழ்ந்து விமர்சனங்கள் எழுதப்பட்டிருந்தது.[20]

அதன்பிறகு ஏ. ஆர். ரகுமான் இசையில், கௌதம் மேனன் உலகத் தமிழ் செம்மொழி மாநாட்டிற்காக இயக்கிய செம்மொழியான தமிழ் மொழியாம் பாடலிலும் தோன்றினார்.

திருமண வாழ்க்கை

தெலுங்கு நடிகர் நாகார்ஜுனாவின் மகன் நடிகர் நாக சைதன்யாவும் நடிகை சமந்தாவும், காதலித்து வந்தனர். பின்பு இருவீட்டாரின் சம்மதத்துடன் இவர்களது திருமணமானது அக்டோபர் 6, 2017 அன்று கோவாவில் நடந்தது. நடிகை சமந்தா கிறிஸ்தவ மதத்தைச் சேர்ந்தவர், நாக சைதன்யா இந்து மதத்தைச் சேர்ந்தவர். எனவே, இரண்டு மத முறைப்படியும் திருமணம் நடைபெற்றது. இதைத் தொடர்ந்து சமந்தா ருத் பிரபு என்னும் பெயர் சமந்தா அக்கினேனி என்றானது.[21]

திரைப்படங்கள்
ஆண்டுதிரைப்படம்கதாப்பாத்திரம்மொழிகுறிப்புகள்
2010விண்ணைத்தாண்டி வருவாயாநந்தினிதமிழ்சிறப்புத் தோற்றம்
2010ஏ மாய சேசாவேஜெஸ்ஸிதெலுங்குசிறந்த அறிமுக நடிகைக்கான தென்னிந்திய பிலிம்பேர் விருது
நந்தி சிறப்பு நடுவர் விருது
2010பாணா காத்தாடிபிரியாதமிழ்பரிந்துரை - சிறந்த அறிமுக நடிகைக்கான விஜய் விருது
2010மாஸ்கோவின் காவிரிகாவேரி தங்கவேலுதமிழ்
2010பிருந்தாவனம்இந்துதெலுங்கு
2011நடுநிசி நாய்கள்தமிழ்சிறப்புத் தோற்றம்
2011தூக்குடுபிரசாந்திதெலுங்கு
2012ஏக் தீவானா தாசமந்தாஇந்திசிறப்புத் தோற்றம்
2012ஈகாபிந்துதெலுங்கு
2012நான் ஈதமிழ்
2012நீ தானே என் பொன்வசந்தம்நித்யா வாசுதேவன்தமிழ்
2012யேடோ வெல்லிப்போயிந்தி மனசுதெலுங்கு
2012அஸ்ஸி நப்பே பூரே சாவ்இந்தி
2012ஆட்டோநகர் சூர்யாசிரிசாதெலுங்கு
2012சீதம்மா வகித்லோ சிரிமல்லே சேத்துகீதாதெலுங்கு
2012யெவடுதெலுங்கு
2014கத்திதமிழ்
201510 என்றதுக்குள்ளதமிழ்
2015தங்கமகன் தமிழ்
2015தெறி மித்ராதமிழ்
201624சத்யா எ சத்தியபாமாதமிழ், தெலுங்குகுரல்: பாடகி சின்மயி

விருதுகள்
ஆண்டு விருது விருது பெற்றது திரைப்படம் முடிவு
2011 சினிமா விருதுகள் (CineMAA Awards) சிறந்த அறிமுக நடிகை ஏ மாய சேசாவே style="background: #99FF99; color: black; vertical-align: middle; text-align: center; " class="yes table-yes2"|வெற்றி
தென்னிந்திய பிலிம்பேர் விருது சிறந்த நடிகை (தெலுங்கு) பரிந்துரை
சிறந்த அறிமுக நடிகை style="background: #99FF99; color: black; vertical-align: middle; text-align: center; " class="yes table-yes2"|வெற்றி
நந்தி விருது நந்தி சிறப்பு நடுவர் விருது style="background: #99FF99; color: black; vertical-align: middle; text-align: center; " class="yes table-yes2"|வெற்றி
டி. எஸ். ஆர் தொலைக்காட்சி-9 திரைப்பட விருது டி. எஸ். ஆர் தொலைக்காட்சி-9 சிறந்த கதாநாயகி விருது style="background: #99FF99; color: black; vertical-align: middle; text-align: center; " class="yes table-yes2"|வெற்றி
விஜய் விருதுகள் சிறந்த அறிமுக நடிகைக்கான விஜய் விருது பாணா காத்தாடி பரிந்துரை

