பிரபுதேவா

பிரபுதேவா ( ஏப்ரல் 3, 1973, சென்னை) இந்தியத் திரைப்பட நடிகர், நடன அமைப்பாளர் மற்றும் திரைப்பட இயக்குநர் ஆவார். இவர் நடன ஆசிரியர் சுந்தரத்தின் மகனாவார். இவரின் வேகமாக நடனமாடும் திறமைக்காக இவர் இந்தியாவின் மைக்கல் ஜாக்சன் என்று பிரபலமாக அறியப் படுகின்றார். இவரது முதலாவது நடனம் வெற்றிவிழாத் திரைப்படத்திற்கானதாகும். இவர் இன்றுவரை சுமார் நூற்றுக்கும் மேற்பட்ட திரைப்படங்களில் நடனமாடியுள்ளார். மின்சார கனவு திரைப்படத்தில் இடம்பெற்ற வெண்ணிலவே வெண்ணிலவே பாடலில் சிறப்பான திறமையை வெளிப்படுத்திய பிரபுதேவா சிறந்த நடன ஆசிரியருக்கான இந்திய தேசிய திரைப்பட விருதைப் பெற்றுள்ளார்.

பிரபுதேவா

இயற் பெயர் பிரபுதேவா சுந்தரம்
பிறப்பு ஏப்ரல் 3, 1973 (1973-04-03)
சென்னை, தமிழ்நாடு, இந்தியா
தொழில் நடன அமைப்பாளர், நடிகர், இயக்குனர்
நடிப்புக் காலம் 1987—தற்போதுவரை
துணைவர் லதா

நடன ஆசிரியராக பல திரைப்படங்களில் பங்காற்றிய இவர் 1989 ஆவது ஆண்டில் வெளியான இந்து திரைப்படத்தில் நடிகை ரோஜாவுடன் இணைந்து நடித்தார். இதுவே இவர் முழுநேர கதாநாயகனாக நடித்த முதல் திரைப்படமாகும். நடிப்பைத் தொடர்ந்து இயக்குனராகவும் அவதாரம் எடுத்த இவர் போக்கிரி, வில்லு உட்பட பல தமிழ் மற்றும் இந்தி திரைப்படங்களை இயக்கியுள்ளார்.

தனிப்பட்ட வாழ்க்கை

சென்னையில் பிறந்த [1] பிரபுதேவா ராம்லாத் (லதா) என்ற பெண்ணைத் திருமணம் புரிந்தார். இவர்களுக்கு மூன்று குழந்தைகள், ஆனால் மூத்த ஆண் குழந்தை 2008 ஆம் ஆண்டில் புற்றுநோய் காரணமாக இறந்தது.[2][3] பிரபுதேவா நடிகை நயன்தாராவுடன் வாழ்ந்து வருவதாகவும், தன்னை அவருடன் சேர்ந்து வாழ விடும் படியும் மனைவி ராம்லாத் வழக்குத் தொடர்ந்தார்.[4] அத்துடன், ராம்லாத் உண்ணாநிலைப் போராட்டம் நடத்தவிருப்பதாகவும் அச்சுறுத்தல் விடுத்தார். ராம்லாத்திற்கு ஆதரவாக பெண்கள் அமைப்புகள் பல குரல் கொடுத்தன.[5] 2012 ஆம் ஆண்டில் நயன்தாரா தாம் பிரபுதேவாவிடம் இருந்து நிரந்தரமாகப் பிரிந்து விட்டதாக அறிவித்தார்.[6][7][8][9] பிரபுதேவா பின்னர் மும்பைக்குக் குடிபெயர்ந்து, பின்னர் சென்னையில் தங்கி பல படங்களில் நடித்துவருகிறார்.[10]

