மீனா (நடிகை)

மீனா (பிறப்பு: 16 செப்டம்பர், 1976) தென்னிந்திய திரைப்பட நடிகை ஆவார். குழந்தை நட்சத்திரமாக அறிமுகமாகி பின்னாளில் அறியப்பெற்ற நடிகை ஆனார். இவரது முதல் திரைப்படம் சிவாஜி கணேசனின் நெஞ்சங்கள் திரைப்படமாகும். 90களில் இருந்து 15 ஆண்டுகளுக்கு மேலாக தமிழ் மற்றும் தெலுங்குத் திரையுலகங்களில் முன்னணி நடிகையாக இடம்பெற்றுள்ளார். தமிழ், தெலுங்கு, கன்னடம், மலையாளம் என தென்னிந்திய மொழிகள் அனைத்திலும் நடித்துள்ளார். இவர் கதாநாயகியாக நடித்து வெளியான முத்து திரைப்படம், சப்பானில் வெற்றிகரமாக ஓடியதை அடுத்து சப்பான் நாட்டு ரசிகர்களையும் பெற்றுள்ளார். தொலைக்காட்சித் தொடர்களிலும் நடித்துள்ளார்.

மீனா
பிறப்பு	கல்பனாதேவி செப்டம்பர் 16, 1976 (1976-09-16)[1] சென்னை, தமிழ்நாடு, இந்தியா
பணி	நடிகை
செயல்பட்ட  ஆண்டுகள்	1982 - தற்போது வரை
பெற்றோர்	துரைராஜ் ராஜமல்லிகா
வாழ்க்கைத் துணை	வித்யாசாகர் (2009–present)
பிள்ளைகள்	நைநிகா