குறிப்புகள்
  1. Shekhar H Hooli (2015 ஏப்ரல் 28). "Samantha Celebrates Birthday; Tollywood Celebs Wish Her [Photos]". IBT. பார்த்த நாள் 2015 அக்டோபர் 3.
  2. Sreedhar Pillai (2014 ஆகத்து 3). "Meet Samantha: South's hottest heroine". Firstpost. பார்த்த நாள் 2015 அக்டோபர் 3.
  3. "Samantha Christens herself Yashodha!". Filmibeat (2008 ஆகத்து 25). பார்த்த நாள் 2015 அக்டோபர் 3.
  4. "Samantha Ruth Prabhu Biography". Teluguvanitha (2012 பெப்ரவரி 14). பார்த்த நாள் 2014 பெப்ரவரி 22.
  5. "எனது சென்னை தோழிகளை ரொம்பவே மிஸ் பண்றேன்!-சமந்தா பீலிங்ஸ்". தினமலர் சினிமா (2014 ஆகத்து 2). பார்த்த நாள் 2015 அக்டோபர் 3.
  6. "It is Samanthas birthday today". Indiaglitz (2011 ஏப்ரல் 28). பார்த்த நாள் 2015 அக்டோபர் 3.
  7. Venkatesan. "Samantha Ruth Prabhu Biography". IMDb. பார்த்த நாள் 2015 திசம்பர் 3.
  8. Deepa Soman (2014 மே 13). "Malayalam gives challenging characters: Samantha". The Times of India. பார்த்த நாள் 2015 திசம்பர் 3.
  9. "What Keeps Samantha Busy?". BehindWoods (2010 ஆகத்து 6). பார்த்த நாள் 2015 திசம்பர் 3.
  10. "சமந்தா". தினமலர். பார்த்த நாள் 2015 திசம்பர் 3.
  11. "Ye Maaya Chesave". IndiaGlitz (2015 பெப்ரவரி 26). பார்த்த நாள் 2015 திசம்பர் 3.
  12. "Brindavanam success due to team work: NTR". சிஃபி (2010 நவம்பர் 9). பார்த்த நாள் 2015 திசம்பர் 3.
  13. Ramchander (2011 நவம்பர் 21). "Dookudu crosses 100 crore mark at Box Office!". Filmibeat. பார்த்த நாள் 2015 திசம்பர் 3.
  14. Shekhar H Hooli (2015 நவம்பர் 11). "'Prem Leela' box office prediction: Will Salman Khan film beat 'PK', 'Dhoom 3', 'Krrish 3' records?". IBT. பார்த்த நாள் 2015 திசம்பர் 3.
  15. கா. இசக்கிமுத்து (2015 சூன் 22). "விநியோகஸ்தர்களின் வசீகரன் விஜய்!". தி இந்து. பார்த்த நாள் 2015 திசம்பர் 3.
  16. Shankar, Settu (2008). "Samantha Christens herself Yashodha!". OneIndia. பார்த்த நாள் 2008-08-05.
  17. "Samantha Akkineni Husband, Wedding, Family, Age, Height, Weight, Biography. Article from Tamilactressdiary.com (பார்த்த நாள் 2018-02-28)"
  18. Moviebuzz (2010). "Audio released, confirms release on Feb 19!". Sify. பார்த்த நாள் 2010-02-04.
  19. TNN (2009-09-24). "Big break for Samantha". Times of India (India). http://timesofindia.indiatimes.com/entertainment/regional/news-interviews/Big-break-for-Samantha/articleshow/5046713.cms. பார்த்த நாள்: 2009-09-24.
  20. Moviebuzz (2010). "Ye Maaya Chesave". Sify. பார்த்த நாள் 2010-02-26.
  21. https://www.dinakaran.com/News_detail.asp?Nid=341153

வெளி இணைப்புகள்
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.