திரையுலகில்

பிரபுதேவா பின்னணி நடன கலைஞராக அக்னி நட்சத்திரம் போன்ற திரைப்படங்களில் ஆடியிருந்தாலும், முரளி நடித்த இதயம் திரைப்படத்தின் ஏப்ரல் மேயிலே பாடலிலேயே முதன்மை நடன கலைஞராக அறிமுகமானார். இந்த பாடல் நல்ல புகழ்பெற்றாலும் அதன்பின்னர் ஜெண்டில்மேன் திரைப்படத்தில் இவரது சிறந்த நடனம் இவரை முன்னுக்கு அனுப்பியது. அப்படத்தின் சிக்குப் புக்கு சிக்குப் புக்கு ரயிலே பாடலிற்கு இவர் ஆடிய நடனம் இளைஞர்களைப் பைத்தியமாக்கியது. இயக்குனர் மணிரத்னம் இயக்கிய அக்னி நட்சத்திரம் திரைப்படத்தில் ராஜா, ராஜாதி ராஜன் இந்த ராஜா பாடலிற்குப் பின்னணியில் ராஜூ சுந்தரத்துடன் நடனமாடினார். இத்திரைப்படத்திற்கு இவரது தந்தையே நடனம் அமைத்திருந்தார் என்பது குறிப்பிடத்தக்கது. இதை அடுத்து ஷங்கரின் இயக்கத்தில் உருவான காதலன் திரைப்படத்தில் இவர் கதாநாயகனாக நடித்தார். இது தமிழில் மட்டும் அன்றி பிறமொழிகளில் வெளியான இதன் மொழிபெயர்ப்புகளும் வெற்றியடைந்தன. இவர் பலபடங்களில் நடித்தபோதும் இவரது நடிப்புத்திறமை ஏழையின் சிரிப்பிலே திரைப்படத்திலேயே வெளிக்காட்டப்பட்டது. இப்படத்திலே இவர் ஓர் பேருந்துகூலி வேலையாளாக நடித்தார். மும்பை: டான்ஸ் உலகின் சச்சின் டெண்டுல்கர் பிரபுதேவா என்று ஏபிசிடி 2 இந்தி படத்தின் ஹீரோ வருண் தவான் தெரிவித்துள்ளார். ரெமோ டிசோசா இயக்கத்தில் பிரபுதேவா, சல்மான் யூசுப் கான் உள்ளிட்டோர் நடித்த ஏபிசிடி படம் சூப்பர் ஹிட்டானது. முழுக்க முழுக்க டான்ஸை மையமாக வைத்து எடுக்கப்பட்ட ஏபிசிடி ரசிகர்களுக்கு மிகவும் பிடித்திருந்தது. இதையடுத்து ரெமோ ஏபிசிடி படத்தின் இரண்டாம் பாகத்தை எடுத்துள்ளார்.

நடித்த சில திரைப்படங்கள்
ஆண்டு திரைப்படம் கதாபாத்திரம் மொழி
1988அக்னி நட்சத்திரம்"ராஜா ராஜாதி" பாடலில் நடனமாடும் குழுவில் ஒருவராகதமிழ்
1991இதயம்ஏப்ரல் மேயிலே பாடலில் நடனமாடும் குழுவில் ஒருவராகதமிழ்
1992உன்னை வாழ்த்திப் பாடுகிறேன்உட்டா லங்கடி பாடலில் நடனமாடும் குழுவில் ஒருவராகதமிழ்
1992சூரியன்"லாலக்கு டோல் டப்பிமா" பாடலுக்கு நடனம் ஆடுபவர்களில் முதன்மையானவராகதமிழ்
1993பிரதாப்"மாங்கா மாங்கா" பாடலுக்கு நடனம் ஆடுபவர்களில் முதன்மையானவராகதமிழ்
1993ரக்சனா"கல்லு மந்தி பாசு" பாடலுக்கு நடனம் ஆடுபவர்களில் முதன்மையானவராகதெலுங்கு
1993ஜென்டில்மேன்"சிக்குபுக்கு ரயிலு" பாடலுக்கு நடனம் ஆடுபவர்களில் முதன்மையானவராகதமிழ்
1993வால்டர் வெற்றிவேல்"சின்ன ராசாவே" பாடலுக்கு நடனம் ஆடுபவர்களில் முதன்மையானவராகதமிழ்
1994இந்துபட்டாசுதமிழ்
1994காதலன்பிரபுதமிழ்
1995ராசய்யாராசய்யாதமிழ்
1996லவ் பேர்ட்ஸ்அருண்தமிழ்
1996மிஸ்டர். ரோமியோரோமியோ
மெட்ராஸ்		தமிழ்
1997மின்சார கனவுதேவாதமிழ்
1997வி. ஐ. பி.குருதமிழ்
1998நாம் இருவர் நமக்கு இருவர்பிரபு
தேவா		தமிழ்
1998லவ் ஸ்டோரிவம்சிதெலுங்கு
1998காதலா காதலாசுந்தரலிங்கம்தமிழ்
1999நினைவிருக்கும் வரைஜானகிராமன் (ஜானி)தமிழ்
1999சுயம்வரம்கண்ணா
"சிவ சிவசங்கரா" பாடலில் பாடகராகவும்		தமிழ்
1999டைம்சீனிவாச மூர்த்திதமிழ்
2000வானத்தைப் போலசெல்வக் குமார்தமிழ்
2000ஏழையின் சிரிப்பில்கணேசன்தமிழ்
2000புகார்சிறப்புத் தோற்றம்இந்தி
2000ஜேம்ஸ்பாண்ட்ஜேம்ஸ்தமிழ்
2000பெண்ணின் மனதை தொட்டுசுனில்தமிழ்
2000டபுள்ஸ்பிரபுதமிழ்
2001உள்ளம் கொள்ளை போகுதேஅன்புதமிழ்

