پنجابی تندور

پنجابی تندور روایتی طور پر مٹی سے گھنٹی نما تندور ہوتا ہے۔ اسے زمین میں لکڑیوں اور چارکول سے کے ذریعہ تقریباً 480 درجہ حرارت پر روشن کیا جاتا ہے۔[4] پنجابی تندور کو زمین کی سطح پر بھی رکھا جا سکتا ہے۔[5]

پنجابی تندور یہ نمونے دریائے سندھ کے آس پاس بھی دریافت ہوئے ہیں۔[6] تاہم غیر منقسم خطۂ پنجاب میں پنجابی تندور کا استعمال کھانا پکانے کے لیے رائج ہے۔[1][7]

پنجابیوں نے روایتی طور پر ہمیشہ پنجابی تندور کو گوشت اور روٹیاں پکانے کے لیے استعمال کیا ہے۔[8] پنجابی ثقافت میں تندور کا استعمال اس قدر اہمیت اختیار کر گیا تھا کہ پنجاب لوک گیتوں میں بھی اس کے تذکرے ملتے ہیں۔[1]

سنہ 1947ء میں تقسیم ہند کے بعد بھارت کے دیگر علاقوں میں بھی پنجابی تندور کا استعمال عام ہو گیا۔ مغربی پنجاب سے ہجرت کر کے دہلی اور دیگر علاقوں میں بس جانے والے پنجابی اپنے ساتھ تندور بھی لے آئے۔[9]

پنجابی تندور اور پنجابی بٹھی میں فرق ہوتا ہے۔ پنجابی بھٹی اینٹوں یا مٹی سے بنائی جاتی ہے اور اس میں ایک ہی طرف سے آگ لگائی جاتی ہے۔ پنجابی بٹھی کے منہ کو ایک دھاتی ڈھکن سے ڈھانک دیا جاتا ہے اور ایک سلنڈر کے ذریعہ اس کا دھواں خارج ہوتا ہے۔[1]

ایسی بھٹیاں بھی ہوتی ہیں جن کے منہ کو مٹی سے بند کیا جا سکے (اس طرح کی بھٹیاں راجستھان میں بکثرت استعمال ہوتی ہیں)،[10] یا زیادہ مقدار میں کھانا پکانے کے لیے اوپر سے کھولی جا سکے۔[11]

• تندور
• تندوری مرغ
• پنجابی طباخی
• پنجابی بھٹی