مورار جی دیسائی

مورارجی دیسائی (29 فروری، 1896ء - 10 اپریل، 1995ء) بھارت کے تحریک آزادی کے فعال رُکن اور چوتھے وزیراعظم (1977ء سے 1979ء) تھے۔ وہ پہلے وزیراعظم تھے جو انڈین نیشنل کانگریس کی بجائے کسی تیسری سیاسی جماعت سے تھے۔ وہی واحد شخصیت ہیں جنہیں بھارت کے سب سے محترم بھارت رتن اور پاکستان کے اعلی اعزاز نشان پاکستان سے نوازا گیا ہے۔ وہ 81 سال کی عمر میں وزیر اعظم بنے تھے۔ اس سے پہلے کئی بار انہوں نے وزیر اعظم بننے کی کوشش کی لیکن ناکام رہے۔ ایسا نہیں ہے کہ مورارجی وزیر اعظم بننے کے قابل نہیں تھے، بلکہ بھارت میں وہ کثیر الجماعتی سیاست کے حامی ہونے کی وجہ سے جدوجہد میں مصروف رہے اور کئی بار انڈین نیشنل کانگریس کی جانب سے اعلٰی عہدوں پر فائز ہونے سے انکار کیا۔ درحقیقت وہ سیاسی کارکن رہے اور اپنے نظریات کی وجہ سے سینئر رہنما ہونے کے باوجود پنڈت جواہر لعل نہرو اور لال بہادر شاستری کے انتقال کے بعد بھی وزیر اعظم نہیں بنایا گیا۔ مورارجی دیسائی مارچ 1977ء میں ملک کے وزیر اعظم بنے لیکن وزیر اعظم کے طور پر ان کی مدت مکمل نہیں ہو پائی۔ چودھری چرن سنگھ سے اختلافات کے سبب انہیں وزیر اعظم کا عہدہ چھوڑنا پڑا۔

مورار جی دیسائی
(ہندی میں: मोरारजी देसाई)
مناصب
نائب وزیر اعظم بھارت (2  )
دفتر میں 13 مارچ 1967  – 16 جولا‎ئی 1969
ولبھ بھائی پٹیل
وزیر خزانہ
دفتر میں 13 مارچ 1967  – 16 جولا‎ئی 1969
اندرا گاندھی
وزیر اعظم بھارت (4  )
دفتر میں 24 مارچ 1977  – 28 جولا‎ئی 1979
اندرا گاندھی   چرن سنگھ
وزیر امور داخلہ
دفتر میں 1 جولا‎ئی 1978  – 28 جولا‎ئی 1979
چرن سنگھ
معلومات شخصیت
پیدائش	29 فروری 1896 [1][2][3][4][5]  ولساڈ ضلع
وفات	10 اپریل 1995 (99 سال)[1][3][4][5]  ممبئی
شہریت	برطانوی ہند بھارت
جماعت	انڈین نیشنل کانگریس جنتا دل (1969–)
عملی زندگی
مادر علمی	ولسن کالج، بمبئی
پیشہ	سیاست دان ، جنگ مخالف کارکن
پیشہ ورانہ زبان	ہندی [6]
اعزازات
بھارت رتن   (1991)
دستخط