இயக்குனராக
ஆண்டுதிரைப்படம்நடிகர்கள்மொழி
2005நுவ்வொஸ்தானண்டே நேனொத்தண்டானாசித்தார்த், திரிஷாதெலுங்கு
2006பௌர்ணமிபிரபாஸ், திரிஷாதெலுங்கு
2007போக்கிரிவிஜய், அசின்தமிழ்
சங்கர்தாதா சிந்தாபாத்சிரஞ்சீவி, கிரிஸ்மா கோடாக்தெலுங்கு
2009வில்லுவிஜய், நயன்தாராதமிழ்
வான்டட்சல்மான் கான், ஆயிசாஇந்தி
2011எங்கேயும் காதல்ஜெயம் ரவி, ஹன்சிகாதமிழ்
வெடிவிஷால், சமீரா ரெட்டிதமிழ்
2012ரவ்டி ரதோர்அக்சய் குமார், சோனாக்சி சின்காஇந்தி
2013ராமையா வஸ்தாவையாகிரிஷ் குமார், சுருதிகாசன்இந்தி
ஆர்... ராஜ்குமார்சாகித் கபூர், சோனாக்சி சின்காஇந்தி
2014ஆக்சன் ஜாக்சன்அஜய் தேவ்கன், சோனாக்சி சின்காஇந்தி

நடனமாடுபவராக

விருதுகள்

பத்மசிறீ விருது[11]

மேற்கோள்கள்
  1. நான் 2 - நண்பனே இல்லாதவன்டா! தி இந்து தமிழ் 19 நவம்பர் 2015
  2. Prabhudeva's little son passes away!. Sify.com (4 December 2008)
  3. Ramlath demands immediate arrest of Nayantara!. Entertainment.oneindia.in (23 September 2009). Retrieved on 27 September 2013.
  4. "Prabhu's wife files for second petition". The Times Of India. 7 October 2010. http://articles.timesofindia.indiatimes.com/2010-10-07/news-interviews/28249293_1_nayanthara-prabhu-deva-latha.
  5. "Nayanthara – Tamil Movie News – Nayanthara's effigy burnt – Nayanthara | Prabhu Dheva | Ramlath | Kalpana". Behindwoods.com (6 October 2010). பார்த்த நாள் 18 October 2011.
  6. "Nayanthara, Prabhu Dheva call it quits". The Times Of India. 28 January 2012. http://articles.timesofindia.indiatimes.com/2012-01-28/news-interviews/30673544_1_prabhu-deva-prabhu-and-nayan-source.
  7. "Prabhu Deva enters into divorce deal with wife". The Times Of India. 29 December 2010. http://articles.timesofindia.indiatimes.com/2010-12-29/india/28237143_1_actor-prabhu-deva-latha-restitution-of-conjugal-rights.
  8. "Prabhu Deva granted divorce". Sify. 2 July 2011. http://www.sify.com/movies/prabhu-deva-granted-divorce-news-tamil-lhcucBcjchd.html. பார்த்த நாள்: 2 July 2011.
  9. "Nayanthara, Prabhu Deva call it quits". The Times Of India. 28 January 2012. http://articles.timesofindia.indiatimes.com/2012-01-28/news-interviews/30673544_1_prabhu-deva-prabhu-and-nayan-source.
  10. "Shruti Haasan bags Prabhu Dheva’s next film". The Times Of India. 9 July 2012. http://articles.timesofindia.indiatimes.com/2012-07-09/news-interviews/32589117_1_shruti-haasan-prabhu-dheva-rowdy-rathore.
  11. "மத்திய அரசின் பத்ம விருதுகள் இன்று அறிவிக்கப்பட்டுள்ளன : 112 பேருக்கு பத்ம விருதுகள்". தந்தி தொலைக்காட்சி (26 சனவரி 2019). பார்த்த நாள் 26 சனவரி 2019.

வெளியிணைப்புக்கள்
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.