جتی (پاپوش)

جُتّی (پنجابی: ਜੁੱਤੀ) یا پنجابی جتی (پنجابی: ਪੰਜਾਬੀ ਜੁੱਤੀ) پاپوش کی ایک قسم ہے جو شمالی ہند اور اس کے پڑوسی خطوں میں عام ہے۔ یہ جتیاں عموماً چمڑوں سے بنائی جاتی ہیں اور ان پر بھاری نقاشی کی جاتی ہے۔ پہلے ان پر سونے اور چاندی کے تاروں کا کام ہوتا تھا لیکن موجودہ دور میں ربڑ سول کی جوتیاں رائج ہیں۔ پنجابی جتی کے علاوہ مقامی طرز کے دیگر پاپوش بھی بنائے جاتے ہیں۔ دستکاری سے مزین جتیوں کے لیے امرتسر اور پٹیالہ اہم تجارتی مراکز سمجھے جاتے ہیں، جہاں سے جتیوں کے تاجر دنیا بھر میں آباد سکھوں کو برآمد کرتے ہیں۔[1][2][3] جتیوں کی مختلف مقامی شکلیں رائج ہیں، عموماً جتیوں کی شکل سازی کا انحصار جتی ساز پر ہوتا ہے۔ ان میں عموماً مسطح سول لگائے جاتے ہیں اور مردانہ و زنانہ دونوں قسم کی جتیاں یکساں ہوتی ہیں تاہم مردانہ جتیاں پنجابی روایتی موچھوں کی طرح زیادہ نوکیلی ہوتی ہیں اور بعض زنانہ جتیاں ایڑھی کی جانب سے کھلی ہوتی ہیں۔ عرصے سے پنجاب میں یہ جتیاں تقریبات اور بالخصوص شادی کی تقریبوں میں پہنی جاتی ہیں جبکہ سادہ جتیاں عموماً روزمرہ استعمال میں پہننے کا رواج ہے۔[4]

جتیاں

پنجابی زبان کے بہت سے لوک گیتوں میں ان جتیوں کا تذکرہ ملتا ہے۔[1]